أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 8 من 13 الأولىالأولى 12345678910111213 الأخيرةالأخيرة
النتائج 71 إلى 80 من 124

الموضوع: ومضات

  1. #71
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    مش هأذيك..
    ولا في دماغي نهائي أمد إديا عليك..
    بل بالعكس
    همد إديّا أطَفّي النار لو تمسك فيك..
    لو فكّرت شوية هتعْرف قيمتك عندي..
    أو فرحتي لو شفت أخويا ف بدلة جندي..
    وامّا انا بنزل يوم أتظاهر..
    كان من بين أهدافي أحَوّل بس رصاصتك
    ناحية ما بيهجم أعادينا
    بدل الضرب ما وَقّع إخوانك
    بالظلم ف كل مدينة..
    يا حبيبي وظيفتك مش إنك تقتل فينا..
    حق عليك انك تحمينا..
    وان مدّيت إيدك بالنار..
    صدقني هنزرع أشجار..
    وهنتحَصَّن من قسوة قلبك يا مجنَّد
    بالأفكار..
    وان جرّبت تقرب خطوة..
    هنقرّب منّك أمتار
    مش هأذيك وآديني نصحتك
    عقلك في دماغك؟
    أمْ طار؟
    facebook.com/mousapoet

  2. #72
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    محناش صحاب..
    ياللي انت غاوي تحط راسك
    في التراب
    ياللي انت صارف من كرامتك
    ع الخنوع من غير حساب..
    ياللي انتماءك للبلد
    والإنسانية والشرف
    محض "انتساب"
    محناش صحاب..
    إيه اللي جاب الوحل
    لحدود السحاب..
    إيه اللي جاب الحُر فينا ف كلمته
    للي فرَش أهله وحياته وذمّته
    سجّادة للظالم
    عشان مايدُوس عليها الإنقلاب
    محناش صحاب!

  3. #73
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي قاضي البلاج

    حضرته قاضي البلاچ
    حُكمه طالع بالمايوه
    غاوي يجمع في الأدلة
    م البارات والراندفو
    يحبسك لو كنت تهتف
    قلت "يَسقُط"؟ طب هاتُوه
    واللي يوم يرفعلي رابعة
    بالحداشر واحبسوه
    فوق قفاك يعزف سعادته
    سيمفونية "لا" "سي" "دُو"
    في الحاجات دي مش بيرحم
    وقتها يسجن أبوه
    أما لو ممسوك في غرزة
    بيس يا عم و let's go
    أو لقوك ويا الخلايجة
    ع الطريق سكران طِينُو
    يمضي ع الإفراج مغَمَّض
    تَوّ ماتجيلُه الألو
    يعني راجل لارچ جدا
    انتو بس تفرفشوه
    حتى أتعابك
    هتدفع بالكتير حتة جاتوه
    بس دلّعله المرافعة
    حُط قَلْش و"Yes" و"No"
    إوعى تتدَبّس في فُصحَى
    ولاّ فاعل وارفعُوه
    جبت سيرة الرفع؟
    يبقى المتهم هيعَلقُوه!
    شرطُه لو عايز براءة
    لجْل يمضي "خَرّجُوه"
    تبقى م الآخر يا صاحبي
    من زباين هالة شو!

  4. #74
    الصورة الرمزية هنــا محمد قلم نشيط
    تاريخ التسجيل : Jun 2013
    الدولة : بإحدى الغيمات !
    المشاركات : 482
    المواضيع : 23
    الردود : 482
    المعدل اليومي : 0.12

    افتراضي

    هههه تجنن قاضي البلاج

    الـ نغم يعانق الاحرف هٌنا :)

    .

  5. #75
  6. #76
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    عارف الواد اللي اسمه قاضي
    جه الدُستور وعمل له إيه؟
    أربعتاشر بنت حبَسْهم
    إعمالاً لقانون "أحّيه"!
    سيسي اداله حقنة كبيرة
    عارف اداله الحقنة ليه؟
    علشان هو كمان "بيسَرّب"
    تقريبًا من بين رجْليه
    واهو من يومها مابيتشَطّر
    غير على بنت ضعيفة البيه

  7. #77
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    قد إيه الدايرة وسعِتْ .. لسة بتزيد المسافة
    ناس بتزعل ع اللي ماتوا وناس بتزعل ع الزرافة
    حبّة بيروحوا الحديقة وحبة بيروحوا القرافة!
    القضية .. يا بهية.. إننا مالناش قضية
    لو ياسين بس اللي ضايع أو يكون وَحدُه الضحية
    كُنتي وحدك راح تقولي مين معايا ومين عليا
    بس شُفنا ان المجازر فوق دمانا رايحة جية
    والوشوش اللي اتملت بالظلم لسة هيا هيا
    أبقى مقتول واللي قاتل للأسف بيجيبها فيا
    أصلهم شايفينّا فيها طول حياتنا شعوب هفيّة
    علّمونا ف كل عملة.. نشتم الإيد الخفية
    لجل تتبعتر دمانا.. أو نسيبهالهم هدية!

  8. #78
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    مشكلة المربعات اني لما بكتبها بالصعيدي مابضمنش لو نشرتها مكتوبة هتتقري صح ولا لأ

    عموما هجتهد بالتشكيل وانتو ونصيبكم بقى:

    اللي هيهتف بجَلْبَهْ
    وينادي يوم بالفضيلة
    يشرب من الناس مجَالبَهْ
    الشعب ده مش فاضي لَهْ !

  9. #79
    قلم منتسب
    تاريخ التسجيل : Dec 2013
    المشاركات : 9
    المواضيع : 2
    الردود : 9
    المعدل اليومي : 0.00

    افتراضي

    جميل قولك وليه معنا
    بكل أمانه أمتعنا
    يابلبل نور الواحه
    وغرد بسم أوجاعنا

  10. #80
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    اقتباس المشاركة الأصلية كتبت بواسطة أحمد عطا عباس مشاهدة المشاركة
    جميل قولك وليه معنا
    بكل أمانه أمتعنا
    يابلبل نور الواحه
    وغرد بسم أوجاعنا
    حبيبي جزيت كل الخير
    شكرا لك :)

صفحة 8 من 13 الأولىالأولى 12345678910111213 الأخيرةالأخيرة

المواضيع المتشابهه

  1. ومضات ماسه
    بواسطة فاطمه عبد القادر في المنتدى النَّثْرُ الأَدَبِيُّ
    مشاركات: 21
    آخر مشاركة: 22-04-2019, 07:01 PM
  2. ومضات ماسه 2
    بواسطة فاطمه عبد القادر في المنتدى النَّثْرُ الأَدَبِيُّ
    مشاركات: 7
    آخر مشاركة: 08-01-2015, 03:21 AM
  3. ومضات .. قبستها من الشمس
    بواسطة د.جمال مرسي في المنتدى فِي مِحْرَابِ الشِّعْرِ
    مشاركات: 15
    آخر مشاركة: 15-03-2006, 09:20 PM
  4. ومضات الخالدين- في ذكرى الشهيدين الشيخ أحمد ياسين والدكتور عبد العزيزالرنتيسي
    بواسطة فارس عودة في المنتدى فِي مِحْرَابِ الشِّعْرِ
    مشاركات: 4
    آخر مشاركة: 19-05-2005, 07:22 PM
  5. ومضات من حياة سمير الانسان من خلال شعره
    بواسطة نسرين في المنتدى فِي مِحْرَابِ الشِّعْرِ
    مشاركات: 12
    آخر مشاركة: 08-10-2003, 10:05 PM