" هى دى بلادنا يا عبلة " - " جواز عتريس من 22 فؤادة باطل !!"

" هى دى بلادنا يا عبلة "
" جواز عتريس من 22 فؤادة باطل !!"

بقلم: مسعد حجازى – تورنتو/ كنــدا
كاتب وصحفى مصرى- كندى


أعرف أننا نعيش في زمن العبث واللا معقول ...
زمن العجول لا العقول ....
زمن المحافظين الجدد والمغول
مخرٌبوا الديار والحقول .....
والله ما أنا بـ " شاعر" ... إلا بالحزن والهم والقرف !!
ياللا يا حسان يا سلمان يا وهدان يا عبدالله دقوا الطبول ...
كله يصرخ صرخة قوية ويقول :
إحنا مين؟!!.. إحنا فين؟!! ... فى بلادنا واللا فين؟!!

زحف التتار الجدد خلاص ابتدا... من زمان ابتدا....
بس المرة دى التتار من جوانا
من عندنا ... منا وعلينا ....
ده جهاد وده قاعدة
ده توحيد وده دعوة
ده سلفية وده أشعرية
ده مهدية وده أباضية
ده تكفير وده هجرة ...
عزلة مكانية وعزلة شعورية
لكهوف الجهل والتخلف والعصبية
ده وهابى وده طالبانى
والكل عند بوش إرهابى
وعندنا سلطة ومهلبية!! ...
جهل ومرض وتخلف و دعوة للأمية
أصل محوها فى نظرهم دعوة يهودية!
ياسين بقه خانكة وعباسية يابهية !.....

أصل الحكاية ضعف بصر وبصيرة
وجهل بجوهر الدين والعقيدة .......
إسراف فى التحريم
التباس فى المفاهيم
إتباع المتشابهات
ترك المحكمات
أنيميا عقل ودين
وتعصب عرقى ومذهبى
ونقص حاد فى الفياجرا والمقويات!!

* * *

وده حاكم بأمره وهوه أمره مش بإيده
وشعاره "ياسيدى أمرك أمرك ياسيدى
مقدرش أخالفك لأنى عارفك تقدر تحط المارينز فى بيتى"

وبحديد عز قيدونا من ايدينا ورجلينا ….
ينقطع لسان اللى يقول كلمة الحق فى بلادنا
بسكين حامى ...
ماركة زرقاوى واللا زفتاوى
ورقبته كمان فوق البيعة ...
كله أصبح عند العرب صابون
كله يهون عشان خاطر عيون
علاوى وبوش وبلير وشارون
إحنا مين؟ !!.. إحنا فين؟!! فى بلادنا واللا فين؟!!
هىٌ دى بلادنا ياعبلة .... مأساة كاملة ... بعد العملة ...
زمان فى اللد والرملة والنهاردة فى الفلوجة والبصرة
حنحرر إيه واللا إيه!!

* * *

وهولاكو العصر رجع بلادنا من تانى
رجع لبغداد برضه من تانى
لأمة بتعانى من شعارات وأغانى
تقطع الخلف وسنينه عاللى ناوى...
أمة منكوبة ... من جوه ومن بره منهوبة
مطعونة فى شرفها ياولداه وفى القلب معلولة
مسلوبة إرادتها واللا مشلولة
أتارى العلقمى لسة عايش بس دلوقتى اسمه علاوى


رجع هولاكو من تانى ومعاه حكام لئام ...
كلهم نيام نيام كالنعام
ده مشير وده أمير...
ده ملك وده كتابة ...
وده رئيس غيره مفيش
وده أشوس وأصله شاويش
وعينيه القوية حاتنط برة
من شرب القات والحشيش
ليل ونهار يأكد لسيده بوش
إرهاب خلاص ما عندوش
مايلزمهوش ......
وده عامللى فيها أمريكانى
مع إن بوش من رجله مايخلعهوش
وجنس التراكوة يقولوا عليه برطوش
وده كرشه قدامه ياكل مال النبى
حتى عرش أبوه ياولداه ماسبهوش ......
وده يهرب يهود الفلاشا
يقبض المعلوم وياكل بوغاشا
وده روش طويل نحيل وشعره منكوش
فكر معندوش ومخه مهبوش
وده سلطان زمانه متنبل ...
مداروش ومخه مهروش ...
والكل خايف من شارون وبوش
على حكمه وعرشه لا يبوش ...
جرذان ... قطط سمٌان لكن علينا أسود مستأسدة
ووقت الجد الكل يجرى جرى الوحوش.
إحنا مين؟!!احنا فين؟ فى بلادنا واللا فين؟!!
هىٌ دى بلادنا ياعبلة .... مأساة كاملة بعد العملة

* * *

القول على حكام أشاوس
تنابلة وبقوا ملوك وسلاطين
حطوا راس العرب فى الطين
بعد ما ضاعت فلسطين
ونسيوا عين جالوت وحطين
*
القول على دراويش .. غيرهم مفيش
قاعدين على قلوبنا .. يحرقوا فى دمنا
ويهددونا بقطع العيش ...
وبالشرطة والجيش
أصل بلاد العرب من زمان بقت وسية
قبائل هى لم تزل لكن لها أعلام ..
سفارات وخمارات وقنوات فضائية
والنفط بحور وبحور وبحور
من كثرته قاعد الشيخ ينقط جنب الحنفية
فاكر نفسه بحق وحقيق ملك والا أمير
لسه مش عارف انه مجرد خفير
بس بدرجة رئيس والا أمير ....
إحنا مين؟!!احنا فين؟ فى بلادنا واللا فين؟!!
هىٌ دى بلادنا ياعبلة .... مأساة كاملة! بعد العملة

* * *

وخد عندك كوبونات نفطية ... صدامية وخليجية
حط منها على ودن القرد يلعبلك ويتنطط
وإرمى له "موزة" والا "موزاية"
يكتب في مدحك معلقات وقصائد ...
وملاحم وبطولات وهمية
فى جرائد انت فيها القائد .. المناضل.. أبو الوطنية
بس ياشيخ والنبى ما تقطع الجوابات
والكوبونات والعيدية ... وملعون أبو القضية

* * *

إن راح بوش وألا جه كيرى ماتفرقش كتيرى
مادام حيفضل عندنا الجحش أبو سديرى
كاتم على أنفاسنا ويحكم بلادنا بالميرى
والكل قاعد ينهب فى خيرى وبترولى
و مادام لسه بيقولوا على الشهيد إرهابى
والله ياأمة الطير ماهو طيرى
إزاى وهوه بيشرب من إناء غيرى!!

* * *

حُكامنا طول عمرنا حاكمنا بالحديد والنار
بيقولوا علينا عايشين فى جنة واحنا فى نار
خلاص ماعدش فيه ثورة ولا كفاح ثوار
عقلى احتار وطار ياأفكار
ولاد الأبالسة ألف مرة أفظع من الاستعمار
مفيش فيهم أسد حقيقى .. غضنفر
يرفع الظلم والحصار ...
يحرر الأرض والديار ...
يمحو العار ... ياخد بالتار
يطفئ نار بركان الغضب
اللى بيغلى فى الصدور
إحنا مين؟!! احنا فين؟!! فى بلادنا واللا فين؟!!
هىٌ دى بلادنا ياعبلة .... مأسى كاملة!
بعد العملة .... زمان فى اللد والرملة
ودلوقتى فى الفلوجة والبصرة
حنحرر إيه والا إيه ؟!
إحنا مين؟ !!.. إحنا فين؟!! فى بلادنا واللا فين؟!!
إحنا رايحين على فين؟!! ماشيين لقدام واللا بنرجع مرشدير؟!!!
بعد ما هاجرنا على كندا وأمريكا ... ياربى نهاجر على فين؟!!

فينك يا أدهم ياشرقاوى ؟!!!
ارجع من تانى ....
ارجع طوف وشوف لما الزمن بيخيب
والسبع يصبح أسير الكلب واللا الديب.....
فينك تصرخ من تانى وتقول :
لا احنا عبيد نتملك ولا تراب ينداس
أنا رايح وبكره جاى والظالم المفتري بكره ميعاده قريب...
ياعالم ياهوووه ..أفهموها بقة ...
هوه صحيح الشرع حلل أربعة
بس جواز عتريس من إتنين وعشرين فؤادة باطل ..
باطل ...باااااااااااااطل ... باااااااااااااااااطل .

Email: mossad_hegazy@hotmail.com

يااستاذ حجازى اسمح لى اولا ان ارحب بهذا القلم المبدع والفكر الواعي ماتفضلت وكتبته جميل .. ووصفت كل احوالنا باسلوب رائع ومبدع ولكن اسرفت فى وصف الداء فأين الدواء .. وهل لم تجد فى مصر بطلا غير هذا الأدهم الشرقاوى لتقدمه لنا كبطل اسطوري ؟؟ تحياتي

مرحبا بقلم يعرف كيف يصف الداء والاهم انه يعرف الدواء تماما ..
تقبل مني كل تقدير .. ومرحبا بقلم واعي ومثقف

مرحبا بقلم يعرف كيف يصف الداء والاهم انه يعرف الدواء تماما ..
تقبل مني كل تقدير .. ومرحبا بقلم واعي ومثقف

د.عمرو هل من الممكن أن تتفضل حضرتك بتوضيح هذا الدواء الذى تفضل الأستاذ مسعد بطرحه .. أكيد أننى لم استطع استيعاب ما تفضل بكتابته .. فالرجا التوضيح للأهمية . تحياتي

إي والله باااااااااااااااااااااااا ااااااااااااااااااااااااا ااااااااااااااااااااااااا ااااااطل

لكن خبرني يا "مولانا"

البضة أولا أم الدجاجة؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
الحكام هم سبب النكبات؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
أم الشعوب هي التي استحقت غضب الله ممثلا في الحكام؟؟؟
هل إذا حكم حاكم عادل دانت لنا الدنيا؟؟؟؟؟؟؟؟؟؟؟؟؟؟؟
أم لا بد أن ننصلح ليخرج من جلدتنا من يقود العالم بنا؟؟؟؟

من ثم من؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟


أخي الكريم "مسعد حجازى"
السلام عليكم
حللت أهلا ونزلت سهلا على بيتك وأهلك
وتحياتي إلى قلمك
وباقة

إلى الزميل الآستاذ شهيد الحق :

بدايه أود أن أشكرك على ترحيبك بى فى المنتذى وأرحب بنقدك .

تقول أننى أسرفت فى وصف الداء وهذا صحيح وعن عمد لآن الخطب جليل وواقعنا
لا يسر عدو ولا حبيب أما أين الدواء فهو موجود فى مواضع كثيرة وإن كنت لم أكتبه
فى صورة " روشته " لأننى لا أريد أن أقع تحت طائلة القانون حيث أننى لست طبيبا
أمارس الطب والعلاج وإنما أنا مجرد كاتب وصحفى أقول كلمتى وأجرى على الله ..

إننى فى كتاباتى أحترم ذكاء القارئ ـ أيا كان مستواه التعليمى والثقافى ـ وأترك لكل قارئ
أن يستنتج ويستخلص ما يشاء ودون أن أفرض عليه رأيا محددا . أنا أريد من القارئ أن
يفكر ويتأمل ويمعن النظر فيما يقرأ ولو أنك قرأت النص مرة ثانية ستلاحظ أننى لم أذكر
كلمتين بالتحديد هما : الحرية والديمقراطية وهذا أيضا عن عمد غير أننى أشرت الى معناهما فى مواضع كثيرة من النص فمثلا حين أقول :لا احنا عبيد نتملك ولا تراب ينداس فأنا هنا أشير للحرية المسلوبة
المفتقدة وعندما اتكلم بإسهاب عن دكتاتورية الحكام وتسلطهم فأنا أتكلم عن غياب الديمقراطية وعندما أتكلم عن
تفرقنا الى فرق وجماعات فأنا أتحث عن غياب الوحدة وإن كنت لم أذكر ذلك صراحة .
أما عن أدهم الشرقاوى فلا أدرى سبب اعتراضك عليه فهو شخصية حقيقية ، شاب مصري بسيط
جرئ وشجاع رفض الذل والمهانة وقاوم الظلم والطغيان وتحول الى بطل شعبى ثم لمااذا ننتظر وصو بطل
أسطورى كى يخلصنا مما نحن فيه؟! لماذا لايكون كل مواطن عربى أدهم الشرقاوى؟!
أرجو أن تقرا النص مرة ثانية وثالثة فهو طويل وبه الكثير من الإسقااطات.
وتقبل مودتى واحترامى

مسعد حجازى[/b]

الى الزميل العزيز دكتور عمرو والأستاذ محمد الشناوى:
أتوجه إليكما بخالص الشكر على ترحيبكم بى فى المنتدى وعلى كلماتكم الرقيقة والطيبة
ما أود أن أعرب عن عظيم شكرى وامتنانى للدكتورة مها التى دعتنى الى المنتدى وأنا
مدين لها بالتعرف على هذا المنتدى الراقى حقا سواء بالنسبة لمستوى الجودة العالية
للمواد المعروضة والقضايا المطروحة أومستوى إخراج الموقع
تحياتى إلى كل القائمين على هذا الموقع والكتاب المشاركين فيه
إننى أراكم جميعا من كندا البعيدة عقول مستنيرة ومصابيح مضيئة لعقل الأمة ووجدانها .
بكم الصورة ليست داكنة غامقة اللون كما تبدو أحيانا
وأعتذر مقدما عن أى أخطاء مطبعية قد تجدونها فى بعض ردودى حيث أن جهاز الكمبيوتر الخاص بى ليس له لوحة مفاتيح عربى
وتقبلوا جميعا مودتى وعظيم احترامى

مسعد حجازى

إي والله باااااااااااااااااااااااا ااااااااااااااااااااااااا ااااااااااااااااااااااااا ااااااطل

لكن خبرني يا "مولانا"

البضة أولا أم الدجاجة؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
الحكام هم سبب النكبات؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
أم الشعوب هي التي استحقت غضب الله ممثلا في الحكام؟؟؟
هل إذا حكم حاكم عادل دانت لنا الدنيا؟؟؟؟؟؟؟؟؟؟؟؟؟؟؟
أم لا بد أن ننصلح ليخرج من جلدتنا من يقود العالم بنا؟؟؟؟

من ثم من؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟


أخي الكريم "مسعد حجازى"
السلام عليكم
حللت أهلا ونزلت سهلا على بيتك وأهلك
وتحياتي إلى قلمك
وباقة

الى أخى العزيز :
صدقنى ما تفرقش كتير البيضة واللا الفرخة
الأثنين فى النهاية " بيتاكلوا" ... هذه ليست المشكلة
المشكلة عندكم فى طوابير الجمعية
وطوابير العيش
وطوابيرالـ ................

تصبحوا جميعا على خير

مسعد حجازى

الأستاذ الفاضل والصحفي الكبير الأستاذ مسعد حجازي
اسمح لي أحييك على دقة تحديدك لكوارثنا وأسباب علتنا ودقة تحديدك للحل بذكرك لأدهم الشرقاوى فهو يمثل الحل الوحيد المتاح والممكن فبدون تحرك الشعب لن يكون هناك حل
كنت أريد أن أحييك على شجاعتك فى مهاجمة كل الحكام العرب فهم يستحقون أضعاف ما قلته فيهم ولكني تذكرت انك تعيش فى تورنتو بعيدا عن أيديهم وان جواز سفرك الكندى يوفر لك الحماية والأمان عندما تعود إلى الوطن فرأيت أن التحية على الشجاعة ستكون نوع من النفاق لا أرضاه لك ولا ترضاه لي
فلم يبق إلا أن أحييك على دقة تشخيصك ودقة العلاج
ولكن ما دمنا نتحدث عن الدقة فقد توقفت أمام هذه الكلمة

ولاد الأبالسة ألف مرة أفظع من الاستعمار

أرى أنها نتاج انفعال كبير وثورة غضب فلا يمكن لمن يرى فى ادهم الحل أن يرحب بعودة الاستعمار ثانية مهما كانت الأسباب
لن نرحب بأمريكا ولا بأي استعمار مهما كانت الأسباب ومهما كانت نذالة الحكام وحقارتهم سنسعى للتخلص منهم ولكننا أبدا لن نقبل الاستعمار حتى لو أتى بدعوى انه سيخلصنا منهم
أتمنى حقا أن تكون هذه الجملة سقطة قلم أو نتاج فورة غضب وانك لا تقصد معناها فعلا
رغم أنها جملة واحدة صغيرة
إلا انه يتوقف عليها وحدها أشياء كثيرة وتثير اخطر سؤال فى حياتنا الآن
هل نتقبل الاحتلال الامريكى لنتخلص به من ديكتاتورية قادتنا
هى نفس الدعوى التى أعلنتها أمريكا كمبرر لاحتلال العراق
أتمنى أن تكون مجرد سقطة قلم
تقبل فائق احترامى لشخصك الكريم
جمال النجار

الأستاذ الفاضل والصحفي الكبير الأستاذ مسعد حجازي
اسمح لي أحييك على دقة تحديدك لكوارثنا وأسباب علتنا ودقة تحديدك للحل بذكرك لأدهم الشرقاوى فهو يمثل الحل الوحيد المتاح والممكن فبدون تحرك الشعب لن يكون هناك حل
كنت أريد أن أحييك على شجاعتك فى مهاجمة كل الحكام العرب فهم يستحقون أضعاف ما قلته فيهم ولكني تذكرت انك تعيش فى تورنتو بعيدا عن أيديهم وان جواز سفرك الكندى يوفر لك الحماية والأمان عندما تعود إلى الوطن فرأيت أن التحية على الشجاعة ستكون نوع من النفاق لا أرضاه لك ولا ترضاه لي
فلم يبق إلا أن أحييك على دقة تشخيصك ودقة العلاج
ولكن ما دمنا نتحدث عن الدقة فقد توقفت أمام هذه الكلمة

ولاد الأبالسة ألف مرة أفظع من الاستعمار

أرى أنها نتاج انفعال كبير وثورة غضب فلا يمكن لمن يرى فى ادهم الحل أن يرحب بعودة الاستعمار ثانية مهما كانت الأسباب
لن نرحب بأمريكا ولا بأي استعمار مهما كانت الأسباب ومهما كانت نذالة الحكام وحقارتهم سنسعى للتخلص منهم ولكننا أبدا لن نقبل الاستعمار حتى لو أتى بدعوى انه سيخلصنا منهم
أتمنى حقا أن تكون هذه الجملة سقطة قلم أو نتاج فورة غضب وانك لا تقصد معناها فعلا
رغم أنها جملة واحدة صغيرة
إلا انه يتوقف عليها وحدها أشياء كثيرة وتثير اخطر سؤال فى حياتنا الآن
هل نتقبل الاحتلال الامريكى لنتخلص به من ديكتاتورية قادتنا
هى نفس الدعوى التى أعلنتها أمريكا كمبرر لاحتلال العراق
أتمنى أن تكون مجرد سقطة قلم
تقبل فائق احترامى لشخصك الكريم
جمال النجار

الأخ الأستاذ جمال:

أشكرك أيها الأخ الكريم على تعليقك وإشادتك بهذا العمل وأعتذر عن تأخري وعدم ردى على تعلقك السابق على مقال
كندا التى لايعرفها العرب حتى الآن ليس فقط لكثرة مشاغلى ولكن لأنى خرجت منه بإنطباع معين أثار دهشتى واستغرابى
وترددت كثيرا فى الرد وبدأت أبحث عن بعض مقالاتك لقراءتها وتكوين إنطباعات وأراء جديدة عسى وأن تكون مختلفة عن الإنطباع الأول وبصراحة وجدت أنه لا يمكن لى أن أكتب ردا عل تعليقك السابق فقد حملت ياأخى موضوعى أكثر بكثير مما يحتمل وأحسست فى كلماتك نبرة ضيق وتبرم وشحنة غضب عارمة لم أعرف لها سببا بعد ولأنك أثرت أشياء وقضايا كثيرة ومختلفة فقد توصلت الى نتيجة مفادها أنه من الأفضل أن يكون ردى فى صورة مقال أو سلسلة مقالات على بعض القضايا
التى أثرتها وعلى أشياء أخرى كثيرة لاحظتها فى تعليقك لأنها تتعدى شخصكم الكريم وأراها ظاهرة منتشرة فى عالمنا العربى
وطبعا الفضل يرجع إليك لأن تعليقك السابق هو الذى أوحى إلى بالفكرة.
أما فيما بخصوص تعليقك على موضوع هى دى بلادنا يا عبلة وما قلته فى تعليقك بشأن : ولاد الأبالسة ألف مرة أفظع من الاستعمار فهذا هو تفسيرك أنت وليس ما قصدت أنا على الإطلاق والعبارة واضحة ولا تحتاج أى تأويلات
أن لم أقل أن اننى أرحب أو أدعو لعودة الإستعمار وعندما أقول أن هؤلاء الحكام هم أفظع ألف مرة من الإستعمار فأنا أقرر
واقع وأعتقد أن هناك كثير من الناس يتفقون على أن أخطر أنواع الإحتلال هو الإحتلال الداخلى ذلك لأنه يرتكب الجرائم وهو يتستر خلف الشرعية أو بمعنى أخر إتباع سياسة تقنين الظلم
طبعا أنت لك مطلق الحرية فى أن تفسر ما تقرأ كيفما تشاء لكن أرجوك لاتضع فى فمى ما لم أقله فهذا أرفضه تماما
لقد أشدت ياأخى الفاضل باختياري لأدهم الشرقاوى لكنك لو طالعت أحد التعليقات السابقة لو جدت أن أحد الأخوة قد عاب على
إختيارى لأدهم الشرقاوى .. كل قارئ له تفسيره الخاص لما يقرأ ، مسؤليتى تنحصر فيا أكتب
سوف يكون لنا لقاءات أخرى إن شاء الله
مرة أخرى أشكرك على ترحيبك بى فى المنتدى وأجو أن تتقبل خالص مودتى وعظيم إحترامى.

مسعد حجازى
تورونتو ـ كندا