أحدث المشاركات
صفحة 1 من 2 12 الأخيرةالأخيرة
النتائج 1 إلى 10 من 16

الموضوع: وحاجاااات كتير .... مبتتنسيش

  1. #1
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي وحاجاااات كتير .... مبتتنسيش

    و حاجات كتير مبتتنسيش


    زمان قوى
    من ييجى 16 سنة
    كنــــــــــــا عيال
    المريلة والشنطة والاستيكة والقلم الرصاص

    وحاجاااااااااااااات كتير مبتتنسيش

    فى المدرسة ......
    كنا بنلعب كل يوم السبعاوية
    ونجرى ونبهدل هدومنا
    ومش بنتعب
    وكنا بنروح فى غاية الانبساط

    وحاجاااااات كتير مبتتنسيش

    وخصوصا البنت الجميلة
    أم ضفيرة وتوكة حمرة
    يااااه ع الجمااااااااااااااال
    كنا عيال ورغم ده...
    كنا بنفهم ف الجمال
    كل الولاد كانوا بيتمنوا الرضا
    من ست حسن المدرسة
    أنا لسة فاكر اسمها
    كان اسمها ... ( ياسمين جلال )
    كانت فى فصلى تالتة خامس
    وأنا كنت حاسس وقتها بإنى الأمير
    وهطير وارفرف فـ السما
    وهجيب حصان أبيض وأركبها ورايا
    وألف بيها الحوش
    ولإنها كانت بجد جميلة جدا
    ومفيش ف كل المدرسة بنوتة حلوة زيّها
    كانوا العيال ...
    دايما يزوروا فصلنا
    وبــأى حجة
    يسألوا عن سلة فاضية
    أو على طباشير ملوّن
    أو بشاورة
    أى حجة
    المهم ....
    إنهم يرموا السلام
    ويشوفوا ضحكة منوّرة
    من بين عيون ست البنات

    وحاجااااااااات كتير مبتتنسيش

    ( أبلة حنان )
    وحنان بيجرى جوا منها بس ميت
    كانت بتدخل فصلنا
    فتخاف حيطان الفصل وتعيّـط
    ـ طلعوا الأدوات بسرعة
    ـ اكتبوا يلا ورايا
    ـ افتحوا كتاب الحساب
    ـ سمّعوا جدول ثمانية
    ـ ثانية واحدة افوت اشوفكم مخلصين
    ـ اسكتوا مسمعهش صوت
    كان سكوت الفصل بيأكد بإنا خوافين
    خوافين
    واخدين على ضرب العصا ـ أقصد عزيزة ـ
    اللى بتحضن كل يوم إيد العيال فيعيطوا
    تطرح جناين حزنهم عناقيد بكا
    مش عايزة ليه لما تقوليلى هضربك
    ما أصرخش وأملى الكون عياط

    وحاجاااااااااات كتير مبتتنسيش

    الشيخ حسن
    والريشة واللوح الجديد
    ويوماتى أسمّع نص جزء
    وأصح فـ اللوح الجديد عشر أيات
    وأنا عمرى ما أنسى
    يوم ما كان فـ شارعنا عيد
    يومها دبحنا معزتين
    وأبويا وأمى فرحانين
    بيفرقوا رز بلبن
    " الواد وليد ......
    خلّص ياسين
    وحفظها صم "
    ما كنوش ساعتها يعرفوا
    إنى وبشهادة الجميع ...
    لسه بليد
    بغلط فى سورة (( لم يكن )) و (( المرسلات ))

    وحاجااااااات كتير مبتتنسيش

    المصطبة
    وحكاوى ليل مبتنتهيش
    والعيش درة
    وحتتين جبنة قريش
    والقعدة تحلى بدور من الشاى التقيل
    ع المصطبة ....
    اليل طويــــــــــــــل
    وحكاوى م الزمن الجميل
    ـ " دى فلانة شافت فـ المنام سيدنا النبى
    عند المقام
    مدّ لها إيده وقال لها : متعيطيش "
    و
    ـ " فلانة لما اتجوزت
    كان مهرها ...
    عشريــــن جنيه "
    و
    ـ " البيه فلوسه متلتلة
    ولما نقول له ع الزكا
    بيقول : مفيش "
    و
    ـ " الجيش ما كانش لأى حد
    وجد جدى كان شاويش "
    و
    ـ " (( مطاوع )) اللى من سنة
    سافر عشان قوت العيال
    ـ أ ر ب ع عيال ـ
    مقدرش يصبر ع الوجع
    ورجع لنا من شهر ميت
    مش معاه غير مروحة
    متريّحة ببترول "
    و
    ـ " البت (( زينب )) بنت عمى (( حسين عوض ))
    جالّها العوض
    بعد أما قالوا : البت زينب ...
    أرض بور "
    ع المصطبة حاكيات كتيـــــــــــــــــــر
    ياما شربنا من حكاياتها حكايات

    وحاجااااات كتير مبتتنسيش
    وليد جودة
    أبو عدنان

  2. #2
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,154
    المواضيع : 153
    الردود : 2154
    المعدل اليومي : 0.77

    افتراضي

    الله الله
    ما كل هذه الحكايا الجميلة أستاذ / وليد .. !
    أحسنت من منا لا يذكر ( ياسمين ) ، و ( الأبله ) و ( الشيخ ) ، و(المصطبة )
    كلها ذكريات جميلة ، وشممت العبرة تنتشر من ثناياها ... شكرا لك
    النص ملئ بالأوزان المختلفة ، والتي تنقلت بينها أستاذ / وليد .. بأسلوب مهاري ، ودقيق، لم أستطع وزن القليل منها ،لعلها اللهجة !! ولكنها جميلة وماتعة ، وخفيفة ، خفة وجمال هذه الذكريات البريئة العذبة .. شرفت بك أستاذي .
    تقبل مروري ، والتقدير .
    ( حمادة )
    أسعدني بإضافة facebook
    mohammad shaban

  3. #3
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة محمد محمود محمد شعبان مشاهدة المشاركة
    الله الله
    ما كل هذه الحكايا الجميلة أستاذ / وليد .. !
    أحسنت من منا لا يذكر ( ياسمين ) ، و ( الأبله ) و ( الشيخ ) ، و(المصطبة )
    كلها ذكريات جميلة ، وشممت العبرة تنتشر من ثناياها ... شكرا لك
    النص ملئ بالأوزان المختلفة ، والتي تنقلت بينها أستاذ / وليد .. بأسلوب مهاري ، ودقيق، لم أستطع وزن القليل منها ،لعلها اللهجة !! ولكنها جميلة وماتعة ، وخفيفة ، خفة وجمال هذه الذكريات البريئة العذبة .. شرفت بك أستاذي .
    تقبل مروري ، والتقدير .
    ( حمادة )
    الجميل / محمد محمود محمد شعبان
    شكرا على مرورك السعيد وخطوك البهيج
    ولكن دعنى أقول لك أن القصيدة بكاملها على وزن بحر الكامل ، وليست بها أوزان أخرى غير وزن هذا البحر
    دمت محمدا ومحمودا و شاعرا جميلا

  4. #4
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,154
    المواضيع : 153
    الردود : 2154
    المعدل اليومي : 0.77

    افتراضي

    (وخصوصا ال ) ( بنت الجمي ) ( لةأم ضفي ) ( رة وتوكة حمرة
    ( متفاعلن ) ( متفاعلن ) ( متفاعلن ) ـ (لم أستطع وزنه )
    (كانت فى فص) ( لى تالتة خا ) (مس وأنا كنت حاسس وقتها بإنى الأمير
    ( من هنا لم أستطع الوزن فقرأتها بوزن آخر ، ولذلك التمست أنك انتقلت لوزن آخر )
    ------------------------------
    (وهجيب حصا ) (ن أبيض وأرك ) (كبها ورا ) (يا وألف بي ) (ها الحوش ولإنها كانت بجد جميلة جدا
    ( من هنا أيضا هرب مني الوزن )
    لا أدري هل أصبت أنا أم لا ؟ الحكم متروك لك أخي وليد ، وأرجو أن تصوب لي إن كنت قد أخطأت ، فكلنا يتعلم من الآخر .

  5. #5
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.43

    افتراضي

    اخي الفاضل المبدع فريد
    رغم بعض الهنات البسيطة جدا في الوزن
    وهو مجزوء الهزج مستفعلن مستفعلن فاعلن
    ومجزوءه مستفعلن مستفعلن
    ولو احببت ان تزن شعرك فاعلم البحر اولا
    ما ينطق يكتب ومالا ينطق لا يكتب
    ثم تنظر للمتحركات والسواكن وتزن عليها
    كما قال اخي حمادة متفاعلن هي ليست متفاعلن بتسكين التاء ولكنها مستفعلن ولو شكلت تجدهم متقاربين
    المهم
    اعجبني
    اليل طويــــــــــــــل
    وحكاوى م الزمن الجميل
    تثبت ثلاثا للتلقائية والتذكير بايام الصبا الجميلة وتعريجك على ايام الاريحية بين البشر
    اين تجدها الان اخي وتثبت ايضا تشجيعا اخي الكريم
    دمت مبدعا رائعا

  6. #6
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,154
    المواضيع : 153
    الردود : 2154
    المعدل اليومي : 0.77

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    اخي الفاضل المبدع فريد
    رغم بعض الهنات البسيطة جدا في الوزن
    وهو مجزوء الهزج مستفعلن مستفعلن فاعلن
    ومجزوءه مستفعلن مستفعلن
    ولو احببت ان تزن شعرك فاعلم البحر اولا
    ما ينطق يكتب ومالا ينطق لا يكتب
    ثم تنظر للمتحركات والسواكن وتزن عليها
    كما قال اخي حمادة متفاعلن هي ليست متفاعلن بتسكين التاء ولكنها مستفعلن ولو شكلت تجدهم متقاربين
    المهم
    اعجبني
    اليل طويــــــــــــــل
    وحكاوى م الزمن الجميل
    تثبت ثلاثا للتلقائية والتذكير بايام الصبا الجميلة وتعريجك على ايام الاريحية بين البشر
    اين تجدها الان اخي وتثبت ايضا تشجيعا اخي الكريم
    دمت مبدعا رائعا
    حقا أخي / الطنطاوي الحسيني .. هي تستحق التثبيت
    وللعلم .. فأخي / وليد .. يمكنه أن يعمل فنانا تشكيليا ... ـ إن لم يكن كذلك فعلا ـ
    لقد رسم بحرفه صورا بالأبيض والأسود لزمن جميل نفتقده جدا ، فدغدغ الحنين إليها .
    لا فض فوك أخي / وليد ، وأبارك لك بهذا التثبيت الاستحقاقي .
    تحية بحجم صباح كله الرضا والتفاؤل .

    ( حمادة )

  7. #7
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة محمد محمود محمد شعبان مشاهدة المشاركة
    (وخصوصا ال ) ( بنت الجمي ) ( لةأم ضفي ) ( رة وتوكة حمرة
    ( متفاعلن ) ( متفاعلن ) ( متفاعلن ) ـ (لم أستطع وزنه )
    (كانت فى فص) ( لى تالتة خا ) (مس وأنا كنت حاسس وقتها بإنى الأمير
    ( من هنا لم أستطع الوزن فقرأتها بوزن آخر ، ولذلك التمست أنك انتقلت لوزن آخر )
    ------------------------------
    (وهجيب حصا ) (ن أبيض وأرك ) (كبها ورا ) (يا وألف بي ) (ها الحوش ولإنها كانت بجد جميلة جدا
    ( من هنا أيضا هرب مني الوزن )
    لا أدري هل أصبت أنا أم لا ؟ الحكم متروك لك أخي وليد ، وأرجو أن تصوب لي إن كنت قد أخطأت ، فكلنا يتعلم من الآخر .
    أساتذتى الكرام/
    الشاعر الجميل / محممد محمود
    الشاعر الكبير / الطنطاوى حسين
    شكرا جزيلا على مروركم العاطر الفوّاح ، وشكرا على التثبيت الغير مستحق بالمرة
    ولكن لى أن أوضح ثانية أن هذا القصيد على بحرالرجز فعلا وليست على بحر الكامل كما سبق قوله ( فقد كان هذا خطأ غير مقصود
    أما إذا كان هناك هنات فأرجو من سيادتكم توضيحها لى حتى أتلاشاها

  8. #8
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    اخي الفاضل المبدع فريد
    رغم بعض الهنات البسيطة جدا في الوزن
    وهو مجزوء الهزج مستفعلن مستفعلن فاعلن
    ومجزوءه مستفعلن مستفعلن
    ولو احببت ان تزن شعرك فاعلم البحر اولا
    ما ينطق يكتب ومالا ينطق لا يكتب
    ثم تنظر للمتحركات والسواكن وتزن عليها
    كما قال اخي حمادة متفاعلن هي ليست متفاعلن بتسكين التاء ولكنها مستفعلن ولو شكلت تجدهم متقاربين
    المهم
    اعجبني
    اليل طويــــــــــــــل
    وحكاوى م الزمن الجميل
    تثبت ثلاثا للتلقائية والتذكير بايام الصبا الجميلة وتعريجك على ايام الاريحية بين البشر
    اين تجدها الان اخي وتثبت ايضا تشجيعا اخي الكريم
    دمت مبدعا رائعا
    القدير / الطنطاوى حسين
    شكرا على رمروك الجميل
    وعلى التثبيت الكريم جدا
    وفعلا أنت على حق أستاذى فالقصيدة على وزن الرجز حقا
    وأنا أعلم ذلك جيدا ولذلك لدراستى علم العروض أثناء دراستى بالجامعة ( كلية دار العلوم )
    وقولى أنها على وزن ( الكامل ) كان سهوا وخطأً ليس أكثر
    شكرا سيدى على التوضيح وعلى التثبيت وعلى المرور النقى الصافى
    دمت شاعرا جميلا

  9. #9
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.43

    افتراضي

    اخي الحبيب الشاعر المبدع وليد جودة
    الكريم
    نعم اخي لقد اخطأت خطأ غير مقصود فالقصيدة من مجزوء الرجز وليس الهزج وبحر الرجز كما تعلم مستفعلن ثلاثا
    اما ما ذكرته انا مستفعلن مستفعلن فاعلن او فعلن فهو السريع
    تحياتي واعتذر لنسياني التثبيت
    دمتم مبدعين ابدا

  10. #10
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    اخي الحبيب الشاعر المبدع وليد جودة
    الكريم
    نعم اخي لقد اخطأت خطأ غير مقصود فالقصيدة من مجزوء الرجز وليس الهزج وبحر الرجز كما تعلم مستفعلن ثلاثا
    اما ما ذكرته انا مستفعلن مستفعلن فاعلن او فعلن فهو السريع
    تحياتي واعتذر لنسياني التثبيت
    دمتم مبدعين ابدا
    القدير / طنطاوى الحسينى
    شكرا على مرورك الثانى والذى أضاف إلى قصيدتى الكثير والكثير
    فالقصيدة لم يكتمل بناؤها إلا بعد مرورك وخطوك الكريم
    دمت مبدعا

صفحة 1 من 2 12 الأخيرةالأخيرة

المواضيع المتشابهه

  1. كتير يا مصر !
    بواسطة شاهين أبوالفتوح في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 30-08-2013, 08:21 PM
  2. "يا مصر" ردا على قصيده الشاعر شاهين -كتير يا مصر -
    بواسطة أحمد موسي في المنتدى أَدَبُ العَامِيَّة العَرَبِيَّةِ
    مشاركات: 16
    آخر مشاركة: 03-03-2010, 03:16 AM
  3. كتير بحبك
    بواسطة عادل حجازى في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 26-04-2009, 08:57 PM
  4. كتير شبهك _ لمحمود عبد الله سلامة _ مع تحياتي
    بواسطة محمودعبدالله سلامة في المنتدى أَدَبُ العَامِيَّة العَرَبِيَّةِ
    مشاركات: 12
    آخر مشاركة: 10-02-2008, 03:50 PM
  5. بالذمة ..ده مش كتير ؟؟؟
    بواسطة سعيد شكري في المنتدى أَدَبُ العَامِيَّة العَرَبِيَّةِ
    مشاركات: 11
    آخر مشاركة: 01-05-2007, 09:42 PM