أحدث المشاركات
صفحة 1 من 3 123 الأخيرةالأخيرة
النتائج 1 إلى 10 من 23

الموضوع: مجموعة (خليك مصدق)

  1. #1
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي مجموعة (خليك مصدق)

    هناك في المواقع المجتمعية الفيس بوك وتويتر و يوتيوب
    حملة اعلامية بالفيديوهات لمجموعة شباب للتعريف بما يجري في مصر
    بصورة جميلة وودية و تجعلك تفكر بشكل منطقي
    هذه الحملة منذ فترة ولكنها اوحت لي بعمل ابداعي بنفس الاسم
    لعله يكون مجاراة او عون لتعريف الناس الحقائق بطريقة فنية سهلة وسلسة وبسيطة
    تدعو للتفكير وليس للتناحر
    اول القصايد
    وان شاء الله تاتي في تتابع يعني في نفس المتصفح هذا


    خليك مصدق =1=

    خليك مصدق
    كدب من قلب البلد
    خليك مصدق
    ان الاسلام ارهاب بجد
    في يوم وليلة
    مرة واحدة ظهر اتولد
    خليهم يشتمو دينك
    باعلام اعار وبيهينك
    اديهم ودانك مع عينك
    وانزرع زي الوتد
    امتى اخدت خبر بصحيح
    من ناس تدلس بالتجريح
    وناس بيادة تمشيهم
    في بقهم بلجام ابليس
    خليك مصدقهم وامشي
    ان الشهيد دا قتل نفسه
    صنع رصاصة من عضمه
    وغرسها في قلبه وفجسمه
    لو كان في رابعة العدوية
    سلاح متقولي ودوه فين
    الدم سال منها انهار
    و اللحم مهروس عالصفين
    محروق ابوك ياغباء سيبنا
    كنا هناك والمولى معين
    خليك مصدقهم خلي
    و قانون الهي عليك يمضي
    ظالم ومين يرضي الظالم
    هتصيبه لعنة عليه تقضي
    النصر والله هدية
    من ربنا للشرعية
    من بين شكوكنا جاي اوام
    بس الثبات عالثورية
    /
    /
    /
    من اراد المشاركة فبها ونعمت حتى ولو بالرأي المخالف المهم يكون بشكل مؤدب ومهذب
    دمتم احرار مبدعين
    التعديل الأخير تم بواسطة محمد كمال الدين ; 25-09-2013 الساعة 08:45 PM سبب آخر: تعديل العنوان بناء على طلب الشاعر

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    خليك مصدق =2=

    خليك محدق ومصدق
    ان العدو دخل دارنا
    وساب حدودنا وجاه زارنا
    والجيش بتاعنا بيفدينا
    تسهر عيونه ويحمينا
    يقطع ادينا ويدينا
    جرى دمانا و قطعنا
    عشان نعيشله ويحيينا
    خليك مصدقهم واعمى
    عمى القلوب اللي بيلزق
    لا تلاقي توبة ولا رجعة
    و تموت بجهلك في المزنق
    اعمل عينك كدا نضارة
    واطبخ ضميرك (ببصارة)
    او اقول مترميه في الحارة
    تدوس عليه كدا بيادتهم
    و يأصلو شرعيتهم
    خطفو رئيس جاي بالصندوق
    كأن مصر دي عزبتهم
    والله حتى دي لو عزبة
    وخطفو رئيسها بالقوة
    لقام لنصرة عمدتهم
    رجالة بشهامة وعزوة
    خليك مصدقهم لكن
    في الاخرة ربنا هيحاسبك
    متقولشي وانا ايه كان ذنبي
    مافي حد في الاخرة يعاتبك
    لآنك انته بقيت منهم
    و الناس دي ماتت وبسببك

    خليك مصدق

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    خليك مصدق(3)
    خليك مبرَّق ومصدق

    الواد داهو ابو حمالة
    ابو شنطة قمطة على كتافه
    ارهابي قال ايه برياله
    قبض عليه قبل ما شافه
    ملو المدارس خيبهم
    لكن دا جيشنا قوي صاحيلهم
    هيقفل الفصل ويقعد
    و يحط كلبوش في رجولهم
    عشان ايديهم ضعفانه
    الساندويتشات رامينها
    وبياكلو شيبسات ولبانة
    كارهين عساكر بتخونها
    حطو فشنطهم نبلاية
    وكمامات ويا بصلهم
    وبيقلوبوهلنا حكاية
    الحق دي كاميرا تصورهم
    هنحط في المنهج حكمة
    وكلام يعدينا الازمة
    ان الرئيس اللي انتخبوه
    ملوشي للعسكر لازمة
    ومصر تمشي ببيادتهم
    تلحسها هتحل الازمة
    وانسو شهيدكم دا شهيدنا
    قاتلينو هيروح الجنة
    بنحبكم نضرب نخبط
    عشانكو هنموت روحنا
    راح نلغي عقل اللي يفكر
    ونحط فيه ستين طوبة
    ونحرر الشعب نعسكر
    عدله هتمشي ومقلوبة
    ام جالهم الواد تيتو حتة
    عيل صغير يعجبنا
    جمع تلامذة مدرسته
    رفع اشارة ورفعنا
    الرابعة في القلب يا عسكر
    و مصر مش حتى معسكر
    روحو لحدودكم فاروقنا
    دا شعبنا لا لن يقهر
    ودي مصر مصر هتتحرر

    العسكري ابو دبورتين
    رمى عليه كم قنبلتين
    لأه و خرطوش و غازاتو
    مرجعش ضرب الحي كمان
    مرجعش راح في خبرا يا ما كان
    استشهد الواد بشهامته
    و الدم غرق برايته
    كراسة الحصة في ايديه
    وتهمته كات ببراءته
    كاتب عليها انه هيسقط
    حكم العساكر وبيادته
    خليك مصدقهم اوعى
    تجيلك الشفقة تعينا
    الواد اصله دا نجاسة
    مسحوه دا طلع لنا عينا
    عساكرنا يا ناس غلبانة
    شيقانة فعلا تعبانة
    من روضة ولجامعة لمعهد
    شغلانة سودة وخربانة
    وحدودنا يا سلام دي نضيفة
    وقفو عليها الحريفة
    صهاينة ساعدو ورجالة
    في المحنة مش عايزة قوالة
    لو حبو سينا هنديلهم
    كسرين عنينا اه بجميلهم
    لو عازو ان نبيد غزة
    علطول اسودنا تلبيلهم
    بنحارب الارهاب مع بعض
    دول ولد عم وعرض العرض
    الهي يحشرنا معاهم
    في الجنة لو حتى جهنم
    طالما احنا و احبابنا
    دي نارنا حتى تصير مغنم
    وقائدنا أمه صحيح منهم
    اخوال و عزوة بتوراتهم
    لا ثورة بقى ولا لوي دراع
    مش محتاجين امراض واوجاع
    خلينا نرضي اسيادنا
    فلفل قلوب كدا حسادنا
    خليك مصدقهم يا با
    هيحررونا بمعتقلات
    و يأكلونا فتات عيشهم
    بعد ما يغروقو في اللذات
    خليك مصدق وادعيلهم
    اصل اللي اختشى قالو دا مات



    يتبع ان شاء الله

  4. #4
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    السلام عليكم ورحمة الله وبركاتة
    اولا احب ان ابارك افتتاح متصفحك الرائع "خليك مصدق " وبأذن الله كلنا معك
    ثانيا عايزك تدعى معايا على اللى قع الكهرباء لانى كتبت هنا ارتجاليه طويله من وحى كلماتك الرائعه وعلى نفس النهج
    الا ان الكهرباء ابت الا تكتمل قبل اضافة التعليق
    ساعود قريباً
    كن بالعلا ابدا
    وبالتوفيق
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  5. #5
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    اقتباس المشاركة الأصلية كتبت بواسطة محسن البدراوى مشاهدة المشاركة
    السلام عليكم ورحمة الله وبركاتة
    اولا احب ان ابارك افتتاح متصفحك الرائع "خليك مصدق " وبأذن الله كلنا معك
    ثانيا عايزك تدعى معايا على اللى قع الكهرباء لانى كتبت هنا ارتجاليه طويله من وحى كلماتك الرائعه وعلى نفس النهج
    الا ان الكهرباء ابت الا تكتمل قبل اضافة التعليق
    ساعود قريباً
    كن بالعلا ابدا
    وبالتوفيق
    اخي الكريم المبدع الطيب الشاعر محسن البدراوي
    اشكرك اخي لروحك العالية و اعانتك الحق والبحث عنه
    و اعتذر اني كنت سبب قلقك ولكن الله يقصم ظهر الذي يقطع الكهرباء امين
    اشكرك اخي و معنا ومع الاحرار ننسج نهجا لثورة الكلمة الحرة
    دمت حرا مبدعا
    ننتظر اسهاماتك

  6. #6
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    خليك مصدق الكلام
    وامشى ورا أفعال الخسيس
    قتل فى شعبه بدون سلام
    ومن أمتى كان دمى رخيص
    بحلق بعينك يا همام
    واسمع كلام خالتك لاميس
    اياك تكدب لافتراء
    واشرب كمان (جوانين) حشيش
    خليك مغيب فى زمان
    الطفل عافر وكان حسيس
    مرضيشى ابداً بالمهان
    ومات عريس يوم الخميس

    خليك مصدق كدبهم
    زيف حقائق زيهم
    تجار ديانه بطبعهم
    ارهاب بيحكم عقلهم
    واوعى تفكر او تقول
    ان السجون
    لمت دكاتره منهم
    علماء وخبرا ف شغلهم
    واوعاك تفكر انهم
    عون للغلابه ف حيهم
    خليك مصدق انهم
    ارهاب ولازم نحشهم
    خليك مصدق كدبهم

  7. #7
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    الله الله الله عليك
    اخي محسن رائع وجميل
    زجال وشاعر اصيل
    خليك مصدق (4)
    خليك مصدق بوم وعشش نخلنا
    البوم فيوم لقى الحمام عمال بياكل رزقنا
    ورغم ان البوم تبع و حمامنا كان هو الرئيس
    قلب عليه كل الوجع خطفو متعرفشي الهويس
    وجاب معاه كم نسر واكل جثته
    وياه مخالب اه وعقارب وجحوره تعرف حيته
    لفو على الزغلول لغم يمكن يسلم عشته
    مخافش منهم البطل وصاح في أهله وغيته
    الحق انا ثابت عليه و دافعو ظالم يحرته
    قام الحمام جوا الزمام بهجوم مباشر واعتصام
    فلفل فلول البوم أوام لما الفضيحة عمته
    خاد النسور ويا التعالب ودبحو شوف عملته
    لكنّ باقي الغي قام صحا لسواده و فعلته
    اكل حبوبهم كلها و قطع العيدان سهام
    لفلف حبال من زغب طيره وعملو للبوم الزمام
    البوم يقاوم حبلهم والنسر سابو بمعركة
    مقدرش عاكوام الحمام لفولو حبل المشنقة
    قتلوه وبعديه علقوه على شجرة ناشفة معروقة
    بقى عبرة دايما للي فاكر قوته راح تنجده
    وتركع الاحرار و غيات الحمام تبطل زقزقة


    نتية سريعة يارب تعجب

  8. #8
    الصورة الرمزية عصام سامي ناجي قلم مشارك
    تاريخ التسجيل : Feb 2012
    المشاركات : 123
    المواضيع : 17
    الردود : 123
    المعدل اليومي : 0.04

    افتراضي

    خليك مصدق وأوعي تسمع أي حد

    خليك مصدق إننا أرهاب بجد

    بس لما أخوك يموت

    أوعي تنسي أنك أنت

    إللي فضلت السكوت

    لما شوفت أحلام بلدنا في التابوت



    ومضة بسيطة اخي طنطاوي ولي عودة أن شاء الله

  9. #9
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.30

    افتراضي

    اقتباس المشاركة الأصلية كتبت بواسطة عصام سامي ناجي مشاهدة المشاركة
    خليك مصدق وأوعي تسمع أي حد

    خليك مصدق إننا أرهاب بجد

    بس لما أخوك يموت

    أوعي تنسي أنك أنت

    إللي فضلت السكوت

    لما شوفت أحلام بلدنا في التابوت



    ومضة بسيطة اخي طنطاوي ولي عودة أن شاء الله
    ومضة لكنها معبرة وواضحة رائعة اخي الكريم
    المبدع عصام ناجي
    ننتظر بعد القطر المطر
    رائعون
    هيا يا احرار يا ابطال القلم والابداع
    خليها مجموعة هنا وننقلها بالتتابع على الفيس والتويتر ان شاء الله تعالى

  10. #10
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    خليك مصدق ان وطنك لسه فيه مكان فسيح
    خنقوا الزمام ف طلتك وصوت بينبح مش مريح
    والكلمة عادة حشرجة ف الزور بتخرج بالدبيح
    حرقوا الحقيقة مع الجثث وقالوا كدب ومش صحيح
    والصورة فيها المقصلة ورصاص وغاز وصوت فحيح
    وناس بترقص ع الجثث تعظيم سلام جيشنا مليح
    خليك مصدق كدبهم بكرا الحيطان عليك تطيح
    ولا تسلم انت بمكرهم وطنك خلاص ف مهب ريح


    اعتذر عن بعض الاخطاء
    كتبتها ارتجالية على عجل
    تحيتى للجميع

صفحة 1 من 3 123 الأخيرةالأخيرة

المواضيع المتشابهه

  1. خليك ف حالك
    بواسطة راضي الضميري في المنتدى أَدَبُ العَامِيَّة العَرَبِيَّةِ
    مشاركات: 12
    آخر مشاركة: 28-04-2013, 08:29 PM
  2. أخطر سر عن أحادث 11 سبتمبر...هل من مصدق؟
    بواسطة ماجدة ماجد صبّاح في المنتدى الاسْترَاحَةُ
    مشاركات: 11
    آخر مشاركة: 26-10-2008, 06:27 PM
  3. خلّيكَ في منفاكَ
    بواسطة عادل العاني في المنتدى الشِّعْرُ الفَصِيحُ
    مشاركات: 31
    آخر مشاركة: 01-04-2007, 07:56 AM
  4. خلّيِكَ في منفاك ، للشاعر ( يحيى السماوي )
    بواسطة حوراء آل بورنو في المنتدى الشِّعْرُ الفَصِيحُ
    مشاركات: 4
    آخر مشاركة: 02-09-2006, 07:55 PM