/
/
/
إتقو الله يا قضاة= واحكمو بعدل الإله
بكرة تحتارو فسؤاله = بكرة تتلاقو معاه
**********
حكمكو المقلوب خيانة = عدلكم فين والأمانة
ربكم شاهد وشايف =بيراقبكم في علاه
*******
إنتو فاكرينها قضية = في الوسية المنتهية
والرعية المستوية = راح تطاطي بعد آه
**********
قلتو صبر قلنا نصبر = ماحنا ياما صبرنا ياما
حكمكم طلع شيطانو= و ظلمكم مليون علامة
**********
وفرقابكم دم شهدا = هان بيشكي للرحيم
لو ولادكم كانو فيهم = كانت الضربة فصميم
**********
الأدلة تضيعوها = كل ورقة تحرقوها
دينكو فين راح تخربوها = والعدالة بتدبحوها
**********
الثقة فين يا خلايق = القضاة تاجرو بدمانا
اللي هيجب حقي باعه =والقضاة خانو الآمانة
**********
واللي ساكتين شامتنين = حتى لو رافضين معين
يا معين عالفاسدنين = دالعشم في ضمير أمين
********
شعبنا اتأدِّب كتير = كان فاكركم ليه سند
لكن اليوسف في بير = عرتوه وضهرو انجلد
*********
ربنا شاهد عليكم = تختموها ليه بنار
بكرة هاتقبلوه حقيقي = دكلام مفهوش هزار
*******
اثبتو بقلوب جريئة = وضحودالناس في ضيقة
في اللي مخلوع وفعصابته = إنطقو فين الحقيقة
********
شعبنا نادى الأمين= من قضاتنا المخلصين
هِمُّو لله م تسبونا = داوو ناسنا المجروحين
************
احنا حافظنا عليكم = مهما كان ظلم و تعسُّف
كنا فاكرين فيكو مخلص = صبرنا اتحول تأسُّف
*******
ارحمو مصر وشبابها = دمنا مغرق عتبها
دعوة المظلوم دي سهمه = انتو فرتطو فترابها
*********
واحد اسمه العادلي كان = إسألو رمل الميدان
يحكي ليكم فين شبابنا =راح هدر بإيدين جبان
*********
يحكي ليكو ورد بلدي = اللي زهر نور معدي
نور الدنيا بكرامته = و بصدوره العارية يفدي
*********
مين قتل او من حكمله = يهوى في النار من عمايله
مين ينافقه او يحايله = ينفلق وياه بجمايله
*********
دارت الأيام بناقة = قمتو وزعتو البراءة
ستة منهم فكتوهم = بالبجاحة والجراءة
*******
و السجون صبحت فنادق = للي قاتل واللي شانق
واللي حارق واللي خانق = أمركو اشتكناه لخالق
**********
ناوين لنا عل ايه يا قضاة = شعبنا المخنوق دا تاه
لما ظلمو بيجي منكم = وانتو للعدل الرعاة
***********
يا إله الإنسانية = شبعنا المدبوح ضحية
للعصابة والديابة = والقضاة و البلطجية
**********
لما يظلمنا بشر =نشكي للقاضي الهمام
طب دقاضينا غدر = نبكي لله الألام
********
يا قضاة مصر ارحموها = هاتلقيها منين لفين
انتقامها هيبقى قاسي= انتو ماشيين ليه براسين
********
الحقونا بحكم ثورة = يقتل التعبان بجمرة
يدفنو راح نهدا مرة = محكمة ثورةْ قضاة
*******
اللي عنده دين وخايف = من عقاب ربه اللي شايف
يفضح الفجار يكاشف = يا قضاة طوق النجاة
/
/
/
دمتم مبدعين