رغم بساطة الكلمات ,إلا أنني أفخر بأني كتبتها بعد اغتيال الشهيد بإذن الله خالد سعيد بساعات , وتاريخ نشرها على أحد المواقع يثبت ذلك.
لرواد العامية المصرية عذراً , فقد انثالت الكلمات بلهجتكم المحببة إلى قلبي.
انا ابني ماهوش حشاش ,
لا حرامي و لا غشاش.
مات مل القهر و الحسرة
ما اختنقش من البانجو .
المدسوسالو بالقماش.
زمانو دلوقت متهني
وبين الحور بيغني
لكني اليوم حلمت بيه
بيناديني
يعاتبني ويناغيني
وشايفة دموعو يا ولداه , بتسقي خدو بمرارة
ويصرخ ليه يا امي , رحت كدا بخسارة .
يا ريتني كنت انا اعمى , وما شفتش بيعملو ايه
واتمحت من قاموسي كلمةلأ و بس و ليه.
ايدين المجرمين قاسية
وقلوبهم كمان قاسية
وشهود على قفا من يشيل
ضماير ميتة و ناسية
ف يوم العرض ح نتقابل
انا و انتي و الجلاد
وحقي ابدا ما يسيبو
مولاي رب العباد
هاوديهم عشان خاطري
لاني بخاف يجرالكم
زي ما حصل و جرالي.
بلاش العند ياما بلاش
دول فاكرين كل الكون
بنص ريال , ولا بلاش
سيبيها لربك المعبود
وقوليلهم وراسك مرفوع
ابني كان في يوم حشاش