أحدث المشاركات
النتائج 1 إلى 3 من 3

الموضوع: تصريح

  1. #1
    قلم منتسب
    تاريخ التسجيل : Jan 2013
    المشاركات : 63
    المواضيع : 19
    الردود : 63
    المعدل اليومي : 0.04

    افتراضي تصريح

    تصرح

    قلولى قبل ما اموت
    لازم اجيب تصريح
    علشان اموت مرتاح لازم
    اجيب تصريح
    وعشان اعيش مرتاح
    لازم اجيب تصريح
    دا حتى دوا الاجراح
    لازمه يا ناس تصريح
    قفلوا على حلمي
    وضيعوا المفتيح "
    "
    حب الوطن ورقه
    روح الوطن ورقه
    ادخل بكام ورقه
    واطلع بكام ورقه
    واللى اتحبس ورقه
    واللى اطلق ورقه
    وشريفنا شاف سرقه
    فكتبها ع الورقه
    وشعارنا بقى فرقه
    مكتوبه على ورقه
    وحياتنا يا حرقه
    واللى اتحرق ورقه
    والناس بقت عايشه
    لقياش ولا ملقه
    يرحل رائيس ورقه
    يركب رائيس ورقه
    والانتخاب طبخوه
    بردو بكام ورقه
    ودستورنا هيحطوه
    بردو فى كام ورقه
    والشرع هيهدوه
    بردو بكام ورقه
    ومن ورقه للورقه
    محتاج جنيه ورقه
    محتاج ضمير صدقه
    محتاج لمية ورقه
    علشان اجيب ورقه
    يا بلادنا يا ورقه
    عايمه على مرقه

    ندفع فلوس نتهان
    نقبض فلوس نتهان
    طب ما اتقلولى ليه
    بتكرهوا الانسان
    خايف عليكِ
    .."عميل "
    بايع هواكِ
    .."جبان "
    والحق مش لينا
    الحق للسلطان
    ابو بندقيه وجيش
    وقصر الحراسه ببان
    الارض تكره ريحتهم
    والمشيه بالددبان
    واحنا الفقارى يا ناس
    مين يسمع الغلبان
    ندفع فلوس نتهان
    نقبض فلوس نتهان
    احنا فى غابه يا ناس
    و"الفاتحه"ع الاوطان

    "
    كل الطرق تاهة
    والنور قطع ولا جاش
    والسرقه ليها دروس
    فاسمع ولا تنساش
    والضحك فيا انقتل
    رغم انه عمره ما عاش
    بختك يا زهرة بلدنا
    فزت انت بالصحبه
    اصل الشهاده حظوظ
    والجنه مش ببلاش
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    "

    "
    "#كلمات
    #رائدالملك
    عَـلَى قَـدرِ أَهـلِ العَـزمِ تَأتِي العَزائِمُ وتَــأتِي عَـلَى قَـدرِ الكِـرامِ المَكـارِم

  2. #2
    أديبة الصورة الرمزية سمر أحمد محمد
    تاريخ التسجيل : Feb 2013
    المشاركات : 993
    المواضيع : 85
    الردود : 993
    المعدل اليومي : 0.58

    افتراضي

    يا بلادنا يا ورقه
    عايمه على مرقه
    يا ريتها عايمة على مرقة

    بلدنا عايمة على بحيرة من الدم

    سلمت يمنيك اخي

    لك مني كل التقدير

  3. #3
    عضو الإدارة العليا
    أمينة سر الإدارة
    أديبة
    الصورة الرمزية آمال المصري
    تاريخ التسجيل : Jul 2008
    الدولة : Egypt
    المشاركات : 23,575
    المواضيع : 385
    الردود : 23575
    المعدل اليومي : 6.98

    افتراضي

    تصريح ربما لم يعد لها مكان في قاموس البلد .. دفنوا خمسة وثلاثون شهيدا مجهولي الهوية بعد مرور أكثر من خمسة شهور على مذبحة رابعة نقلا بعربة بضائع دون تصريح أو حتى صلاة جنازة
    وكأنهم حيوانات نافقة .. حسبي الله ونعم الوكيل
    شكرا لك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. تصريح العمل ---- قصة قصيرة
    بواسطة الطنطاوي الحسيني في المنتدى القِصَّةُ وَالمَسْرَحِيَّةُ
    مشاركات: 20
    آخر مشاركة: 12-11-2014, 03:21 PM
  2. تصريح
    بواسطة سعيدة الهاشمي في المنتدى النَّثْرُ الأَدَبِيُّ
    مشاركات: 26
    آخر مشاركة: 20-07-2010, 11:16 PM
  3. تصريح للموت
    بواسطة ميرفت شرقاوي في المنتدى النَّثْرُ الأَدَبِيُّ
    مشاركات: 3
    آخر مشاركة: 11-11-2005, 12:02 AM

HTML Counter
جميع الحقوق محفوظة