أحدث المشاركات
النتائج 1 إلى 5 من 5

الموضوع: محبوس

  1. #1
    الصورة الرمزية محمود موسى شاعر
    تاريخ التسجيل : Jun 2006
    العمر : 35
    المشاركات : 835
    المواضيع : 169
    الردود : 835
    المعدل اليومي : 0.16

    افتراضي محبوس

    مُهَدّدْ تاني بالسرقة
    لأن الشهر ع الأبواب
    كأن الصوم ده ترفيهي..
    وتضييع وقت
    وجيّ بجدْوَل الألعاب..
    ومن قبل الشِّيطان ما يدُوس
    قعَد ويّا التلامذة اتلمّ فطّمْهُم
    وساوَى الرُّوس
    ما بين الإنسي والجنّي
    بتجْمعْهُم ومِن دلوقتي نِيّة وْمُخْلِصة يكونوا
    علينا لصوص..
    أيادِيهُم بخِفّة تشِدّ خِيط النَّظْْرة والنظرة
    لا تلْحق في الكتاب تقرا
    ولا ف صفْحة يكون ملموس
    وتصطاد الخلاف بين أخ واخواته
    وتستَنّى ؛ خناقة تهَدّي فيها نفوس
    فتتفَرّج على كيد البَشَر تلْقى
    كأن لا ساعة مفترَجَة
    ولا إنّ البعيد محبوس
    وتتمَشّى في قلب الحي تلْقى طابور
    بيتحجج معالي موظف الدايرة
    يقول سامحوني قال صايم
    فتتعطل مصالح ناس
    كأن الهم ع المِعْدة
    يسيب الناس هناك قاعدة
    وينْفخ ويّا كام بَصّة على الساعة
    ويفْضل صومُه شمّاعة..
    يحط عليها تقصيرُه
    وضاع اليوم!
    وتتفرج في شارع ماتْلاقيش سوّاق
    بيرحم خلْق أخلاقها
    تكُون في السكّة معجونة بميّة هَمّ
    و ع السكّة دي مش قادرين
    ولو تركب معاه تزهق
    وتحرق همّها على داير البنزين
    وآه لو تدْخل الأنفاق
    مع المترو اللي عمره ما راق
    وصورة مصغَّرة من الصدّ والإقصاء
    دماغك لو سمَحْت يا ريت/
    -إيديك حَبّة
    - سايبهالك
    ونازل قبل ما تكَمّل يا سيدي حدايق القبة
    - تدايق مين؟
    ولآ تِقْدر
    - سيبولي الواد ده يترَبّى/
    يا ستي الحَلّة بتنقّط.. هاتيها يمين!
    -تنقط إيه؟ يا شيخ كُبّة!!/
    يا كابتن والنبي موبايلك
    كفاية الصوت هيعْييني
    - صداع.. أصل العِدَدْ صيني/
    سعادتك نازل الجيّة؟/
    يا سِيدي الشنطة، رجْلَيّا !/
    ألو.. ماما؟
    خلاص فاضل محطة واكون خلاص عندك/
    ينُوبك بس يابني ثواب
    تقعّد ستّك الحَجّة
    - خلاص قصّر . . بلاش تماحيك
    - ما تتكلم عِدِل لافطر يا عم عليك!
    - خلاص يا اخوانّا ماتصَلّوا على الهادي
    - علِيه أفضل صلاة وسَلام/
    معايا اللزق يـــــا حَضَرات
    جنيه واحد وبتكلّم يا باشا بجد..
    متين جدًّا
    ويلزق شنطة يلزق جزمة
    أقوى من الأمير وأشدّ
    -كفاية يا عم صدّعنا/
    سيادتك نازل الجيّة؟
    - لأ اتفضّل
    - بسرعة المترو راح يفْتح/
    يا عم الحج ما تفتّح!/
    جريدة إيه دي لو تسمح؟
    - ماهيش فارقة
    مادام قاتل هيتبرّأ
    ومجلس منتخب يتحَل
    دا بيقول لك يخَلّوا المخبرين بدْقُون
    ومات الشعب من هَمُّه
    -وإيه تاني؟
    -وفي الدستور لقيت مادة
    معاها يَجَوّزوا العيّل في بطن امه/
    -ماحدّش يعْرف الساعة؟
    -فاضل لك ع الفطور ساعة
    -يادوبك ألحق الفوازير/
    أذان/إفطار/ وأللّهمَّ لكْ صُمنا/
    هاتولنا الفيلم واستنّوا
    عشان بعده المسلسل جاي/
    هاتولي الحِلو ويّا الشاي/
    مع الفاصل نشوف حتّة
    نكمّل ع المسابقة بنُصّ برنامج/
    هتَابع كل دُول ازاي؟/
    خلاص حمّل لي م الموقع/
    بجمْلة ذنبنا المكتوب
    كأني بجد مستكفِي
    وم التَّقوَى اللي بتقطَّع في بعضيها
    ناقصني ذنوب/
    مانيش لاحق..
    كمان حَمّل..
    دانا مأجّز يومين مخصوص
    وشايف إبداعات في الكَرْوَتَة القاضْية
    على الوقت اللي مش بفلوس
    وضاع الشهر بالجملة
    برغم ان الشِّيطان محبوس!
    برغم ان الشِّيطان محبوس!
    برغم ان الشِّيطان محبوس!
    facebook.com/mousapoet

  2. #2
    مشرفة عامة
    شاعرة

    تاريخ التسجيل : Jul 2009
    الدولة : palestine
    المشاركات : 8,891
    المواضيع : 91
    الردود : 8891
    المعدل اليومي : 2.24

    افتراضي

    هههههههههههه

    شرّ البيّة ما يضحك

    من كثرة ما نواجه من تناقضات ومفارقات باتت حياتنا ملهاة

    ولم نعد نميز الخبث من الطيّبات

    كلمات لاذعة لامست الجرح

    دمت بودّ مبدعنا
    غبنا ولم يغبْ الغناء
    يا فاتن الأسحار حيّاكِ الربيع إذا أضاء


  3. #3
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    الله الله
    ابدعت كما انت دوماً
    كلمات جميله ونبض راقى ساخر فريد
    صوره من واقعنا اجدت فى رسم الرتوش وتقريب المعنى والمضمون
    القصيده للتثبيت جمالا وابداع
    تحيتى لك شاعرنا الفاضل
    وكل عام والامة الاسلامية بخير
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  4. #4
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.45

    افتراضي

    ساخرة ساحرة الحرف أضحكتني بمرارة واقع أبدعت في رسم معالمه
    شكرا لك شاعرنا الفاضل هذا الجمال
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    كأني بجد مستكفِي
    وم التَّقوَى اللي بتقطَّع في بعضيها
    ناقصني ذنوب/
    مانيش لاحق..
    كمان حَمّل..


    قصيدة رائعة حملت معان كثيرة متعاضدة وكاني أمام فلاشات من كل نوع
    سياسي و اجتماعي واخلاقي و ثوري
    رائع اخي محمود
    دمت رائعا

المواضيع المتشابهه

  1. محبوسٌ سنة ....!!
    بواسطة سلطان السبهان في المنتدى الشِّعْرُ الفَصِيحُ
    مشاركات: 18
    آخر مشاركة: 21-05-2007, 01:05 AM
  2. قصة قصيرة :- محبوس فى زنزانة بِرحة
    بواسطة سامح عبد البديع الشبة في المنتدى القِصَّةُ وَالمَسْرَحِيَّةُ
    مشاركات: 4
    آخر مشاركة: 02-07-2006, 11:54 AM