يا برد يا سيّال
ريقك على شطّي
الذكريات ع البال
ويّايا هتشَتّي
زراعة القلوب العضلية» بقلم اسلام رضا » آخر مشاركة: اسلام رضا »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»» احمد المنسي» بقلم احمد المعطي » آخر مشاركة: طارق عبد الله السكري »»»»» في وداع الشيخ عبد المجيد الزنداني رحمه الله» بقلم طارق عبد الله السكري » آخر مشاركة: طارق عبد الله السكري »»»»» جسور الأمل.» بقلم أسيل أحمد » آخر مشاركة: عمر الصالح »»»»» مقولة قالها مفتون ... فصدّقها مفتون مثله..!» بقلم ابو الطيب البلوي القضاعي » آخر مشاركة: ابو الطيب البلوي القضاعي »»»»» إلى إبنتي.» بقلم ناديه محمد الجابي » آخر مشاركة: سحر أحمد سمير »»»»» "كتيّب العشاق"---خواطر غزليّة» بقلم ابراهيم ياسين » آخر مشاركة: إبراهيم ياسين »»»»» مع الظلام» بقلم عبدالله سليمان الطليان » آخر مشاركة: ناديه محمد الجابي »»»»» يوم جديد...» بقلم ريمة الخاني » آخر مشاركة: ريمة الخاني »»»»»
يا برد يا سيّال
ريقك على شطّي
الذكريات ع البال
ويّايا هتشَتّي
facebook.com/mousapoet
لما شفته في المُدَرّج
ولا حتى في الكافِيه
قالوا معروف بين زمايله
والتلامذة واثقة فيه
اللي شافه .. واللي عرفه
واللي يسمع مرة عنه
واللي حتى مش في سنُّه
كله بيشاور عليه
(أيوة هو ده أكيد
أيوة ده مشروع شهيد)
**
زيه زيّك في الإفادة
يعني مالهوش إيد زيادة
بس قلبه اداله قوة
مش بتركع للبيادة
بُص جنبك هتلاقيه
زي اخوك لما تناديه
بابتسامة وكلمة صافية
وانت فاكرُه ومش ناسيه
(أيوة هو ده أكيد
أيوة ده مشروع شهيد)
أصله من طين البلد دي
واتقَبّل جوه التحدي
مش هيسأل لو يغيتك
ده معايا ولاّ ضدي
حِكْمته شمس الشموس
أرقى من ضَعف النفوس
واما شاف ع البُعد جنة
احتمل ع النار يدُوس
(أيوة هو ده أكيد
أيوة ده مشروع شهيد)
بموت فيها.. ماتحسدنيش؛
مانيش قصدي بحِبّها موت
بموت فيها.. ده صوت "واقع"
بيحكي مصير وطن مكبوت
بموت فيها حقيقي عشان
علاج ناقص.. يا إما جعان
يا إما صبحْت م الشجعان
بقُول رفضي بأعلى الصوت
دستور "بانجو"
مش هنصوّت فيه اكمنّه
لما يكون دستور "أبو لفّة"
مانصوتش عليه .. استنوا
يبقى أكيد هنبلغ عنه!
مات الملك.. عاش الملك
وانتِ اللي لسة بزمبلك
عدّا عليكِ ومهما عدّا
الباشا بردو استعمَلِكْ
وبتيجي من كلمةْ غزل
لو بس قال ما أجملِكْ
فورًا تطاطي وتخضعي
واتفاجئ اني بَجْهَلِكْ
مات الملك.. عاش الملك
مات الملك والشعب ثار
يهتف بإسقاط الدمار
لكن مشِيها بفهلوة
من غير ما يرسم في المسار
عاش الملك وادّا القرار
فالكل للخلف استدار
يمسح هتافه وثورته
قدّم لجَلاّده اعتذار
عاش الملك ولما عاش
قال الفرج جيّ وْماجاش
ادوله فرصة وبعدها
طلّع شعوبنا على المعاش
مُواطن سَكّة بيطبطب على الوالي..
وقف حيران..
وقدامه سفينة نوح خيار أوَّل..
ومن غيرها خياره بإنه يستسلم
لموج عالي..
فمن ناحية..
يقول البحر مش هيطيقني
فوق سطحه..
ومن ناحية:
سفينة نوح ماتستنضفش أمثالي!
أبله قالت لي "سيسي" الحلوة زعلت من سوسو
راح يصالحها وباسها وهي حلفت ماتبوسه
جابت الدم وعاصت إيدها وجت بشويش جنبه
مسحت دم ولادها في وشه وهتفِتْ مع شعبه؛
سيسي ضربها وأخد الحكم اللي ف إيدها وسَلَبه
لم تواضروس ويّا برادعي والأزهر عجبُه ♫
اتأكدي.. اتأكدي
قبل الحكاية ما تبتدي
إنك صحيح بتحبي، آه بتحبي
مش بتقلدي
وانّك حقيقي مصدقة
إحساسنا ده مش بعزقة
أو شوق بيبْرَد باللُّقا
أو يهْدا لو تتعودي
اتأكدي.. اتأكدي
قبل الحكاية ما تبتدي