أحدث المشاركات
النتائج 1 إلى 4 من 4

الموضوع: عم بِحكوا فيه انتخابات

  1. #1
    الصورة الرمزية مهند صلاحات عضو غير مفعل
    تاريخ التسجيل : Dec 2004
    الدولة : الاردن
    العمر : 43
    المشاركات : 589
    المواضيع : 101
    الردود : 589
    المعدل اليومي : 0.08

    افتراضي عم بِحكوا فيه انتخابات

    عم بِحكوا فيه انتخابات

    شعر : توفيق رحايمة


    عم بحكوا فيه انتخابات
    وانا عارف إنها إشاعات
    كيف نصدق هيك زُعران
    باعوا بلدهم للشيطان
    وعلّوا قصور وعمارات
    وبأريحا كازينوهات
    ونسيوا دموع الأمهات
    ودم الشهدا والشهيدات
    و عم بحكوا فيه انتخابات

    هَيهُم بحكوا إنها نزيهة
    وانا متأكد إنها سفيهة
    رح تتزوّر
    ورح تتغيّر
    رح تتبدل
    ورح تتفصّل
    على قياس البيك عباس
    وناوي يطير مليون راس
    ولو احتجت كل الناس
    على روسهم رح ينداس ...

    ما رح نسكت ولا بنهادِن
    لا .. لبو قََََرعة ، ولا..لبو مازن
    وعَجْهنّم كل الأَبَوات
    وعم بحكوا فيه انتخابات

    كلمة نصيحة
    بَقولْها صريحة
    إرفع صوتك يا بن بلادي
    وِجْبالك تسمع والوادي
    زمرة أوسلو إبعد عنهم
    وليل نهار ظـَلّك إلعنهم
    باعوا أرضك
    باعوا عرضك
    شِرْش الحيا طَقْ فيهم
    فلوس الدنيا ما بتكفيهم
    باعوا شرفهم لَشارون
    ولليهود شَلَحوا الكلسون
    تِربايِة أبو شلاطيف
    ما فيهم واحد شريف
    نضالهم في الكباريهات
    سكرانين وسكرانات
    بس شَمِّمْهم دولارات
    بتسمع أحلى الشعارات
    وعم بحكوا فيه انتخابات

    وين انتو يا شرفا بلادي
    صار لي سنين بصرخ وبَنادي
    ليش ساكتين على ذل السلطة
    وليش راكعين لَزْلام ابو حَطّة
    وفي باريس اجت له الجلطة
    وأموالكم ضاعت عَوَنْطة
    بين سهى والأبضايات
    وعم بحكوا فيه انتخابات

    مهما خسرنا مش رح نسكت
    ولازم للشرفاء نصوِّت..
    وللمناضل إعطي صوتك
    على راس السلطة دوس بِ بُوتَك
    ولا يهمك من شعاراتهم
    وأفلامهم ومسرحياتهم
    وشبعنا خُطب وشعارات
    ومن ساعة ما حَكَم عرفات
    ما شُفنا غير النكبات
    وعم بحكوا فيه انتخابات

  2. #2
    الصورة الرمزية عبد الوهاب القطب شاعر
    تاريخ التسجيل : Mar 2003
    الدولة : الولايات المتحدة
    المشاركات : 3,212
    المواضيع : 122
    الردود : 3212
    المعدل اليومي : 0.42

    افتراضي

    لا تنتخبْ والزم خيامك وانتحبْ
    وابكي على حيفا ويافا والنقبْ

    ابكي على ارض اضاعتها العربْ
    وعلى حقوق احرقت حرق الحطبْ

    وعلى جدارٍ عنصريٍّ منتصبْ
    يلتفّ حولك يا حزينُ ويقتربْ

    لا تنتخبْ
    لا تنتخبْ

    والزم خيامك وانسحبْ
    فالأغنياءُ هم الزعامةُ لا كذبْ
    وسيحكمون برغم ماضيهم حقبْ

    لا تنتخب
    لا تنتخبْ

    كم ذا سألتَ عن الرغيف فلم تُجبْ
    أما العدالة؟ ها ! سراب قد سرَبْ

    لا تنتخب



    شكرا اخي مهند

    على النقل

    وطاب يومك العاطر

    تحياتي

    عبدالوهاب القطب
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3

  4. #4
    الصورة الرمزية عبد الوهاب القطب شاعر
    تاريخ التسجيل : Mar 2003
    الدولة : الولايات المتحدة
    المشاركات : 3,212
    المواضيع : 122
    الردود : 3212
    المعدل اليومي : 0.42

    افتراضي

    اقتباس المشاركة الأصلية كتبت بواسطة مهند صلاحات
    هنالك المزيد
    لكن الحقيقة استاذ عبد الوهاب
    عجزت عن الرد على كلماتك بالفعل أكثر من رائعة
    لا أعرف هل كنت معدها من قبل أم ان كلمات الشاعر أوحت لك بها الان ؟
    اخي الكريم مهند

    الحقيقة ان الابيات مرتجله بالفعل ولكن في مكان آخر

    وقبل اسبوعين تقريبا ردا على مقال قرأته في موقع آخر.

    اشكرك على لفتتك العطرة

    ولا عدمناك سيدي

    تحياتي القلبية

    عبدالوهاب القطب

المواضيع المتشابهه

  1. معالجات :اللهم قد عمّ البلاء ولنا فيك الر جاء ،مكانكم أيها الأمراء وأصحاب المناصب
    بواسطة طالب عوض الله في المنتدى الحِوَارُ السِّيَاسِيُّ العَرَبِيُّ
    مشاركات: 17
    آخر مشاركة: 28-01-2011, 08:02 PM
  2. تلاعب جديد في انتخابات العراق لصالح الصليبية
    بواسطة مازن عبد الجبار في المنتدى الحِوَارُ السِّيَاسِيُّ العَرَبِيُّ
    مشاركات: 0
    آخر مشاركة: 03-03-2008, 12:11 PM
  3. انتخابات المرحلة الثالثة ودعاية المحتل الغاصب
    بواسطة عمر رمضان في المنتدى الحِوَارُ الإِسْلامِي
    مشاركات: 0
    آخر مشاركة: 30-09-2005, 07:46 PM
  4. قراءة تحليلية في انتخابات الرئاسة الفلسطينية
    بواسطة عمر رمضان في المنتدى الحِوَارُ الإِسْلامِي
    مشاركات: 0
    آخر مشاركة: 11-01-2005, 11:01 PM
  5. انتخابات الرئاسة الأمريكية ... ولا عزاء للعرب!!
    بواسطة مسعد حجازى في المنتدى الحِوَارُ الإِسْلامِي
    مشاركات: 3
    آخر مشاركة: 05-12-2004, 07:52 PM