>> .. لــيــه يــــا بــلــد ..<<

ليه يا بلد كل ناسك طيبين
ليه مبيقلوش غير أمين
للحاكم الظالم وللخاينين
الى بقوتنا وأموالنا سارقين
واحنا بالعيش الحاف راضين
ليه منقولش لأ للظالمين
الى فى البلد ديمآ خاربين
ليه هما فى قصور نايمين
واحنا فى الشوارع قاعدين
ليه هما فى المليارات تايهين
واحنا ملاليم مش لاقين
نجيب بيهم رغيفين ناشفين
نوكل بيهم عيالنا الجعانين
مع ان فيهم دكاتره ومهندسين
من الكليات متخرجين
لكن على القهاوى قاعدين
وللوظيفه ديمآ منتظرين
وعلى الارصفه شغالين بياعين
كل حاجه بجنيهين
نفسى أصلح كل الى كان
نفسى احاكم كل الى خان
نفسى ارجع كل شىء زى زمان
كان الطب حلم كل انسان
والهندسه والصيدله كمان
مش زى ما بقينا الأن
بقى كل واحد نفسه يبقى زى فلان
واحد لاعب والتانى بتاع الحان
خساره وألف خساره عليك يازمان
زمان السجاره والنت والادمان
وكل شىء بقى كلشن كان
وكل ده لأننا نسينا الرحمن
الى رحمته موجوده فى كل مكان
والفاتحه على روح الانسان
الى كان انسان زمان
لكن دلوقتى بقى ديب جعان
وعمره ما نام فى يوم شبعان
والقوى فى الضعيف طمعان
وتغيرت كل طباع الانسان
من الخير للشر والعدوان
###############
مع تحياتى
الشاعر الشاب
أحمد دفاع

أهلا بك وبحرفك الرّاقي بيننا في واحة المحبّة والخير والإبداع أخي

صرخة عالية للمطالبة بإعادة الأمور إلى ميزانها ونصابها

أظنّها تتبع لقسم العاميّة لذا سأرافقها إلى القسم المخصّص لها

مودّتي

صرخة انطلقت بـ " لا " ولن تعود حتى يعود الحق وتنصر المظلوم
شكرا لك أيها الرائع
ومرحبا بك في واحتك
تحاياي

أشكر حضراتكم جميعا على المرور الجميل على كلماتى البسيطه
أنا ليس سوى تلميذ اتعلم من خلاصة كلماتكم الجميله
وأرتوى من فيض مشاعركم النبيله

تقبلوا خالص تحياتى
الشاعر الشاب
احمد دفاع

واقع مؤلم يا أحمد
المحاولة جميلة فى معانيها
لكن تحتاج إلى تفعيل الشعر العامى بها
المشكلة تكمن فى تضييق المحاولة بالقافية
و دا بيؤدى لاستهلاك الكلمات فقط
دون مرعاة للتعابير و جماليات الصور و التركيبات
بإذن الله أقرأ لك الأفضل
كل التحية
و
إلى لقاء

اهلاً شاعرنا الفاضل بك فى واحتك
ونتمنى من الله ان يطيب لك المكوث بيننا
انا لا ازيد عما قاله اخى محمد عبد القادر
سوى اننا جميعاً بدائنا هكذا ثم مع القراءة الجيدة والمزيد والمزيد من المحاولات بدائنا نتعلم ومازلنا
نص وبداية موفقه اخى الكريم
تحيتى
وبالتوفيق