ابن الخليج شاف مصارْوة
جوّه اعتصام، قال شو هادا؟
قلناله دول يبقوا ثروة
سمّيها مشروع شهادة
مع الظلام» بقلم عبدالله سليمان الطليان » آخر مشاركة: عبدالله سليمان الطليان »»»»» وسادتي...» بقلم المصطفى البوخاري » آخر مشاركة: ناديه محمد الجابي »»»»» غرفة الولادة هي التي تقرر مصير القدس وليس ترامب» بقلم عبدالحليم الطيطي » آخر مشاركة: ناديه محمد الجابي »»»»» تقريظ كاتب وكتاب» بقلم عطية العمري » آخر مشاركة: ناديه محمد الجابي »»»»» همسة!» بقلم احمد المعطي » آخر مشاركة: احمد المعطي »»»»» مكتبة عامة لتنزيل الكتب ...» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» إهداء .. مكتبة أهل اللغة العربية.» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» إهداء .. مكتبة القرآن الكريم.» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» مَسرحية .. بريشة: عبد الفتاح أفكوح» بقلم د. عبد الفتاح أفكوح » آخر مشاركة: د. عبد الفتاح أفكوح »»»»» المنصة» بقلم د. عبد الفتاح أفكوح » آخر مشاركة: د. عبد الفتاح أفكوح »»»»»
ابن الخليج شاف مصارْوة
جوّه اعتصام، قال شو هادا؟
قلناله دول يبقوا ثروة
سمّيها مشروع شهادة
facebook.com/mousapoet
الفيس بوك صبَح مسودّة
بكتب فيها وبعدين ادُوق
مستوعبني الهوم وبَحَوّش
كتاباتي ولا اجدع صندوق
واللي كتبته يا صاحبي بيملا
قد العتبة وباب اللوق
تفعيلة / عامودي بعين فيها
حلمنتيشي / زجَل مدعوق
سرّي ف بير ولا حاجة بتخرج
ولا شعري الاقيه يوم مسروق
ولا واخدينه ف منتدى برة
لو واحد في بيتين مزنوق
ولا حتى بشوفه ف كذا حتى
والتوقيع "محسن" و"فاروق"
ولا قلت الله يخرب بيتكم
وعلى صحابه الفيس محروق
ولا قلت على اللي بيسرقني
انت مكانك مش هنا؛ فوق
ياليل.. نجومك تبوسك
ما تنام عيون الجبابرة
سلّط عليهم كابوسك
دوّر عليهم بإبرة
فاكر يا مجرم قصادك
لما اتقتل بورسعيدي
شغلتِنا باقتصادك
يوم ترْبح البورصة عيدي
#مربعات_موسى
#فن_الواو
حطة يا بطة يا ناس منحطة
ياللي ضميركو اتباع بالحتة
واللي متابع.. يلقى توابع
أخبار كدب ف كل محطة
ركّب قرن لكل مُشاهد
أو قرنين ده لزوم الشطة
واللي مافيكو دكَر في مكانه
مكسوف أو فكّر يتغَطّى
بعد ما داب التوت في أوانه
علشان ورقة كَلِتْها العتة
وماكانش الإشكال في التوتة
بس البيه للظالم وَطّى
وامّا سألناه إيه قدراتك
علشان ما توَجّهنا يا بطة
لف كتير في خياله و دَوّر
قالّك ما كفاية الكرافتة!
صوت الوتر من فصاحْته
ياخدك بشَرْحه وْبيانه
صاحبك سمِعْني وْنصَحته
يجْمع سطور البيانو
عزْف النغم في حْكاياته
فوق الجبل خَدْ له مِنْبَر
سَبَحت مَرّة ف ناياته
ماعرفتلوش بحر من بر
مشْيك رزين بس لامح
فين الهدف من مصيرك
أفضل من الجري جامح
من غير ماتختار مسِيرك
التحرش آفة نِتنة
ياما عِدْت وياما قلت
يعني تجريم التحرش
فهمُه مش محتاج لخلْط
قلتلَك شيء مش مبَرَّر
حتى لو كات ماشية ملط
وان مسكتم كلب واحد
واتعمل من أمه عبرة
حطيتوه في مْيدان قصادنا
فوق خازوق أو حتى إبرة
يرتدع كل اللي زيه
مهما كانوا كتير جبابرة
**
بالمناسبة ..
عندي تعليق لو هتسمح
من سكات
زي ما اللبس اللي عَرّى
مش مبرر للي فات
بردو تجريم التحرش
مش مبرر للبنات
إنهم يتعروا عادي
في الشوارع والحارات
بس من قبل امّا الومهم
لُمْت شعب الإيحاءات
اللي رخّص أختي واختك
ع الـ"بانر" والإعلانات
عوّد الناس المريضة
لو يشوفها يقول آهات
تبقى عامل جذب أرخص
لجْل بيع حبة فُتات
يعني لو ورنيش لشركة
أعلنتله القنوات
إيه علاقة واحدة قالعة
في الدعاية و خُد وهات؟
يعني أشياءك متاحة
من خلال الممنوعات؟!
هو ده المشكل يا صاحبي
إحنا مش حبّة آلات!
فيفي حاجة حلوة.. حاجة حلوة مِنّا
حاجة بتخليك تكره حياتك سنة سنة
فيفي مش ولية.. دي أم مثالية
يعني تحت رجليها العفيفة تلْقى جنة!
ومن يوم الفريق ما مسكها واتمنوله طولْة العُمر
ومن يوما مـــا طلب تفويض من الغوغاء وسمّاه "أمر"
وهو شايفنا بالنسبة له صورة من الهنود الحُمر!