ومضات

ضبط وإحضار..
للروح الساكنة ف قالِب إسمه البني آدم
ضبط وإحضار
مش بردو انت اللي قبلْت العهدة اللي رفضْها الجبل الجَبّار؟
مش بردو انت اللي قبلت أمانة أبَتْها الأرض بنواحيها
و سما الأسرار؟
دلوقتي الجرد معاده أزف
من بعد المهلة وكنت بعملك متراقب
تنظيم لملايكة مع استخبار..
وفّر تبريرك أصل ده بردو مش استجواب
لا عبادة معادها ولا استغفار
يخلص تحقيقك
تبقى ف آخرة يكونلك فيها عشيرة ودار
في الجنة يا إما هتبقى ف نار

حمرا دلوقتي الإشارة
وانت واقف من سنين
لسة بتغازل في حلمك
انت فين والحلم فين
عشت بترتّب كلامه
بس مش رابط حزامه
ليه ما بتردّش سلامه
سامعُه ولا رحت فين؟

صفرا دلوقت الإشارة
مستعدّ لفين تروح؟
لو تكون سابق بخطوة
تبقى أسرع م الطموح
خد معاك بس الخريطة
وانسى جنبك أي زيطة
قبل ما تلبس في حيطة
الوضوح.. ثُمّ الوضوح

خضرا دلوقت الإشارة
سكّتك .. مستني إيه؟
زق أفكارك ومَشّي
الطريق فارد إيديه
قد إيه السكة فاضية
رغم كل الزحمة فاضية
بس صوت جواك بيهتف
وانت بتراهن عليه

امشي، سَرّع، عَدّي ، نافس
يمنعك إيه م الوصول؟
ما انت عارف. ياما دقّت
من زمن ع الراس طبول

الحكاية فيها جَنّة

مش مجرد صبر فِينا
أو كلام دمّع عينينا
أو من الظلم يداوينا
أو هتاف عادي ف لسانّا
الحكاية فيها جنة
**
مش مجرد كام شعار
اتكتب في الدم نار
واعتصام بين الديار
ولاّ صوت حاير ما بينّا
الحكاية فيها جنة
**
مش مجرد ناس تثور
عندها حب الظهور
ولاّ إحساس بالغرور
جوه صوت الثورة غنَّى
الحكاية فيها جنة
**
مش مجرد دم نازف
أو عدُوّ قصادنا خايف
أو نموت جنب اللي شايف
لو رفض ع الموت يعينّا
الحكاية فيها جنة

أنا مش إخوان.. أنا مش إخوان
أنا عنصر "جاذب" للنسوان
ينتحروا قصادي وبالدَّستة
ويسُورقوا مجرد بس ما ابان
بغمز للمزة تقع دُغري
وبخش القلب بلا استئذان
خطاباتي بغمزة وتسبيلة
ولا عمري ببطّل ندغ لبان
والشهرة "نوال" وساعات "سوسن"
أو "سوزي" ويمكن بردو "حنان"
أنا حُب ومن أول نظرة
وساعات من أول نَصّ بيان !
أنا مش إخوان.. أنا مش إخوان
أنا عنصر "جاذب" للنسوان

إهداء للمتحدث الجذاب باسم العسكر!

أضحك الله سنك

--

SIZE="4"]

"]
إهداء للمتحدث الجذاب باسم العسكر!

[/SIZE]

ههههههه
جميلة جدا يا شاعر

شكرا للمحمَّدَيْن
منوريني والله :)

بيقولوا، والد عسكري
سمع اللي جاي ينده عليه
جالك جواب م الريّسة !
إنذار أكيد بالفصل جاي لابنه المجند
بَصّ قال: يادي التخلف ع المسا
فقالوله شفت ابنك يا بيه؟
أسبوع بحاله يرُوح عليه
قاعد بيلعب ع الحدود
وماراحش فيه المدْرسة!

هزاري تقيل.. ومش عارف
بتستحملني بس ازاي
وإحساسها اللي جربني
ومن كتر الزعل نسّاي
تعَوّد نفسها وتسكت
تقول طيب لكن جبار
وسبحان الله صبرها
على طبعي.. دي حاجة مرار

حلّق عليه.. حلّق عليه
فتّاي وعامل آل نبيه
اكمنه مسنود م الحرَس
وله لَبَش يتحامى فيه
طالع بـ "دين" من عندهم
وعلى المقاس يظْهَر شارِيه
والفتوى قِنْطار من عفَن
مطَّر شَرار من حُوش عينيه
أنا بس عندي سؤال وحيد
بسأل سعادة "جمعة" بيه
لما انت يبقى اسمك "علي"
الواطي يطلع شكله إيه؟