أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 3 من 9 الأولىالأولى 123456789 الأخيرةالأخيرة
النتائج 21 إلى 30 من 85

الموضوع: عاللّومة _ زجليّات بنبضٍ فلسطينيّ

  1. #21
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللّومَة وْزَهّر دَمْعي

    منِ جمارو تْكَحّل شَمْعي

    يوم التّاريخ قريتو

    عَن شَعْبي هالمَكلوما

    كان الشّريف يْراسِل

    مَندوبو بالرَسايِل

    يِضْحك عليه بكِدْبِه

    ولَلعادي قَلبو مايِل

    بِلفُر يِعْطيهُم وَعدو

    وِيْعَشّمهُم بِبلادي

    والعُثماني الجَهّلنا

    نايِم بالعسَلْ نوما

    هِجراتُن بِدْيَت تِكْثَر

    ونْيابُن بِدْيِت تِكبَر

    والعُثماني عَمْ يِشخَر

    ما تِيصَلو لِعْلوما

    يومن هالطّبخَة اكتَملَت

    قوّات الجّهل انهزمت

    والشّعب الهون توهّم

    إنّو بأرضو رَح يِغْنَم

    لكنّو ما كان يِعْلَم

    إنّو أحلامو مَوْهومَة

    يا شَعْبي الحالِمْ إصحا

    واوعَك تِغْفا هالمَرّة

    مهما الغاصِب يِتجَبّر

    جِذرك بالأرض بيكبر

    خلّي سلاحك يتطوّر

    بالعلم ضلوعك تِعمَر

    حتّى نذوّقهُن سَمُّن

    لِبْكاسُن شَرّبونا

  2. #22
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللومة وسايكس و بيكو
    مكماهون يربيكو
    انتا يا حسين شريكو
    رايح بسابع نوما

    بلفور بيعطي وعدو
    ليهودي بأرضي قصدو
    يخلف للعرب عهدو
    هالنذل ابن الملعونا

    يا فاتن اوعي تنسي
    وعد تاني لبيرسي
    من ابن سعود لكوكسِ
    يِكرم في فلسطينا





    انا السلطان عبد العزيز بن عبد الرحمن السعود اقر واعترف الف مرة للسير برسي كوكس مندوب بريطانيا العظمى لامانع عندي من ان اعطي فلسطين للمساكين اليهود او غيرهم وكما ترى بريطانيا العظمى التي لا اخرج عن رأيها حتى تصيح الساعة

  3. #23
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللّومَة وْهَجّو حْبابي

    خَطْوُن خَضّبلي تْرابي

    قالوا بُكْرَة رَحْ نِرْجَع

    وأخَدو مِفْتاحِ البابي

    وِغيابُن طال وْطَوّل

    وِقليبي جَمْر تْحَوّل

    هالعالَم يوعِدْ فيهُم

    بسّ قْلوبُن مَكْلومَة

    وِبْيوتُن خَلَعو بْوابا

    وِسَكَنو وْصارو أصْحابا

    وِحبابي لِسّا يْصَلّو

    إنّو يْدوسو عَعْتابا

    يا حادي العيرِ إوْصَلُّن

    عَنْ لوعاتي خَبِّرهُن

    إنّي بأرضي هَسْتَنّا

    وانطِر مِنْهُمْ لِعْلوما

  4. #24
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللومة شعبي تهجَّر
    بخيانة وغدر وعسكر
    مندوب السامي يمكر
    يدعم نذل الصهيونا

    لا تستنا قرارات ي
    يا شعبي بالشتات ي
    الثورة شمس الآتي
    يوم النصر الميمونا

    بكرة جايي بسلاحي
    حامل برضو مفتاحي
    بداري أداوي جراحي
    يا فاتن يا مزيونا

  5. #25
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللّومَة وبالدّفاتِرْ

    سَطَرو كُلّ المَجازِرْ

    شيخِ التّاريخِ يْسَجّلْ

    دَمْعَة بْقَلْبي هالعاثِرْ

    مِن جورِ العادي وْظُلمو

    فاضِت مِنّا لِسْموما

    طِفْلي بالحَجَرْ يْقاوِمْ

    طِفْلو بالعَسَلْ نايِم

    شيخي مْنِ البَرْدِ تْجَمّدْ

    وِعْظامو صارِتْ مِبْرَد

    خِتْيارُن بالجاكوزي

    مْدَلّل نَفسو وِمْفَرْهِدْ

    شَبابي بْدمّ عْروقا

    وِبْعَرَقا تْجيبِ اللُّقْمي

    تِنْسِف روحا لَتْعَبّر

    عن صَرْخِتها والنّقْمِة

    وِشَبابُن بالمَلاهي

    بالحِلوَة القَلِبْ ساهي

    كَلْبو جَنبو يْهَوْهِولو

    وِيْلَحّسلو لِهْدوما

    وينِ التّاريخِ يْسَجّل

    وِلْهَمّي النّازِفْ يِغْسِلْ

    وينِ الإنسان اليُشْعُرْ

    وِيْبادِلني لِهْموما

  6. #26
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللومة اللومة اللومة
    يا فاتن يا مكلوما
    وطنك هو همك دوما
    وانا مثلك مهموما

    عاللومة وابن بلادي
    في الغربة عمَّ ينادي
    يا محلا الاستشهاد ي
    فوق تراب فلسطينا

    عاللومة ونادت امي
    بلدك بروحك احمي
    لا تنساها بالزحمة ي
    جبل الكرمل حنونا

  7. #27
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللّومة ورُحتِ البَيْدَرْ

    وِمْشيت بْحِضنو الأخْضَرْ

    عَجْنابو النّرْجِسْ يُرْقُص

    وِبْساحو يْغَنّي الزّعتر

    والرّوح بْصَدري تْزَغْرِد

    لَمّا الماضي تِتْزَكّرْ

    يومِن طَلّت هالفَزْعَة

    والأرْضِ بجودُن تِعْمَرْ

    يْغيثو الفلاّح بعَزْمُن

    تَيْدوسِ السّبَلِ الأصْفَر

    وِيْذَرّي القَمْحِ وْيِفْصِل

    تِبْنو للرّيحْ تبَعْثِرْ

    هالطّايِف وَيّا الرّاكِس

    يِمْشي يْدوس وْيِتْبَخْتَر

    وِغْمار القَمْحِ إلْتِحْتو

    مِن قّشّاتا تِتْزَنّر

    مَحلا رْجالِك يَبلادي

    يومِ بْفَزْعِتْهُن هَبّو

    صوت الموّال يْنادي

    والميجانا واللّومَة

    وعاللّومَة ويا بيدَرْنا

    ما رَحْ نِنساك بْيوما

    ورَحْ تِفْضَلْ أجمَلْ زِكرى

    لِيّا وْلِوْلادي دوما

  8. #28
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللومة وقاع الوادي
    الراعي عم بينادي
    يا محلا الطير الشادي
    بيغرد عدلعونا

    عالبيدر محلا الدرس ي
    وبعدو ميعادو عرسي
    والله لقعد عالكرسي
    حدك يا هالمزيونا

    دخلك يا طير الشادي
    بوصولك أرض بلادي
    بلغ أمي وولادي
    راجع لو مهما يكونا

  9. #29
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللّومة وْكَرْمي الأخْضَرْ

    بي زَيْتونو يِتْغَنْدَرْ

    حبِّ الزّيتونِ الضّاوي

    فوقِ غْصونو يِتْمَخْتَرْ

    والفَلاّحِ بْفَلاّتو

    يِفْرِش كَرْمو هالأخضَرْ

    بيديهِ البيضِ يْنَقِّبْ

    زيتوناتو المَزْيونا

    غُرْبالو جَنْبِ الفَلّي

    يِنْطُرْ مِن مَرْتو طَلِّي

    بَعِدْ مَتْجولِ الأرْضِ

    تيجي تْنَسّفْ وتْمَلّي

    يِتْغَدّو بْفَيِّ الشَجْرَة

    زيت وْزَعْتَرْ مَطحونا

    مَحْلا رْبوعِكْ يَبْلادي

    وْمَحلا لَمِّة لِكْروما

  10. #30
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,906
    المواضيع : 92
    الردود : 8906
    المعدل اليومي : 1.66

    افتراضي

    عاللومة ونتي حبي
    يالجسمك لازق جنبي
    ورموشك فوقي تخبي
    حَب ثمار الزيتونا

    يا حلوة وخضر عيونك
    قلبي صاير مفتونك
    حشرتك في طاحونك
    سرسب زيتك للمونة ا

    شجرة زيتون بلادي
    فيّ وخضرة وسعادة ي
    وزيتا بيغذي ولادي
    يا خضرا ويا ميمونا

صفحة 3 من 9 الأولىالأولى 123456789 الأخيرةالأخيرة

المواضيع المتشابهه

  1. ترحيبٌ بنبضٍ جديد أطلّ علينا من بعيد
    بواسطة فاطمة جرارعة في المنتدى الروَاقُ
    مشاركات: 10
    آخر مشاركة: 01-02-2009, 11:09 AM
  2. لكنْ عرفتك يا فلسطينيّ ...معانقة لأخي ياسر
    بواسطة إدريس الشعشوعي في المنتدى فِي مِحْرَابِ الشِّعْرِ
    مشاركات: 5
    آخر مشاركة: 03-02-2005, 02:59 PM
  3. أم أسير فلسطيني جريح تستغيث لإنقاذ حياته
    بواسطة ميرفت شرقاوي في المنتدى الحِوَارُ الإِسْلامِي
    مشاركات: 1
    آخر مشاركة: 28-12-2004, 05:19 AM
  4. فيلسوف فلسطيني لاول مرة في التاريخ باللغة العربية
    بواسطة salem salim في المنتدى الحِوَارُ الإِسْلامِي
    مشاركات: 3
    آخر مشاركة: 02-11-2004, 01:37 PM
  5. رد فلسطيني سريع
    بواسطة ابن فلسطين في المنتدى الحِوَارُ الإِسْلامِي
    مشاركات: 0
    آخر مشاركة: 29-01-2004, 01:07 PM