أحدث المشاركات
النتائج 1 إلى 3 من 3

الموضوع: مونولوج غلا غلا

  1. #1
    قلم منتسب
    تاريخ التسجيل : Dec 2013
    المشاركات : 9
    المواضيع : 2
    الردود : 9
    المعدل اليومي : 0.01

    افتراضي مونولوج غلا غلا

    غلا غلا
    كل الحياه متكعبلا
    غلا غلا
    عايشينها آخر بهدلا
    غلا غلا
    إسمع وركز يا ولا
    ..............
    اللحمه عالصحه . خطر
    والعدس موصوف فى المطر
    ولو دراعك يوجعك
    ملهوش علاج غير يتبتر
    ونحل أصل المسأله
    غلا غلا
    .
    والبت فايزه واختها
    ياعينى مايل بختها
    ولافيش عريس يوم راح لها
    أصل الجهاز مش عندها
    والحاله زفت وقندلا
    غلا غلا
    .
    والواد عشان جاب بنطلون
    شهرين يسدد فى الديون
    بياع ومش لاقى الزبون
    وموظفين صابها الجنون
    والكل عايش دنجلا
    غلا غلا
    .
    والشعب كله اتغذى فول
    مفعوله سحرى على العقول
    تطلب يمين . يديك شمال
    وتقول طلوع . تلقا النزول
    والشعب ساق الهرتلا
    غلا غلا
    .
    حليب ما عدنا بنشربه
    وكبيرنا بس نجربه
    وام العيال . لو جوزها قال
    لفيلنا محشى بتضربه
    والغدوه تقلب مشكله
    غلا غلا
    كل الحياه متفشكلا
    غلا غلا
    وبالهموم متشكله
    غلا غلا
    الله فى عونك يا ولا

  2. #2
    شاعر الصورة الرمزية محمد كمال الدين
    تاريخ التسجيل : Jun 2012
    الدولة : في ملكوت الله
    العمر : 31
    المشاركات : 1,494
    المواضيع : 85
    الردود : 1494
    المعدل اليومي : 0.76

    افتراضي

    قصيدة جميلة مكتملة فكرا ومعنى
    لك خالص تقديري والتحايا

  3. #3
    عضو الإدارة العليا
    أمينة سر الإدارة
    أديبة
    الصورة الرمزية آمال المصري
    تاريخ التسجيل : Jul 2008
    الدولة : Egypt
    المشاركات : 23,575
    المواضيع : 385
    الردود : 23575
    المعدل اليومي : 6.98

    افتراضي

    لخصت الواقع في مونولوج جميل متناغم ناضج الحرف والفكرة
    شكرا لك تلك المساحة الجميلة
    ومرحبا بك في واحتك
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. مونولوج
    بواسطة عمر علوي في المنتدى القِصَّةُ وَالمَسْرَحِيَّةُ
    مشاركات: 11
    آخر مشاركة: 17-12-2016, 08:41 PM

HTML Counter
جميع الحقوق محفوظة