إلى صديق لي يحب تلك الكلمات
الشاعر محمد عبد القادر
لا تجعله يصيبك .. فإن صادقك الحزن لن يتركك
إني أحبك في الله
ولكم .. لعلها تُحيي الأمل في قلوب بعض من يأسوا
ممكن الأحلام تموت
وسط بستان الحياه
والطيور الجارحة تِـكـتـَر
والأمل يخسر خـُطاه
بس لو عندك إرادة
خللي نبضة قلب واحدة..هى طوقك للنجاه
وازرع البستان وخَضَّر
ترجع الأحلام تِزَهَّر
وارتعاشك يبقى تاه
والحياه..
الحياه محتاجه لحظه
نمحى فيها الــ / يأس والحزن اللــِ بيعشش معاه
وابتسم.../
ابتسم رغم احتمالك
واسمع النـُصح اللي جالك..:
ان مهما هتبكى عمرك
مش هتبكى الناس فداك
يبقى أحسنلك..تِغَنِّى
أيوه غَنِّى
واهزم الخوف بالتمنى
تلقى فرح الكون معاك
أحسن أمّا تطب ساكت
مين هيسمع كَتْم صوتك..!؟
أصل هى الدنيا لحظة
إما تتبسم ياصاحبى..يومها تكسب
أو هتخسر..لما تغضب..راحة العمر اللي باقي
واما تتعلم وتفهم..
مش هتعرف تانى تصرخ
مش هتعرف تانى تحلم
وان حلمت..!
مش هتعرف تروى حلمك
وسط بستان الحياه
cryheart
4/2009