لسة عارف إيه حقوقنا؟
ولاّ واكلاها البارومة؟
ولاّ فاكر إن حق الشعب
مايجيش غير بشومة؟
-طب وييجي ازاي .. ماتشرح!
-ييجي لما الشعب يطرح
ناس بتعْرف تنزع النار م الخُصومة
مهما تلمح فوق شاشات العرض بُومة
-آه فهمتك..
يعني اخلي الناس تشوف جُوّايا همة
تخدم الفكرة العظيمة
-آه.. ساعتها
إما تصبح أغلبية ف قلب مجلس
يملك التشكيل ويؤمر
إما ماتقوملكش قومة
لو هتقدَر>> قوم وشَرّع
يالاّ خش البرلمان هات حق شعبك
-من عينيا
-لأ يا فالح م الحكومة!