أحدث المشاركات

نسجل دخولنا بذكر الله والصلاة على رسول الله» بقلم عوض بديوي » آخر مشاركة: ناديه محمد الجابي »»»»» قراءة في مقال حقائق مذهلة عن الكون المدرك» بقلم اسلام رضا » آخر مشاركة: اسلام رضا »»»»» بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»»

النتائج 1 إلى 4 من 4

الموضوع: موكب الوالى

  1. #1
    عضو غير مفعل
    تاريخ التسجيل : May 2004
    المشاركات : 40
    المواضيع : 19
    الردود : 40
    المعدل اليومي : 0.01

    افتراضي موكب الوالى

    موكب الوالى
    ( بمناسبة إعتداء الشرطة على الصحفى عبده مغربى بسبب محاولته عبور الشارع يوم 18/12/2004 )

    إنت مجنون ياعبده؟
    هىّ الحكومه عامله الشوارع
    للناس علشان يعدوا؟
    إنت مجنون ياعبده؟

    مش قالولك مَوْكب الوالى إتحرك خلاص
    مش قالولك إصبر شويه الزفه جايه ولا مناص
    من وقوفك إنتباه ع الرصيف
    ساعتين تلاته أوزياده
    فى انتظار تنفيذ أوامر السيادة
    بالعبور بعد ساعه من الوصول؟
    بقى هىّ دى تبقى الأصول
    إنك تعدى قدّام سعادته؟
    إنك تعكّر مزاج سعادته؟
    إنت مجنون ياعبده؟

    إنت أهوج أو عنيد ولا أهبل أو عبيط
    و الا مانتش م البلد دْى؟
    إنت ناسى بورسعيد
    واللى تم ف لحظه فيها؟
    لمّا نشوا من بعيد
    بالرصاص رجلين وراس
    المواطن البسيط
    اللى نشف يومها راسه وقام معَدِّى
    إنت مجنون يا عبده؟

    إنت فاكر نفسك ايه؟
    إبن باشا والا بيه؟
    إنت حشره إبن حشره
    زى كل الناس دا هيَّ
    إنت واحد م القطيع
    تعيش ، تموت ، ما لكش ديَّه
    مطلوب تكون على طول مطيع
    وتنفذ كلام الكبار و الأوامر
    مش تجادل أو تكابر
    أو ترطرط بالكلام أو تعافر
    أو تفكر لحظه إنك لك نقابه
    راح تدافع عن حقوقك ف الحياه
    إنت مجنون ياعبده؟

    دا انت عايش فى وسط غابه
    فيها وحش كبير وكاسر
    وحش كافر، رأيه غالب
    له نِياب ، له مخالب
    تحت إيده فيه ديابه
    واللى زيِّى واللى زيَّك م الغلابه
    مفيش فى إيدهم أى سلطه أو أى جاه
    علشان نعَدِّى ف وسط أرضه أو نعارضه
    أو نقول له ف مره لا

    إنت مجنون ياعبده؟
    هىّ الحكومه عامله الشوارع
    للناس علشان يعدوا؟
    إنت مجنون ياعبده؟
    إسكندرانى

    26/12/2004

  2. #2
    عضو غير مفعل
    تاريخ التسجيل : May 2004
    المشاركات : 40
    المواضيع : 19
    الردود : 40
    المعدل اليومي : 0.01

    افتراضي

    نهاية مشوار بطل

    البطل قفل عيونه ف النهاية ونام
    وف إيديه اليمين بندقيه....
    وف الشمال غصن الزيتون رمز السلام
    وف قلبه العجوز حلم مات يوم ما مات
    واندفن جواه
    كان بيحلم بالصلاه
    ف رحاب الأقصى الشريف
    كان بيحلم بالرجوع لحضن عشه الأولانى
    زى سمان الخريف
    بس مين يقدر يحقق حلم رافضه العم سام

    ما عرفش أبداً مستحيل
    ماقبلش لحظه يعيش ذليل
    مشوار حياته كان طويل
    من بدايته لمنتهاه
    إتفقنا كتير معاه
    واختلفنا كتير معاه
    واختلاف الراى عادى...
    و هوّ ده طبع الحياه

    وف نهاية الكلام
    ألف رحمه ونور عليه
    ألف صحبة ورد ليه
    وف قلوبنا المشتاقاله
    ح تعيش آماله
    و نشيل له دايماً كل حب واحترام
    إسكندرانى

    24/12/2004

  3. #3
    عضو غير مفعل
    تاريخ التسجيل : Sep 2004
    الدولة : رحال فى صفحات العمر
    العمر : 58
    المشاركات : 114
    المواضيع : 11
    الردود : 114
    المعدل اليومي : 0.02

    افتراضي

    اقتباس المشاركة الأصلية كتبت بواسطة إسكندرانى
    موكب الوالى
    ( بمناسبة إعتداء الشرطة على الصحفى عبده مغربى بسبب محاولته عبور الشارع يوم 18/12/2004 )

    إنت مجنون ياعبده؟
    هىّ الحكومه عامله الشوارع
    للناس علشان يعدوا؟
    إنت مجنون ياعبده؟

    مش قالولك مَوْكب الوالى إتحرك خلاص
    مش قالولك إصبر شويه الزفه جايه ولا مناص
    من وقوفك إنتباه ع الرصيف
    ساعتين تلاته أوزياده
    فى انتظار تنفيذ أوامر السيادة
    بالعبور بعد ساعه من الوصول؟
    بقى هىّ دى تبقى الأصول
    إنك تعدى قدّام سعادته؟
    إنك تعكّر مزاج سعادته؟
    إنت مجنون ياعبده؟

    إنت أهوج أو عنيد ولا أهبل أو عبيط
    و الا مانتش م البلد دْى؟
    إنت ناسى بورسعيد
    واللى تم ف لحظه فيها؟
    لمّا نشوا من بعيد
    بالرصاص رجلين وراس
    المواطن البسيط
    اللى نشف يومها راسه وقام معَدِّى
    إنت مجنون يا عبده؟

    إنت فاكر نفسك ايه؟
    إبن باشا والا بيه؟
    إنت حشره إبن حشره
    زى كل الناس دا هيَّ
    إنت واحد م القطيع
    تعيش ، تموت ، ما لكش ديَّه
    مطلوب تكون على طول مطيع
    وتنفذ كلام الكبار و الأوامر
    مش تجادل أو تكابر
    أو ترطرط بالكلام أو تعافر
    أو تفكر لحظه إنك لك نقابه
    راح تدافع عن حقوقك ف الحياه
    إنت مجنون ياعبده؟

    دا انت عايش فى وسط غابه
    فيها وحش كبير وكاسر
    وحش كافر، رأيه غالب
    له نِياب ، له مخالب
    تحت إيده فيه ديابه
    واللى زيِّى واللى زيَّك م الغلابه
    مفيش فى إيدهم أى سلطه أو أى جاه
    علشان نعَدِّى ف وسط أرضه أو نعارضه
    أو نقول له ف مره لا

    إنت مجنون ياعبده؟
    هىّ الحكومه عامله الشوارع
    للناس علشان يعدوا؟
    إنت مجنون ياعبده؟
    إسكندرانى

    26/12/2004



    السلام عليكم ورحمة الله وبركاته

    اخى الكريم اسكندرانى


    انا معك تماما لازم فعلا فعلا عبدو يا خد بالو كويس وإلا................

    يبقى روحت ف توكر يا عم عبدو


    زجليه قويه ورائعه ذكرتنى برائعة عمنا نجم (كلب الست)

    سلمت يداك ودمت بكل خير

    محمد

  4. #4
    عضو غير مفعل
    تاريخ التسجيل : May 2004
    المشاركات : 40
    المواضيع : 19
    الردود : 40
    المعدل اليومي : 0.01

    افتراضي

    والله عبده يستاهل ياابوحميد....... هوّ اى شارع يبقى لنا؟

المواضيع المتشابهه

  1. موكب النور
    بواسطة د. سمير العمري في المنتدى فِي مِحْرَابِ الشِّعْرِ
    مشاركات: 62
    آخر مشاركة: 04-08-2019, 06:59 AM
  2. موكب النمل
    بواسطة خالد الجزار في المنتدى فِي مِحْرَابِ الشِّعْرِ
    مشاركات: 2
    آخر مشاركة: 20-07-2009, 11:00 PM
  3. حبّةُ مطرٍ في مَوكبِ حَنين !
    بواسطة منى الخالدي في المنتدى النَّثْرُ الأَدَبِيُّ
    مشاركات: 41
    آخر مشاركة: 04-02-2008, 05:46 PM
  4. موكبُ الشُّعَراءِ في خَيْمتي..!
    بواسطة د. مصطفى عراقي في المنتدى فِي مِحْرَابِ الشِّعْرِ
    مشاركات: 42
    آخر مشاركة: 18-03-2007, 07:47 PM