فضاء العتابا و الميجنا

لما يا قلبي هالحبايب يجرحوك
لملم جراحك بالخفا لا يلمحوك
واصفح وسامح من قبل كم سامحوك
لولا الحبايب وش يساوي عمرنا
يا ميجنا يا ميجنا يا ميجنا
لولا الحبايب لا في فرح ولا هنا

حكمة وحكيم بوقت كله فزلكة
وقلوب تعبانة وأماني ملبلكة
هيدي مشاعر ما بتحمل دربكة
بين الحبايب بسِّ بندوق الهنا

ويا ميجنا ويا ميجنا ويا ميجنا
طل اللبابيدي تا يِحلا وقتنا

هذي جُموعَ الخير مَحْلى رْواحْها
تقصد دروب العز ممْشى رْواحْها
واللي جَمَعْنا اليوم منبرْ وَاحْها
حيُّوا الأمير ورحِّبوا يا حْبابِنا

ميجانا ويا ميجانا ويا ميجانا
غنُّوا لواحَهْ تْربَّعتْ بقلوبِنَا

طل القمر تايقول أهلا ومرحبا
للي عطانا دروسها تانجربا
هيدا الوليد بن الرشيد مصوِبا
عما يدرسنا عتابا ميجنا

ويا ميجنا ويا ميجنا ويا ميجنا
أحلى تحية بنكتبا بحروفنا

يا ميجنا ويا ميجنا ويا ميجنا
ضمّي يا واح الخير كلّ حبابنا

نادت عروبتنا وقالت جمِّعوا
كل الأحبة اللي أجوا واللي ارجعوا
من غير وحده اللي انْبَنا بِنضيّعوا
كيدوا العدا واتوحدوا يا أهلِنا


مني الخطى لو لاخر الدنيا معك
يا أمتي لو تهمسي رح اسمعك
وبواحة الأحرار لامسح مدمعك
واجمع لك الأحباب لو ظهري انحنا


شُعَرا وأهِل فِكْر وُأدب في الملتقى
يجمعهم الإيمان فيكي والنقا
وكرمال مجدك أمتي ، بعمري البقى
بنستنهضك ونرد لك أمجادنا


مشاركة عابرة تشجيعا لكم.


تحياتي

صرح المعالي يا حبايب شيدو
وعلّى منابر للي بدّن ينشدوا
وصاغ الأدب والحرف سيّج معبدو
هادا سمير الشعر حلّى الميجنا

يا ميجنا ويا ميجنا ويا ميجنا
يسلم أمير الشعر باني واحنا

أهلا بهطول العزيزة نداء بصفحات هذا الفن الجميل .

يا ميجنا وميجنا ويا ميجنا
حيي مساكم يا فوارس واحنا

قاماتكم مثل النخل ما بتنحني
وعالخير مجتمعين من كل الدني
وقلوبكم صفحات بيضا مزيني
بالحب والإيمان وبإصرارنا

وحروفكم لولو وقلايد من دهب
ونصوصكم زينة على صدر الأدب
واللي مكاتيبُه عجايب لو كتب
لو همُه يتعلم ... يشرف عندنا

عنا الجهود اللي هدفها مجدنا
وعنّا اللغة أول وآخر همنا
وعنّا العروبة قصدنا وموضوعنا
جودي يا واح الخير واحيي قلوبنا

جودي بحروف معطرة بمسك وندى
مكتوب فيها متلنا ما في حدا
يا ملتقى الواحة الثقافي عالهدا
خلّي النخل يحكي عتابا وميجنا

مشاركة عابرة تشجيعا لكم.

تحياتي

كل المنابر للي باعوا واشتروا
بالأمة واللي عالخلق بتكبروا
واللي إلن حق الحكي بيتحاصروا
شنوا كلامن رح يكون رصاصنا

أهل الأدب ، أهل الفكر، والمرجلة
بالحبسِ دكوا حروفهن المشعلله
حالتنا صارت بالقهر مستفحلة
وربك رزقنا فيك يا أستاذنا

تبني صرح للحقُّن اليوم انسرق
وتعلمن إنه النضال الْ عَن صدق
نبني حضارتنا تا تتربى الخلق
عالعز والاقدام وبإصرارنا

يا ميجنا ويا ميجنا ويا ميجنا
يسلم سمير الشعر سيد واحنا

أهلا بهطول العزيزة نداء بصفحات هذا الفن الجميل .

أهلا بالغالية نادية
شكرا عزيزتي لسرعة حضورك

بوركت

طل القمر تايقول أهلا ومرحبا
للي عطانا دروسها تانجربا
هيدا الوليد بن الرشيد مصوِبا
عما يدرسنا عتابا ميجنا

ويا ميجنا ويا ميجنا ويا ميجنا
أحلى تحية بنكتبا بحروفنا

عذرًا أختي المبدعة الشاعرة نداء إذ فاتني هنا هذا اللطف وهذه المشاركات البديعة .. سلم الله يداك
دمت ودام معك الإبداع .. والشكر للكبيرة الراقية نادية على دعوتنا على موائدها العامرة دومًا بكل جميلٍ ومفيد وراق
مودتي وشكري أخت نداء بلا حدود

والشكر للكبيرة الراقية نادية على دعوتنا على موائدها العامرة دومًا بكل جميلٍ ومفيد وراق

================

البيت بيتكم ، و الميجانا ميجناتاكم ، و العتابا عتاباتكم

وأن ضيفة في رحاب دياركم .

دمت كريما .

حكمة وحكيم بوقت كله فزلكة
وقلوب تعبانة وأماني ملبلكة
هيدي مشاعر ما بتحمل دربكة
بين الحبايب بسِّ بندوق الهنا

ويا ميجنا ويا ميجنا ويا ميجنا
طل اللبابيدي تا يِحلا وقتنا

على هجرك يا خلي شو غريب صبري
تحلى بعذابي وما تدري بصبري
إخوة حناين مثل ندا غريب صبري
لولا نداهن شو كنت بعمل أنا

ويا ميجنا ويا ميجنا ويا ميجنا
ما أحلا الأخوة في مرابع واحنا

على هجرك يا خلي شو غريب صبري
تحلى بعذابي وما تدري بصبري
إخوة حناين مثل ندا غريب صبري
لولا نداهن شو كنت بعمل أنا

ويا ميجنا ويا ميجنا ويا ميجنا
ما أحلا الأخوة في مرابع واحنا

جميلة يا أستاذنا ، ومتابع حضرتك
باهتمام ، ولي عودة ـ إن شاء الله ـ بما يناسب هذا الألق .
بوركت صحبتكم ، ولا حرمنا شرف
التقائنا بجميل حضوركم وإبداعكم .

تحيتي

حمادة الشاعر
مشرف عامية