أحدث المشاركات

إدلب تباد» بقلم نديم العاصي » آخر مشاركة: نديم العاصي »»»»» حلم تايه» بقلم وفاء محمود كحيل » آخر مشاركة: أسيل أحمد »»»»» إدلب المجد» بقلم نديم العاصي » آخر مشاركة: نديم العاصي »»»»» .. يطــوف بي الزمان ............» بقلم موسى الجهني » آخر مشاركة: أسيل أحمد »»»»» على لوحة المفاتيح ..!!!!» بقلم محمد الحضوري » آخر مشاركة: محمد الحضوري »»»»» استفتِ قلبك» بقلم احمد المعطي » آخر مشاركة: أسيل أحمد »»»»» رياح الغدر ..» بقلم محمد ذيب سليمان » آخر مشاركة: أسيل أحمد »»»»» وجعُ الحروف» بقلم زاهية » آخر مشاركة: أسيل أحمد »»»»» غزل» بقلم عبدالسلام حسين المحمدي » آخر مشاركة: أسيل أحمد »»»»» رَسْمٌ على صَفحاتِ القمر ..!» بقلم لبنى علي » آخر مشاركة: لبنى علي »»»»»

صفحة 7 من 9 الأولىالأولى 123456789 الأخيرةالأخيرة
النتائج 61 إلى 70 من 85

الموضوع: عاللّومة _ زجليّات بنبضٍ فلسطينيّ

  1. #61
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.30

    افتراضي

    اقتباس المشاركة الأصلية كتبت بواسطة محمد محمود محمد شعبان مشاهدة المشاركة
    أعجبتني تلك الزجليات
    رغم أن اللهجة صعبت بعض الشئ لكني شعرت جمال حرفها
    مرور أولي وأعود من بعد إذنكم
    دمتم بكل إبداع

    تحيتي

    حمادة الشاعر
    أهلا وسهلا بك في صباحاتنا أخي

    وبانتظار عودتك

    مودّتي
    غبنا ولم يغبْ الغناء
    يا فاتن الأسحار حيّاكِ الربيع إذا أضاء


  2. #62
    الصورة الرمزية عبدالكريم شكوكاني شاعر
    في ذمة الله

    تاريخ التسجيل : Oct 2011
    الدولة : فلسطين
    المشاركات : 944
    المواضيع : 100
    الردود : 944
    المعدل اليومي : 0.31

    افتراضي

    عاللومة والله اشتقنا
    يا فاتن تبقي معنا
    كلمة منك تجمعنا
    ببعادك كبست نوما

    الأخضر العربي

  3. #63
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.30

    افتراضي

    عاللّومة وكترو شغالي

    وقلت بقلبي نيالي

    فكّرت الشغل بيثري

    لكن هدّلي حيلي

    والرّاتب دوبو مكفّي

    للقمي ويلهدوما

  4. #64
    الصورة الرمزية عبدالكريم شكوكاني شاعر
    في ذمة الله

    تاريخ التسجيل : Oct 2011
    الدولة : فلسطين
    المشاركات : 944
    المواضيع : 100
    الردود : 944
    المعدل اليومي : 0.31

    افتراضي

    عاللومة المتلي فاضي
    الفاضي بعمل قاضي
    عم بوزع أراضي
    من تعبو ينام محموما

    شغلك والله عبادة ي
    في تعليم الأولاد ي
    بيعادل الجهاد ي
    للي بيفهم لعلوما

    يا فاتن حقك مني
    لا تهتمي وتعنّي
    المعلم إلو الجنة ي
    دوم الراتب مجروما

  5. #65
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.30

    افتراضي

    عاللّومة وقالو الجنّة

    للّي بالعلمِ بيِزْرَع

    وْقالو إنو حَصادو

    مِتلِ السَبايِك بِلْمَعْ

    ونّو من بينِ كفوفو

    عزّ بلادو رَحْ يِرْجَع

    لكن هالجيلِ الهابِط

    يا خَيّي دومِ يْلابِط

    ما عَم يِقْبَل يِتْعَلّم

    وْقَلبو مْنِ الجَهِل شايِطْ

    وْلِمْعَلّم عندو بِدْعَة

    بيضرُب نُصحو بالحايِط

    يا خيّي الدّنيي انقلبت

    وِتْعَرّو وْلادِ الخايِطْ

    وابنِ الكندجي حافي

    وابنِ المشايِخ ساقِط

    يا ريت العالم يصحو

    من غفلتهُم والنّوما

  6. #66
    الصورة الرمزية عبدالكريم شكوكاني شاعر
    في ذمة الله

    تاريخ التسجيل : Oct 2011
    الدولة : فلسطين
    المشاركات : 944
    المواضيع : 100
    الردود : 944
    المعدل اليومي : 0.31

    افتراضي

    عاللومة وعلموني
    بالمدارس حطوني
    حافي ابرد كانون ي
    وحَبَيْتا للعلوما

    عاللومة وجيل الحين ي
    هدوموا لامارتيني
    بلبس زي جيمس دين ي
    وعقلو صاير مخروما

    بيناديني يا سيدو
    باسمي بغلط ويعيدو
    مهو ترباية نيدو
    ومعكرونة أندوما

    يا فاتن ضحكتيني=مهموم وعايف تيني
    نقدك عدَّلِّي جبيني=غابت لحظة الهموما

  7. #67
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.30

    افتراضي

    عاللّومة وشبّ مْسَمْسَمْ

    لابِسْ تي شيرت مقلّمْ

    حامل كتبو عكتفو

    وقال شو رايِح يتعلّم

    مرّت من جنبو بنيّة

    صارِ بْعِطرا عم يحلَم

    لحقا والدمّ بيغلي

    والعشق بقلبو تحكّم

    قلّا يبنيّة دخلك

    قلبي بالحبّ تشرذم

    والشوق اللّي بضلوعي

    من حرّو القلب تْألّم

    وقفت جنبو الصبيّة

    شدّت كتفو بحنيّة

    وقالتلو لكْ يا بنَيّي

    إيمَت رايِحْ تتفهّم

    لسّاكِ صغير ولسّا

    حبّك عَشجارو مبرعم

    تنّك تكبر يا خيّي

    لازم عقلك يتكلّم

    والحبّ اللّي تنتظرو

    هيصير بنضجك مغنم

    لا تخلّي جهلك زرعك

    لنّك لو تاكُل منّو

    رح أفكارك تتسمّم

    وآمالك هاللّي بْنيتا

    رح تتداعى وتتهدّمْ

    يا خيّي روح مدرستك

    وانهل منها لِعْلوما

  8. #68
    الصورة الرمزية عبدالكريم شكوكاني شاعر
    في ذمة الله

    تاريخ التسجيل : Oct 2011
    الدولة : فلسطين
    المشاركات : 944
    المواضيع : 100
    الردود : 944
    المعدل اليومي : 0.31

    افتراضي

    عاللومة وداهن شعرو
    ابجل وعامل نيجرو
    لسا ما بعرف بعرو
    من جبنة الحلّوما

    عاللومة ويا حبِّيب
    راكب عربية جيب
    مخ يودي ويجيب
    بكره كل العلوما

    يا حسرة عنب الزيني
    جيل ينجس مدينة ي
    بشرب عرق ومارتيني
    ومازاتو بالأندوما

    يا خيّة قولي مشلَّخ=ضحكة بقلبي بتصرخ
    أملي بالجيل كبيرة=وانشالله غداكي بطرخ
    ههههههههههههه



    البطرخ/بيض السمك(الكافيار)

  9. #69
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.30

    افتراضي

    عاللّومة ورحتِ أتْسَوّقْ

    والسّوقِ بْناسو بيِغْرَقْ

    نسوانِ رْجالِ ووِلْدٍ

    بِجنابِ السّوقِ مفَرّقْ

    هادي بتِغْمِزْ بالبايِعْ

    وذاكِ بْوِشّا بِيْطالِعْ

    والكوسايِة مَخروما

    بيّاعِ العطرِ مْكَحّل

    وبالصّبايا بيتغزّل

    تركو الخضرَة والطّبخَة

    وأخدو من عِطرو كوما

    وبيّاعِ اللّبسِ مْصَهْلِل

    جنبو النّسوانِ بْتُنغُلْ

    جَرّت زوجا يِدفَعلو

    وهيّي بتضحك وتبهلل

    مصروفِ الشّهرِ تبخّر

    عالحُمْرا ويلِهدوما

    ابنا عمْ يبكي جنبا

    يا ميما من دِيادورا

    هاتي الحذوِة ومن بوما

    وهالرّجالِ الساحبتو

    ولأغراضا محمّلتو

    فوقِ غْراضا محَمّلتو

    هالحَسْرَة و]لِهْموما

  10. #70
    الصورة الرمزية عبدالكريم شكوكاني شاعر
    في ذمة الله

    تاريخ التسجيل : Oct 2011
    الدولة : فلسطين
    المشاركات : 944
    المواضيع : 100
    الردود : 944
    المعدل اليومي : 0.31

    افتراضي

    عاللومة وبتناديني
    حلوة وتوبا فلسطيني
    لا ديور وجوست وديني
    بتعادل هالهدوما

    شفتا بتعبي المية ي
    هالبنت الكنعانية
    تمشي بخفة وحنيّة ي
    قمر بعالي لنجوما

    بنت بلادي نشمية ي
    بالحرب بتسوا مية ي
    لما بتيجي الدورية ي
    تزرع بالدرب لغوما

    ويا فاتن هدي شوية ي=على ختيار بطاقية ي
    بعدو حامل شبرية ي=وكلاشنو بالكروما


صفحة 7 من 9 الأولىالأولى 123456789 الأخيرةالأخيرة

المواضيع المتشابهه

  1. ترحيبٌ بنبضٍ جديد أطلّ علينا من بعيد
    بواسطة فاطمة جرارعة في المنتدى الروَاقُ
    مشاركات: 10
    آخر مشاركة: 01-02-2009, 11:09 AM
  2. لكنْ عرفتك يا فلسطينيّ ...معانقة لأخي ياسر
    بواسطة إدريس الشعشوعي في المنتدى الشِّعْرُ الفَصِيحُ
    مشاركات: 5
    آخر مشاركة: 03-02-2005, 02:59 PM
  3. أم أسير فلسطيني جريح تستغيث لإنقاذ حياته
    بواسطة ميرفت شرقاوي في المنتدى الحِوَارُ الإِسْلامِي
    مشاركات: 1
    آخر مشاركة: 28-12-2004, 05:19 AM
  4. فيلسوف فلسطيني لاول مرة في التاريخ باللغة العربية
    بواسطة salem salim في المنتدى الحِوَارُ الإِسْلامِي
    مشاركات: 3
    آخر مشاركة: 02-11-2004, 01:37 PM
  5. رد فلسطيني سريع
    بواسطة ابن فلسطين في المنتدى الحِوَارُ الإِسْلامِي
    مشاركات: 0
    آخر مشاركة: 29-01-2004, 01:07 PM