أحدث المشاركات

ليلةُ شَهْرَزَادَ الأخِير َة» بقلم د.نبيل قصاب باشي » آخر مشاركة: د.نبيل قصاب باشي »»»»» تَبَسَّمْ» بقلم محمد سمير السحار » آخر مشاركة: محمد سمير السحار »»»»» الغزال الذكي» بقلم جمال علوش » آخر مشاركة: أسيل أحمد »»»»» السيرة النبوية وإدارة الحياة» بقلم علاء سعد حسن » آخر مشاركة: ناديه محمد الجابي »»»»» ماالفرق بين الخشية والخوف والوجل؟» بقلم أسيل أحمد » آخر مشاركة: ناديه محمد الجابي »»»»» المَاسُوْنِيَّةُ وَهَيئةُ الحَرْبِ اللَّطِيْفَةْ» بقلم محمد حمود الحميري » آخر مشاركة: محمد حمود الحميري »»»»» بلا العرب (لزومية)» بقلم محمد خويطي » آخر مشاركة: محمد حمود الحميري »»»»» حوار مع ناقد» بقلم عبده فايز الزبيدي » آخر مشاركة: محمد حمود الحميري »»»»» واستشهد القمح نايا» بقلم محمد ذيب سليمان » آخر مشاركة: ناديه محمد الجابي »»»»» نسجل دخولنا بذكر الله والصلاة على رسول الله» بقلم عوض بديوي » آخر مشاركة: ناديه محمد الجابي »»»»»

النتائج 1 إلى 3 من 3

الموضوع: شوية كلام - من يوميات عاشق

  1. #1
    الصورة الرمزية فريد عبدالعزيز شاعر عامية
    تاريخ التسجيل : Mar 2007
    المشاركات : 370
    المواضيع : 79
    الردود : 370
    المعدل اليومي : 0.08

    افتراضي شوية كلام - من يوميات عاشق



    1
    دول شوية كلام لازم يوصلولك !
    ممكن تقولي عليهم ...شعر
    كلام يشبه الشعر
    ممكن تقولي : كلام عادي
    نثر
    بس في الأول
    و في الآخر
    و من غير ملام ...
    لازم يوصلولك

    2
    لو لسه بتقري اللي باكتبه
    لو لسه بتسمعي اللي بأقوله
    عايز أقولك : وحشتيني
    وحشتيني قوي
    وحشني خروجنا ، و كلامنا
    وحشني سهرنا ، و هزارنا
    وحشني ، حتى زعلنا
    و السهد و اللعب و الأكل و الشرب
    و الضحكة اللي كانت بتطلع من القلب
    لما كنا مع بعض !
    إحنا ليه اخترنا البعد ؟
    أما دنيا متاهة ، و بنت ......

    3
    عارفة ...
    أنا فـ مرة اتصلت عليكي
    من رقم غريب !!
    علشان أسمع صوتك اللي واحشني
    أسمعه ، و أقفل السكة !
    فضل رقمك يديني مشغول
    مشغول ، مشغووول
    قلت : أكيد بتكلمي حد غيري
    أنا دايما بتوقع الأسوأ
    و يمكن علطول
    مكتوبالي حيرتي
    على فكرة ...
    إنتي ربنا كرمك بالبعد عني
    عشان ترتاحي من شكي
    و من جنوني و من غيرتي !

    4
    زمان ، كنتي بتقوليلي :
    كل ما هتغير عليا أكتر ، كل ما هحبك أكتر
    لو بطلت غيرة ، هتحسسني إن فيه حاجة غلط
    و ان حسستني إن فيه حاجة غلط
    يبقى أكيد زعلان مني !

    و ساعتها هافضل أفكر ، و افكر
    و الأيام ، مش حتفوت
    علشان لو غبت عني
    أنا ممكن أموت
    سلامتك ،
    سلامتك من الموت

    5
    أي حد بيسألني عليكي بأقول له :
    بقت أحسن من غيري
    أصلا ، مينفعش حد يسألني عليكي
    و أقول له : معرفش عنها حاجة
    عارفة ليه بأقول كدا ؟
    لأني لسه بحبك ، و لسه بخاف عليكي
    و لسه بالنسبالي ، أغلى حاجة

    6
    بمناسبة الخوف ....
    اللي فاكراهم بيخافوا عليكي قالولي :
    سيبها تبيعك ، بصراحة انت مدلعها
    بكرة يجي واحد و يبيعها
    و لما يبيعها ، حترجعلك !!
    و ساعتها بس حتسمعلك
    و تخضعلك ، و تركعلك !!
    إنتي لسه مصدقة إن دول بيخافوا عليكي ؟
    لعلمك ، مافيش حد زيي ، و لا قدي
    و لا غيري ، بيخاف عليكي !

    6
    عايزة تقولي حاجة ؟
    لو عايزة تقولي حاجة .. قولي
    أكيد حاسمعك ، حتى لو من غير صوت
    أكيد حاسمعك ، حتى لو بسكوت

    7
    عارفة ...
    لما حد بيقول لي : ربنا ينولك اللي فـ بالك
    إنتي أول واحدة بتيجي في بالي
    مش قلة حيلة ...
    يمكن علشان من جواكي جميلة

    أصلا ، إنتي طول عمرك جميلة
    في بداية طريقنا ، كنتي جميلة
    و في نهايته ، كنتي أجمل
    و أجمل ، و مستحيلة

    8
    النهاردة حسيتها ...
    حسيت إني مفتقدك
    و حسيت إن فيه حاجة نقصاني
    و مش كل حاجة نقصاني باعرف أعوضها
    بالذات إنتي ....
    يا أكتر واحدة حبيتها

    9
    عمري ما صدقت الكلام اللي اتقال عليكي !
    و ساعتها قلت لك : اللي بيحبك بجد
    مش حيفرق معاه كلام الناس ،
    لأن كلامهم كره فيكي
    فمتشغليش بالك بحد
    لأني و الله العظيم
    كنت بحبك بجد

    10
    لما اتقابلنا صدفة
    و طلعتي محفظتك من غير سبب
    و فتحتيها قصادي
    برضه ، من غير سبب
    كنت فاكرك لسه شايلة معاكي صورتي
    و لكن ، يا للعجب !!

    11
    حاسس إن بيني و بين الناس سد
    كل دي أرقام على موبايلي ،
    و مش عايز أكلم حد ؟
    يجوز خايف انجرح
    يجوز مش مرتاح لحد
    أصلا ، معدش عندي أرقام
    لما بتظهر على موبايلي
    بضحك ضحكة هبلة
    و احس بقلبي ، عامل فرح

    12
    مالك ؟
    خايف حد غيري ،
    يجي و يقول لك : مالك ؟
    لأن دي الكلمة اللي لما كنت بأقولهالك
    كنتي بتترمي في حضني ، و تشكيلي حالك
    مالك ؟

    13
    يااااه ، إحنا ليه بقينا جاحدين قوي كدا ؟
    فين أيام زمان لما كنا بنلبي الندا ..
    و حاجات كدا و كدا و كدا !!
    زمان ...
    أول ما كنت أجي و اقول لك : طمنيني عليكي ؟.
    ألاقيكي بتقوليها : الأول ...
    حتى لو بعنيكي
    و ساعات ، كنا بنقولها : مع بعض !
    دلوقتي .... الطريق اتحول
    و من بعد الفراق و البعد
    انا و انتي ....
    محتاجين حد يطمنا على بعض !

    14
    غريبة ، صح ؟؟
    عموما ... مش حاطول عليكي
    و آخر كلامي ، بادعيلك ربنا يهديكي
    و تبقي زي ما انتي عايزة
    و تلاقي اللي يستاهلك
    و اللي يحافظ عليكي





    التعديل الأخير تم بواسطة فريد عبدالعزيز ; 05-05-2013 الساعة 12:32 PM سبب آخر: الخط

  2. #2
    الصورة الرمزية فاتن دراوشة مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,869
    المواضيع : 90
    الردود : 8869
    المعدل اليومي : 2.34

    افتراضي

    أعتقدها طالت أكثر مما ينبغي

    وباحت أكثر مما ينبغي

    رغم جمال مضمونها إلاّ أنّها كانت مباشرة جدا

    كما أنّها أتت كنثيرة ولم يحالفك الوزن بها

    دام ليراعك الجمال أخي

    مودّتي
    غبنا ولم يغبْ الغناء
    يا فاتن الأسحار حيّاكِ الربيع إذا أضاء


  3. #3
    الصورة الرمزية فريد عبدالعزيز شاعر عامية
    تاريخ التسجيل : Mar 2007
    المشاركات : 370
    المواضيع : 79
    الردود : 370
    المعدل اليومي : 0.08

    افتراضي

    اقتباس المشاركة الأصلية كتبت بواسطة فاتن دراوشة مشاهدة المشاركة
    أعتقدها طالت أكثر مما ينبغي

    وباحت أكثر مما ينبغي

    رغم جمال مضمونها إلاّ أنّها كانت مباشرة جدا

    كما أنّها أتت كنثيرة ولم يحالفك الوزن بها

    دام ليراعك الجمال أخي

    مودّتي
    دي نصوص نثرية
    مش مرتبطة بقافية و لا بوزن
    عموما انا نشرتها بغرض مناقشة النص
    مع الاصدقاء الاعزاء بالواحة
    شكرا على المرور و التعليق يا فاتن

المواضيع المتشابهه

  1. يوميات عاشق متجول ..
    بواسطة عبدالغني خلف الله في المنتدى القِصَّةُ وَالمَسْرَحِيَّةُ
    مشاركات: 11
    آخر مشاركة: 06-04-2015, 11:12 AM
  2. *على الحاجِزِ العَسْكريّ * (مِنْ يوميّات فلسطيني شاعرْ)
    بواسطة عمر زيادة في المنتدى الشِّعْرُ الفَصِيحُ
    مشاركات: 22
    آخر مشاركة: 12-03-2009, 05:29 AM
  3. شوية حاجات
    بواسطة فدوى فكري في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 16-12-2008, 12:15 AM
  4. :::( إكبر شوية ):::
    بواسطة فريد عبدالعزيز في المنتدى أَدَبُ العَامِيَّة العَرَبِيَّةِ
    مشاركات: 4
    آخر مشاركة: 23-05-2007, 07:42 PM
  5. شوية وجع ..
    بواسطة أحمد فؤاد في المنتدى أَدَبُ العَامِيَّة العَرَبِيَّةِ
    مشاركات: 49
    آخر مشاركة: 21-01-2006, 05:47 PM