فن الطباع !!!!
فن الطباع
وش تبي مني محبة أعطي من قلبي وأزيد
وش تبي هجر وعتاب وفرقة (ن) عندي كمان
عندي قلب (ن) من حجارة وأقسى من طبع الحديد
وعنده لين (ن) ما يطوله قلب ام (ن) بالحنان
لا تريديني بهواكي العاشق الصب المريد
ولا تغصبيني الصراحة وتطلبي عهد وأمان
أنا من كيفي أهيم وأعشق وأبغى وأريد
ما يميلني غرور ولا يغيرني مكان
قلبي في قول الصراحة أبيض بلون الجليد
أملك لساني وطباعي وما اطلقلها بالعنان
جيت مرة في حزوني غايب بخلقي العنيد
وقام أبويا يختبرني وسبني عنف وهان
عدد أخلاق القطيعة كلها ماضي وجديد
وسب أصحابي وشيوخي وما حمى منهم لسان
قمت أنا أضحك وقللي فعلا بطبعك شديد
كيف تعرف تمتلكها وكيف ترمي بالسنان
فارس الشجعان يمسك أول بحبله الوريد
وقد ما يغلب خوي إن غلبته نفسه جبان
والغضب طبع(ن) ولكن حيطه برمي (ن) سديد
والكرم فلت حباله يستر أخلاق (ن) تبان
والحزن خله بقلبك ولا توريه البعيد
والفرح ساعة وساعة ولا تخليه الزمان
سافر بصحبت خويك تعرفه عند الشديد
عمر أصحاب العطايا ما أصل منهم حصان
ولا تقلبك العذارى في وحل قيح وصديد
ولا تقول إنك حكيم وتعرف بطبع الحسان
فتنة النسوان منها حذر الهادي الرشيد
وزلة الشاطر بعشرة وما يعدلها ميزان
إملك لسانك تملّك فوق شعار القصيد
صمتك يهيب فوارس ما يهيبهم سنان
واتقي توكل حرام وتظلم بحق العبيد
ما يجي قبل النصايب يتركك قبل الأوان
واطلب العزّة بدين (ن) تأوي في الركن الشديد
ومن رجى العزّة بغيره طاح في قاع الهوان
رد مع اقتباس
المشاركة الأصلية كتبت بواسطة فاتن دراوشة
