أحدث المشاركات
النتائج 1 إلى 4 من 4

الموضوع: غرفة 103

  1. #1
    الصورة الرمزية احمـد عبد الفتاح الشهيبى قلم نشيط
    تاريخ التسجيل : May 2011
    المشاركات : 302
    المواضيع : 75
    الردود : 302
    المعدل اليومي : 0.09

    افتراضي غرفة 103

    شيح الهوا
    فارد جناحه ع القلوب
    لمـوا الأحبة ده الشبك
    سابوا علامة ع الدروب
    صورة حبيبتى
    كانت دليل على ارتباط كل الجناين بالربيع
    صورة حبيبتى
    هى المعادلة اللى انتشا فيها الذهول
    ميســـــــــــــاء
    طعم الأغانى فـ الشتا
    ريحة الكاميليا الملهمة
    عزف الكمان وقت الغروب فيغيب معاه طعم الرتابة م الحياة
    ميسـاء
    فيروز فـى صوتها
    صوتها الرخيم
    يشرح صدور السما بالابتهال
    فتسيل اغانى للمطر فوق الأزاز
    وتمد ايديها
    ترسلمى بيت من خيالها
    كان فيه براح رغم انحصاره فـى لوح ازاز
    تتكور ايديها فوق خدودها م الكسوف
    وتطل بسمة كما الجيوكاندا فبهو متحفها الجميل وسط الضيوف
    ومليانى خوف
    من اختزال رد قلبى فـ قصتى
    فحاولت امنع طيفها يغازل مهجتى
    وحاولت اقنع حبرى المكبل انها زى البنات
    وان الحكاوى المستعارة
    تقدر تنسينى اللى فات
    وحاولت لكن
    ادى دقنى كبرت
    وسجايرى خلصت
    وانا لسا فاكر وصفها ممكن يكلمة
    ممكن بجملة
    ممكن بشرح معلقة ف حب البنات
    للأسف
    كرمشت الورق
    اكبر دليل ع الفشل
    وانا لسا بسأل ايـــــــا العمل ؟
    شمشمون مهدش المعبد من فراغ
    هده الصراع ع الأميرة اللى فاتت من هناك وقت العصارى
    شمشمون فتش جيوبه ملقتاش غير الدمار
    كان نفسه يخرج م الليل للنهار
    كان نفسه ينقش حرفها داخل تراتيل الجدار
    وبأختصار
    كل اللى فاتوا من هناك
    مهامهمش وجع اللى صابه من فراقها
    اد اللى صابها من دمار
    103 سجن الهوا
    والأمر موت
    كان المرض حارس امين
    لف المكان فوضى السكوت
    تليفونى رن الساعة خامسة
    مش عامله سيلنت
    لكن مطلعله صوت
    وكأنه خايف م الخبر
    جانى الخبر
    دعوة للمزج الأخير
    كام ألف طير واقف هناك مستنى
    كف القمر طبطب على ضهر البنية وقالها
    ميساء حبيبتى
    سبيالى نايب من شعر الحيارى المفتونين
    وشى اللى شاحب من سنين
    من يوم ما جيتى
    نفسه يعود للحياة
    ميساء
    طعم الكريز اللى فى كلامك
    تاج الحياء اللى فى دلالك
    خلانى اغير
    فوقفت ادام المرايا المبهمة
    ملقتش عيب
    لكن حضورك خلانى اغيب
    كما الرتوش
    ميساء
    انتى لحبيبك مهما كان
    لكن
    كل الأحبة محتاجنى
    محتاج اعود
    قصرى مليه العنكبوت
    فعشانى غيبى م الوجود
    وافقت حبيبتى ع المعاهدة
    ووافقت ع الصبر الجميل
    ويجينى طفها فى المنام
    وارمى ع الدنيا السلام
    واكتب على طرف السرير
    مُنع الحديث
    فأنا في حضرة البعث الجديد
    ...........

    كُتبت بتاريخ
    3/1/2013
    الساعة
    12:00 ظهراً بتوقيت القاهرة
    بقلم / أحمد عبد الفتاح الشهيبى
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    الصورة الرمزية عايد راشد احمد قلم فعال
    تاريخ التسجيل : Jul 2009
    الدولة : تائه في دنيا المعاني
    المشاركات : 1,866
    المواضيع : 49
    الردود : 1866
    المعدل اليومي : 0.46

    افتراضي

    السلام عليكم ورحمة الله

    شاعرنا الرقيق

    اجدت في رسم الصورة كما اردت لها ان تخرج لنا

    موقف فيه من الحب والالم ما يجعله يجدب القارئ

    تقبل مروري وتحيتي
    صاحب البسمة والنسمة
    تقيمك بمشاركة مطلوب كما انت تحتاج فلا تبخل

  3. #3
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.28

    افتراضي

    جميله تلك المشاعر نراها هادئه تاره وثائره ازمان
    كلمات فرضت علينا الاستماع بالوجدان وتمايل الشعور لموسيقى اجدت بها العبور
    نفس شعرى طويل استمتعنا معه بايقونة من الشعر الصادق والنص البديع
    تحيتى شاعرنا الجميل
    وبالتوفيق
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  4. #4
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,679
    المواضيع : 386
    الردود : 23679
    المعدل اليومي : 5.37

    افتراضي

    جميلة بجرس حلو وحرف بديع متألق شاعرنا الفاضل
    تقبل تواجدي هنا
    ومرحبا بك في واحتك
    تحياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. ومضات ماسة ,,103
    بواسطة فاطمه عبد القادر في المنتدى النَّثْرُ الأَدَبِيُّ
    مشاركات: 43
    آخر مشاركة: 14-04-2013, 01:42 AM
  2. صباح الخير (103) الجيل الآمن
    بواسطة ريمة الخاني في المنتدى النَادِى التَّرْبَوِي الاجْتِمَاعِي
    مشاركات: 4
    آخر مشاركة: 13-12-2007, 08:54 AM
  3. إفتتاح غرفة صوتية في البالتوك بإسم(مُنتدى الشِعر العربي)
    بواسطة نزار الكعبي النجفي في المنتدى الروَاقُ
    مشاركات: 1
    آخر مشاركة: 30-07-2003, 05:26 PM
  4. غرفة النوم الرومانسية - نصائح من روح الواحة
    بواسطة روح في المنتدى النَادِى التَّرْبَوِي الاجْتِمَاعِي
    مشاركات: 5
    آخر مشاركة: 27-07-2003, 12:52 PM