قصيدة : فؤادة !!

فُؤادِهْ !!
عليك سلام الله يا مصر
مكتوب عليكي
تباتي سهرانه
تستني أخبار المحاكم
و عايشة حيرانه
صعاب تهد الحيل
و تجيب الخراب
بس إنتي باسم الله
محفوظة عمرانة
.......................
فؤاده النهاردة صابحة
صباحها دستوري
عروسة م الفجر صاحية
وغمها حضوري
عريسها في المحكمة
والحكم أسطوري
......................
يا هل ترى يا فؤاده
بعد ساعات
هتبتدي م الصفر
و تبتدي الأزمات
و للا نِكَمْل
في طريق مجهول
تتوه بنا الخطوات
ما بين جماعة وعسكر
ذنبه إيه الشعب
مكتوب عليه الغلب
و إتْحَمِّلي الصدمات
.....................
فؤادة في المحكمة
تصرخ بعلو الصوت
مش عاوزة عتريس
لو عُمره مستني
والتاني كمان عتريس
واقف ومتحني
لا عايزة ده ولا ده
مين يبعدوا عني
عتريس من تقل دمه
فَكَّر في نفسه وبس
يغسل إيديه بالدم
وفاكرها بتغني
...................
القاضي شاف الدموع
متحجرة في العين
الدمع دم بينزف
مرسوم على الخدين
قال يا فؤاده حرام
فرحة شبابك فين
قالت لمين الفرح
والفرح أجيبه منين
العينة بينة
بص عليها و شوف
و الهم عالمكشوف
عايش في قلبي سنين
...................
القاضي قال محكمة
الكل هس سكوت
نادي وقال يا ناس
فؤاده لو تتجوز
بعد الجوازة تموت
الحكم بالعدل يبقى
الخلع للإتنين
شعر د هاني ابوالفتوح
الكويت – الخميس 14 يونية 2012

هو حالنا ونكتة العصر التي يضحك عليها العالم
شكراً لك ياشاعر
cryheart

أهلا يا دكتور / هاني
دائما حاضر في كل المناسبات ، وبمناسبة الحكم اليوم كنت حاضرا أيضا
دام الحضور ، ودامت الغيرة على وطننا الغالي مصر .
ولكن لا أدري يا دكتور لعلك تسرعت في نشر هذه الرائعة بعض الشئ .. ألست معي ؟
بالنسبة لأسلوب حضرتك كالمعتاد بسيط وسهل تختصر المسافات ، وتقلل جدا في استخدام الرمزية ، وهذا ما يميزك .
بالنسبة للوزن أنا هنا قرأتها باللهجة الصعيدية مرة ، وبالعامية المصرية مرة ، والوزن في المرتين تعثر معي .. لا أدري .
العنوان جاء مناسبا جدا يا دكتور ـ ما شاء الله ـ ( فؤاده ) و ( شئ من الخوف ) مممممم .. رائع . . ممتاز .

تقبل ثقل مروري ، وتحيتي

حمادة الشاعر
مشرف عامية

أهلا يا دكتور / هاني
دائما حاضر في كل المناسبات ، وبمناسبة الحكم اليوم كنت حاضرا أيضا
دام الحضور ، ودامت الغيرة على وطننا الغالي مصر .
ولكن لا أدري يا دكتور لعلك تسرعت في نشر هذه الرائعة بعض الشئ .. ألست معي ؟
بالنسبة لأسلوب حضرتك كالمعتاد بسيط وسهل تختصر المسافات ، وتقلل جدا في استخدام الرمزية ، وهذا ما يميزك .
بالنسبة للوزن أنا هنا قرأتها باللهجة الصعيدية مرة ، وبالعامية المصرية مرة ، والوزن في المرتين تعثر معي .. لا أدري .
العنوان جاء مناسبا جدا يا دكتور ـ ما شاء الله ـ ( فؤاده ) و ( شئ من الخوف ) مممممم .. رائع . . ممتاز .

تقبل ثقل مروري ، وتحيتي

حمادة الشاعر
مشرف عامية

أخي الحبيب الرائع الشاعر الأستاذ حمادة
نعم معك كل الحق لكنها كلمات الهم والغم خرجت على عجل ونشرت بلا ترتيب ولا مراجعة كمن أراد أن يشاركه غيره في همه وأتراحه فعند الحزن لاتهتم بملبس ولا شكل فاليوم نعود لنقطة الصفر لأخطاء وصغائر وكأن وقت أمة لا قيمة له وفؤاده كانت تتوجع منذ فجر اليوم في عدة مقاطع مختلفة تم تجميعها لتطلق صرختها وما كان يجب التعجل في النشر دون روية و مراجعة والإعتراف بالحق واجب لكنها الرغبة في مواساة الآخرين ولك الله يا مصر , تقبل خالص مودتي وحبي وتقديري

فؤاده لو تتجوز
بعد الجوازة تموت
الحكم بالعدل يبقى
الخلع للإتنين

أحد الخيارين شر
لك الله يامصر ولا أدري حقيقة إلى أين ؟
ندعو لها السلامة
دمت مواكبا للحدث مشاركا لها في أوجاعها
تحاياي

أهلا يا دكتور / هاني
دائما حاضر في كل المناسبات ، وبمناسبة الحكم اليوم كنت حاضرا أيضا
دام الحضور ، ودامت الغيرة على وطننا الغالي مصر .
ولكن لا أدري يا دكتور لعلك تسرعت في نشر هذه الرائعة بعض الشئ .. ألست معي ؟
بالنسبة لأسلوب حضرتك كالمعتاد بسيط وسهل تختصر المسافات ، وتقلل جدا في استخدام الرمزية ، وهذا ما يميزك .
بالنسبة للوزن أنا هنا قرأتها باللهجة الصعيدية مرة ، وبالعامية المصرية مرة ، والوزن في المرتين تعثر معي .. لا أدري .
العنوان جاء مناسبا جدا يا دكتور ـ ما شاء الله ـ ( فؤاده ) و ( شئ من الخوف ) مممممم .. رائع . . ممتاز .

تقبل ثقل مروري ، وتحيتي

حمادة الشاعر
مشرف عامية

يا مصر
مكتوب عليكي
تباتي سهرانه
ما بين أخبار القضايا
عايشة حيرانه
و صعاب تهد جبال
قدامنا وورانا
بس إنتي باسم الله
محفوظة عمرانة
.......................
فؤاده صابحة النهاردة
صباحها دستوري
عروسة م الفجر صاحية
غمها حضوري
عريسها في المحكمة
والحكم أسطوري

فُؤادِهْ !!
يا مصر
مكتوب عليكي
تباتي سهرانه
بين أخبار القضايا
عايشة حيرانه
و صعاب تهد جبال
قدامنا وورانا
بس إنتي باسم الله
محفوظة عمرانة
.......................
فؤاده صابحة النهاردة
صباحها دستوري
عروسة م الفجر صاحية
غمها حضوري
عريسها في المحكمة
والحكم أسطوري
......................
يا هل ترى يا فؤاده
من بعد ساعات
هتبتدي م الصفر
و تبتدي الأزمات
و للا الطريق مجهول
تَوِّهْ بنا الخطوات
ما بين جماعة وعسكر
إتْحَمِّلي الصدمات
......................
كان ذنبه إيه الشعب
بين مطرقة وسندان
كتبوا عليه الغلب
والحبس للجدعان
.....................
فؤادة في المحكمة
تصرخ بعلو الصوت
مش عاوزة عتريس
لو عُمره مستني
والتاني عتريس
واقف ومتحني
لا عايزة ده ولا ده
مين يبعدوا عني
عتريس من تقل دمه
فَكَّر في نفسه وبس
يغسل إيديه بالدم
وفاكرها بتغني
...................
القاضي شاف الدموع
متحجرة في العين
الدمع دم بينزف
مرسوم على الخدين
قال يا فؤاده حرام
فرحة شبابك فين
قالت لمين الفرح
والفرح أجيبه منين
العَيِّنَة بَيِّنَة
بص عليها و شوف
و الهم عالمكشوف
عايش في قلبي سنين
...................
القاضي قال محكمة
الكل هس سكوت
نادي وقال يا ناس
فؤاده لو تتجوز
بعد الجوازة تموت
هحكم بإسم العدل
وصاحب الملكوت
وأخلعها م الإتنين
شعر د هاني ابوالفتوح
الكويت – الخميس 14 يونية 2012