يا مصر فوقي
يا مصر فوقي وامسكي في طوقي
حامل همومك روقي وروقي
شرعك دا راجع وعد من ربك
والحق طوقك ومنهجي وطوقي
يا مصر
يا مصر باب جنتك فتَّح عليه النوار
أحرار وحريتك بتثبت الثوار
خلي العبيد يتلهو في دنية الشياطين
والنار لمين يخزلك ويقتلك بالنار
يا مصر
يا مصر ادي انتي عارفة السكة مش ساهية
آمرة بأمر الله وبكلمته ناهية
بيحاربو إسلامنا وفي صورة الاخوان
ودينك اللي اتجرح فكراه ومش ناسية
يا مصر
يالله ارفعي راسك ربي رضي عنا
بدأ التاريخ يكتبك بالشرع والسنة
غربلت في محنتك نفاق وكفر وغل
الجاي يا مخلصة إخلاصنا من دينا
يا مصر
يا أم التاريخ والدين والشرع والايمان
والشعب صابر مكابر رافض يعيش خزيان
الجبن من صرخته يرعب لكل جبان
النصر من ربنا قرّب وله عنوان
يا مصر
هتلاقي غاف يقولك انت واهم ياد
اللي حصل دا حصل اللي انتهى ما عاد
انسى واسهى وسلم لخاين حاد
نجمة حقيرة وبيادة اللي لبس اهو ساد
يا مصر
اقوله يابني انت واهم كم مر شهر وعام
لنفعتو في سياسات ولا اقتصادنا قام
خربتو بيتنا يإيديكو يا ظلمة الحكام
قتل وسجون وعذاب و جنيهكو ده اهو عام
يا مصر
رئيس كرامة وعزة أسد وملهوش نظير
قافيلن عليه القفص برضه وهو كبير
فكر الصهاينة بيلغي مخ عسكركم
وحقير بيخطف حقوقنا والكدب والتغيير
يا مصر
يا مصر دم الشهيد بلسم يداوي جراح
يسقى الصحارى تخضّر زهرة الافراح
وكيف هنعرف ثباتنا من دون ألم صابنا
وازاي هنعرف صديقنا من شفرة السفاح
يا مصر
يارب فضلك علينا ثبتنا وانصرنا
مالنا انتصار من غير قوتنا ونصيرنا
الهجمة على شرعنا عارفين قوي وواثقين
يارب نصرك مواهب في الغيب وفي الملكوت
ارزقنا نصرك وخيرك واغفر لنا وصُنَّا
يارب