أحدث المشاركات
النتائج 1 إلى 10 من 10

الموضوع: انا كل حاجه عندها

  1. #1
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    Post انا كل حاجه عندها

    أنا مصر
    لما بتنحنى عند اللزوم
    علشان تساعد اهلها
    انا شعر راسها اللى الزمن
    خلاه خفيف
    انا كف ايدها ال اتفرد
    فوق كتف غيرها
    لجل ما تطول الرغيف
    انا ضهرها لما بتضعف
    او يدور بيها الزمان
    انا ايد بترسم للكفيف
    شمعة امل.
    وطريق طويل
    مع نور بينحت ف الظلام
    انا بنتها

    انا عودها لما بينتهى
    عزف النايات
    انا سقف بيتها
    اللى اتشرخ
    لكنه واقف
    من سكات
    انا لمه حلوه
    وصوت فرح
    انا زمبليطه
    وقوس قزح
    انا نجمه عاليه فى السما
    انا شاغله كل السهرانيين
    انا حلم لسه بيكتمل
    انا فى السونار
    صورة جنين
    يشبهلها

    انا قعده حلوه ع البلاج
    وقت المَصٍيف
    انا نبت اخضر فى الغيطان
    انا نوم خفيف
    انا ساقيه ماشيه
    فى الشوارع
    تروى كل العطشانين
    انا جو دافى
    وبرد جامد
    انا موج مساير او معاند
    انا بحر هايج
    من سنين
    انا طوق ضعيف
    مربوط فى رقبة اهلها
    ومحتاجلها

    انا عود بخور فى المندره
    انا خرزه زرقا مدوره
    فى عيون كتير
    انا فى الكتاب سورة يس
    انا عقد فل وعقد لولى
    الاتنين على رفى القديم
    متجمعين
    انا حكم مينا وحكم خوفو
    انا قلب دايب من كسوفو
    ساعة ماشاف وش العريس
    والدبله داخله فى اليمين
    انا فى الفرح ليله الخميس
    يشهدلها

    انا صوت عيال بيكبروا
    بعد الاذان
    انا مسرحيه بتتعرض
    وسط الشوارع
    والميدان
    انا راديو مهجور
    فى البيوت
    مستنى تكه تفتحه
    حتة حجاره تصلحه
    او حتى لمسه
    تحسسه انه فى امان
    انا بكره لما بيبتدى
    قبل الاوان
    انا لفة الخيط
    ال رافضه تنتهى
    لاحسن يدور بيها الزمان
    تصبح مفيش
    فتسبها

    انا مصر ف فصول السنه
    حتى الخريف
    انا كل حاجه فى ارضها
    انا شىء الهى عندها
    معرفش ليه وازاى كده
    فى العشق واصله المنتهى
    انا حاله خاصه وحاله عامه
    انا ابقى وحده
    وابقى لمه
    انا لمة الناس الكتار
    ع القهوه ساعة المنجهه
    انا لعبة فى ايدين الصُغار
    والكل نفسه يشدها
    انا بنت ما شيه ع الرصيف
    انا نسمه الحب ال هبت
    فطار معاها شعرها
    وطار معاه
    عقل اللى واقف
    جنبها

    انا كل حاجه ممكنه
    او مستحيله عندها
    انا مصر لما بتبتسم
    ومصر لما بتتقسم
    والظلم ينحت ضهرها
    انا حر سينا وبرد بحرى
    انا شىء خيالى
    وجو سحرى
    انا عضمه شابت
    فوق ترابها
    انا لما طقم سنانى
    سابها
    فضلت برضه احبها
    انا مهما قالوا ومهما عادوا
    عنها
    انا بنتها
    وزمان قالوها فى المثل
    لو تنقلب القدره
    يوم على فمها
    البنت لازم يوم ما تطلع
    تبقى شبيهه لامها

    وانا بنتها

  2. #2
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,154
    المواضيع : 153
    الردود : 2154
    المعدل اليومي : 0.77

    افتراضي

    الله الله الله
    قمة جديدة تنضم لقسم العامية
    وها هي تقترب وتلوح ببطاقة تعريف ولا أروع
    الأستاذة / رباب جودة
    قصيدة رائعة ، وقصد نبيل
    جسدت كل شئ ولم تترك شيئا
    أبدعت أيتها القديرة وأهلا ومرحبا بك في واحتك
    بعض هنة شابت الوزن ، إلا أن روحك الوطنية والحرة جعلت من النص تحفة مكتملة الأركان يلفت نظرنا عنها
    مرحبا ألفا ، واسمحي لي بتثبيت رائعتك ورفعها ترحيبا واحتفاء بمقدمك المشرف

    تحيتي

    حمادة الشاعر
    مشرف عامية
    أسعدني بإضافة facebook
    mohammad shaban

  3. #3
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    افتراضي

    استقبال ولا اروع استاذ محمد وتسلم عليه ورأيك انت وكل نبت الواحه يهمنى

  4. #4
    الصورة الرمزية محمد حسن النادي أديب
    تاريخ التسجيل : Jun 2012
    الدولة : بين رفات الذكرى
    العمر : 36
    المشاركات : 194
    المواضيع : 16
    الردود : 194
    المعدل اليومي : 0.07

    افتراضي

    تحية تليق بحرفك الرائع المحترم الجميل أيتها الشاعرة
    يستحق ما كتبه قلبك أن تبتسم له الدنيا كلها ترحيباً وإعجاباً
    لم ألاحظ هنات غير تلك التي نسميها أخطاء مطبعية ننساها في الكتابة
    قرأت الكلمات واستمتعت كثيراً
    فقط ملاحظتي الوحيدة أن هناك بعض الكلمات يجب علينا في لهجتنا المصرية أن نزينها بالتشكيل
    فنحن في حضرة أدباء وشعراء من بلادنا العربية الأخرى فيتصعب الأمر عليهم كما يتصعب علينا في قراءتنا لهم لبعض الكلمات
    مرة أخرى أشكرك على هذا الحرف البهي القوي
    في انتظار القادم منكِ ومن فؤادك القوي
    مرحباً بكِ زهرة تنشر أريجها وسط عبير الأخريات هنا


    cryheart
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    كل اللي باقي فـ دنيتي حبة صور على ذكريات

  5. #5
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    افتراضي

    شكرا ايها الأديب وسأراعى هذا فى كتاباتى القادمه بإذن الله

  6. #6
    نائب رئيس الإدارة العليا
    المديرة التنفيذية
    شاعرة

    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.90

    افتراضي

    مشاعر مدهشة برقيها ورقتها وروعة حسها
    وشعر بديع راق للنفس والروح
    فأمتع حرفا ومعنى

    انا شعر راسها اللى الزمن
    خلاه خفيف
    انا كف ايدها ال اتفرد
    فوق كتف غيرها
    لجل ما تطول الرغيف

    أنت صاحبة الحرف ولك الحرية فيما أردت قوله فيه
    لكني من بعد إذنك قرأت هذه السطور مختلفة الترتيب
    فوجدتها
    انا شعر راسها ال اتفرد
    فوق كتف غيرها
    و الزمن
    خلاه خفيف
    انا كف ايدها
    لجل ما تطول الرغيف

    أهلا بك شاعرتنا في ولاحتك

    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,635
    المواضيع : 386
    الردود : 23635
    المعدل اليومي : 5.80

    افتراضي

    رائعة وأنت تغزلين خيوط الألق ببطاقة تعريف تُخبرنا بأن بيننا شاعرة عامية قديرة
    قصيد ماتع الحرف والجرس والفكرة
    مرحبا بك رباب في واحتك
    وكل عام وأنت بخير
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    افتراضي

    ربيحه اسم مختلف
    لفت نظرى
    رايك اعطانى الثقه فيما اكتب
    وتعديلك اعطانى الاكثر
    فسلاسة الترتيب
    توحى بسلاسة القصيده
    وهذا مااتمنى رؤيته
    شكرا ايتها الانيقه

  9. #9
    الصورة الرمزية وليد عارف الرشيد شاعر
    تاريخ التسجيل : Dec 2011
    الدولة : سورية
    العمر : 56
    المشاركات : 6,280
    المواضيع : 88
    الردود : 6280
    المعدل اليومي : 2.21

    افتراضي

    رائعة من روائع العامية ما قرأت هنا نظمًا وإحساسًا وجرسًا وتصويرا
    بوركت مبدعتنا المتمكنة من أدواتها وبوركت أمك وأمنا جميعًا مصر الغالية
    مرحبًا بك متألقة في واحتك واحة المبدعين
    مودتي وكثير تقديري

  10. #10
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    افتراضي

    كل الشكر والتقدير لك استاذى بوركت وبوركت دعواك واتمنى من الله ان اكون جديره بهذه الكلمات

المواضيع المتشابهه

  1. حد فاهم اى حاجه
    بواسطة محسن البدراوى في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 19-04-2013, 10:00 PM
  2. انا لا اشبه الا انا
    بواسطة جوتيار تمر في المنتدى القِصَّةُ وَالمَسْرَحِيَّةُ
    مشاركات: 66
    آخر مشاركة: 26-07-2011, 11:39 AM
  3. انا احلم .. انا موجود !!!
    بواسطة مينا عبد الله في المنتدى النَّثْرُ الأَدَبِيُّ
    مشاركات: 18
    آخر مشاركة: 01-04-2009, 06:31 AM
  4. ياحبيبى قولى حاجه
    بواسطة نورا جمال هويدى في المنتدى أَدَبُ العَامِيَّة العَرَبِيَّةِ
    مشاركات: 8
    آخر مشاركة: 19-05-2007, 12:26 AM
  5. (( انا ......... ابي)) ..............(( انا ...أمي ))))))
    بواسطة عامر في المنتدى النَادِى التَّرْبَوِي الاجْتِمَاعِي
    مشاركات: 2
    آخر مشاركة: 28-05-2006, 02:28 PM