مسيرك يوم

[SIZE="6"][CENTER][COLOR="Blue"][CENTER]هذه القصيدة قديمة كتبت هي ومثيلات لها ولم أكن أستطيع إلقائها ولا حتي أكتب عليها إسمي
ولكن الحمد لله بعد الثورة فقد آن لها أن تري النور وأتمني أن تنول رضاكم وإلي القصيدة


مسيرك يوم

مسيرك يوم يجيلك يوم
هتندم فيه وتتألم
ويومها ما حد هيغيتك
تدوق المر بعد الحلو
من أهلك
ويسقط من إيديك صيتك
ظلمت كتير
وقالوا عليك خسيس وجبان
تبيع الأهل والعشرة
تبيع نفسك
تبيع الارض والأوطان
مسيرك يوم هتتألم
وتعرف ان فيه سلطان
ظلمت كتير
وظلمك بان
في آهة قلب مكتومة
وصرخة أم مهمومة
وأب حزين علي ولاده
وعايش في الديون غرقان
مسيرك يوم
تخش البيت تلاقي البيت ماهوش بيتك
ولا ولادك مهماش ليك
تشوف الحكم بالإعدام في نظرات العيون حواليك
تخاف م الناس .ويبقوا الناس
سيوف .خايف تقرب ليك
ظلمت كتير وظلمك نار
بتاكل كل زرع أخضر
برىءطاهر .يحررنا
ويحيينا
يحرك موت خطاوينا يطفي النار
ومن تاني تلفلنا
وتخنقنا كأنك تار
وتحرق كل يوم ثورة
وتقتل كل يوم ثوار
ورأيك كله ليك وحد ك
ومتفصل علي قدك لمصلحتك
في وش الشعب والأحرار
ظلمت كتير
وظلمك ع الوشوش تلاقيه
وظلمك في القلوب زارعه
هتكسب ايه وجايلك ايه
في نهب الحق أوبلعه
مسيرك يوم هتتالم
وتغرق وسط أحزانك
وتشرب مر من قلبك
وتكره كل أعوانك
لأنك كنت مش شايف
وأعمي العين وأعمي القلب
وحكمك لينا كان زايف
قطعت العيش
سقيتنا الغلب
مفيش أمه بيحكمها
ويعلي بيها ديب أو كلب
سنين ظلمك
سحابة صيف وهتعد ى
وأملك في الحياه مقطوع
وقطر العمر بيودي
ولا بينساش ولا يهدي
وعمرك بين أيدين الله
يامصر
ياكل أصحابي وأحبابي
وأهلي وعشرتي وناسى
أنا ابنك
قيميتى من قيمتك
وعايش فيكي علي قدي
دموعك نهر أحزاني
وحبك نيل في وجداني
وخوفي يجيلنا من تاني
وريث فرعون
ساعتها حموت من الحسره
وينشف دم ف عروقي
ويطرح نار علي خدي
واحس اني بموت تاني
ومين ييجي يواسيني
يحس بنار بتكويني
وأنا العاشق
وأنا اللي النزف في قلبي
وأنا اللي بتبكي من كتر الهموم عيني
وانا اللي الحزن ف عروقي وشراييني
أنا خايف ومش عارف
ومستنظر شروق الشمس
بعد العتمة والضلمة ينورها
وحلم بجيل يفك القيد
وم السجان يحررها
مجدي ابراهيم ابراهيم عثمان

الشاعر الجميل الفنان مجدى عثمان
قرأتها واذهلتنى روعتها
فقد تفوقت فيها على نفسك
تسلم ايدك ويسلم قلمك اخى الفاضل
فى انتظار المزيد

أخي العزيز الشرقاوي شكرا جزيلا لكلماتك التي كم أسعدتني وسررت بها أيما سرور
والله يا أخي كنت أخاف أن يطلع عليها أحد وسبحان مغير الأحوال لك خالصشكري وتقديري

نص جميل استنطق مداد الأقلام
فصرخ على الأوراق هذا الألق
بأسلوب لاذع ساخر يروي فساد حكم دام من الزمن ثلاثون قهرا
وربما كان أسوأ بكثير مما ذكرت
ولكن نقلت لنا بإحساس وطني مشاعر ثائرة متمردة تحررت من الخوف
أديبنا المكرم ...
كتبت فأبدعت
تقديري والأوركيد
وكل عام وأنت بخير

شكرا جزيلا أخت رنيم مصطفي كلماتك تسعدني وتجعل من نصي لوحة فنية أعتز بها دمتي ودامت لي تعليقاتك المبشرة

مسيرك يوم
تخش البيت تلاقي البيت ماهوش بيتك
ولا ولادك مهماش ليك
تشوف الحكم بالإعدام في نظرات العيون حواليك
تخاف م الناس .ويبقوا الناس
سيوف .خايف تقرب ليك
ظلمت كتير وظلمك نار
بتاكل كل زرع أخضر

لأن الصمت في حرم الجمال جمال
ولأن هذه البديعة أدهشتني حد الصمت
فلن أعلق بأكثر من انبهاري

دمت بألق

طبعا طبعا
هذا وقتها لكي ترى النور ، وتخرج للحياة
نص رائع شاعرنا

تحيتي

حمادة الشاعر
مشرف عامية

رائع مؤثر محلق ومن الشعر ما يجلجل حتى يهز الأركان
دمت شاعرًا متألقًا ودامت لك الشاعرية والمشاعر
محبتي وتقديري

جاء وقتها ويعرف قيمة الحرف هنا من ذاق الظلم
غنائية رائعة أطربتني وسطرت الكثير من الرضا
دام ألقك
ومرحبا بك في واحتك
تحاياي