يا نخلة حية
يقتلها قال ويقولٍّها بحبها
قتل الولاد شق الهدوم بيذلها
بكرة تشوفوها بخبث قال سبٍّل لها
و نور عنينا قال يبوسها يضمها
*********
إزاي يحبك يالحبيبة ويقتلك
و يقوم بغدره يقيدٍّك ويحجٍّلك
حاطط ستارته السوده يغمي نور العين كمان
و الصُلب جابه بيسجنك و يقفٍّلك
**********
يا نخلة حية و ريح عفية مهمًّهاش
جالها الرصاص من صدرها أو كُمٍّها
عارفة ان دمَّك يا الشهيد مايروح بلاش
مش راح تنوح ولا تنسى يوم مِن غمٍّها
***************
غدر البشر قاسي عليها من زمن
لكنها زي الجبل وسط المحن
مادنة وعالية شقت الفجرِ بأدان
دينها حارسها ودمِّنا هوا التمن
************************
يا ام العروبة والرضا و الجدعنة
الله عليكِ بتثبتي وتثبتي البسمة هنا
انت الابية يا مصرنا إنت الغنى
و دين رسولنا بقلبك الطيب لنا
*************
الغادر اللي خان ملهوشي فينا ديِّة
والثابت اللي صان أصولك و الحميَّة
أسد في قلب النار وقالك ده شوية
دمِّي فداك يا مصر إسلامي الابية
دمي فداك يا مصر إسلامي الابية
عربية كنت و هتفضلي يا يعربية
/
/
/
دمتم احرار مبدعين
رد مع اقتباس
المشاركة الأصلية كتبت بواسطة آمال المصري
