تابلوه من وحي الثورة

لفـوا المقام بالورد
ارموا الحقيقة نذور
ناسي مكان القبر
ولا انته ناوى تزور
حمل الجتت على الأرض
مَنعهـا والله تدور
باعوا التراب بالنهد
والظلم عالا السور
ومنين هجيب حلمـى ؟!
وانا حلمـى بات مسحور
ضلمة يا بطن الشمس
والكهف شعشع نور
شدوا لجام حرفى
انا حرفى غاوي يثور
واجلد حكاوي الغد
واسجن جمال الحور
ابعت حكيم للقصر
يرجع حكيمك تور
اقتل بأيديك ضى
لكنه مش مؤمن
انه فى يوم يختفـى
اطلق رصاصك حى
وتوارى ليه عورته؟!
بعتوا الغراب يرسمه
أنشوده فى الملكوت
دمك ده ليه تكتمه
داخل سجون الموت
كل المأدن صدا
محتاجه وحدة صوت
كل الودان تنطرب
لمـا الحمار نهئ
بلبل حارتنـا لطم
والشك كلمة تزهئ
لسا الغراب مش لاقـى
ملايين بتغوى العلم
وادى مخالبه انحنت
ادام جلالة الدم
وادى الحجارة انبت
فوق سدر عاش للظلم
معزول انا وشِعري
وشعرى نازل ذم
قالى بصوت مدبوح
مش قولتلكـ يا بنى
بكره مخاوي الهم !!
بصيت ولامم جرحـى
وقلت انـا استنـا!!
لو كـان فى بكره الألم
عيشه بكل ما فيه
وميعادنـا فـ ـ الجنه

كُتبت بتاريخ
8/6/2012
الساعة 12:00 مساءً
بقلم /
أحمـد عبد الفتاح الشهيبى

لو كـان فى بكره الألم
عيشه بكل ما فيه
وميعادنـا فـ ـ الجنه

قصيدة ثائرة قوية أبية فكرتها رائعة
فقدت فيها الوزن أحيانا فليتك تعود إليها منقحا

أهلا بك شاعرنا الكريم في واحتك

تحاياي

تابلوه مشرف اسما وموضوعا
والوزن والموسيقى عجبونى بجد
والكلام سيدهم