أحدث المشاركات
النتائج 1 إلى 7 من 7

الموضوع: لكل واحد في الميدان

  1. #1
    الصورة الرمزية سامى عبدالعال شاعر عامية
    تاريخ التسجيل : Jun 2011
    المشاركات : 133
    المواضيع : 34
    الردود : 133
    المعدل اليومي : 0.04

    افتراضي لكل واحد في الميدان

    رباعية
    لكل واحد في الميدان
    .
    ..............................
    فتح عنيك الحلم لسه في الميدان
    واوعاك تنام
    حلمك قريب بين إيديك
    احميه بقلبك م اللصوص
    من بين نياب الغول ومن الغيلان
    ومن اللي همه يبعدك
    عن سكتك
    ويتوهك
    انت وصحابك والجيران
    وخدلي بالك م اللي فوق
    العرش
    فووووق ياصاحبي فوق
    دا البرج عاجي وبرج عالي
    واللي في قلبه
    أصدي ياعني بيسكنه
    إزاي يشوف الشعب
    غير حبة ديدان
    ماهو في الحقيقة كل شيء
    بان وانكشف
    ولا حد فيهم اختشي ولا انكسف
    ولاحد فيهم منهم
    له طبع عنهم اختلف
    يامصر دول مش مننا
    دول طينه معجونه بقرف
    ياصاحبي صح النوم وفوق
    شوف مصنعك فيه صوت مكن
    أو نور برق
    وانت اللي عزمك كان
    يلين منه الحديد
    زي مايلين الورق
    حلمي وحلمك لوسهيت
    مني ومنك يتسرق
    والريح تغرق مركبك
    قصدي اللي هي مركبي
    ومصيرنا هايكون الغرق.
    نسيت جنودنا عالحدود
    ونسيت كمان قطر الصعيد
    وقطر موت البدرشين
    والصيادين
    عايشين مآسي
    ولطم دايم عالخدود
    راجع ياصاحبي التلميحات
    والتصريحات ولا الردود
    تلقاك هناك عايش بعيد
    في عصر جايلك من بعيد
    يشبه تمام عصر الجليد
    والعصر ده عصر الديدان
    وفي وسط غابه من القرود
    واوصيك
    ياصاحبي في النهايه بكلمتين
    الحلم لسه ف مركبك
    وبين ايديك المجدافين
    وخلي عزمك من حديد
    قلبك جديد
    واهتف وغني للحياة
    لجلن مايكبر حلمنا ويلمنا
    ونعيش معاه
    يانموت معاه
    وارمي حمولك ع الإله

  2. #2
    الصورة الرمزية أحمد الأستاذ أديب
    تاريخ التسجيل : May 2011
    الدولة : في قلبٍ ما
    المشاركات : 2,021
    المواضيع : 65
    الردود : 2021
    المعدل اليومي : 0.60

    افتراضي

    رسالة جميلة المضمون,
    تحمل الوجع المصري, وما يدور حوله من مصائب, ووجوه الذئاب التي تختبئ خلف الأقنعة
    حمى الله مصر وأهلها
    سيتم نقلها إلى قسم أدب العامية العربية
    دمت بخير أستاذ سامي
    سأكتفي بكِ حلما

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.26

    افتراضي

    حلمي وحلمك لوسهيت
    مني ومنك يتسرق
    والريح تغرق مركبك
    قصدي اللي هي مركبي
    ومصيرنا هايكون الغرق.



    و هوا دا بيت القصيد
    لا وربي اللي خلق
    عنه ما يوم ابدا نحيد
    احنا اتخلقنا نعزها
    لو حد خانها مننا
    مش مننا ومش ابنها
    ولا عمرو يرضع صدرها
    اخي حبيبي العبد عال
    كرهنا يا خلي السكات
    سكاتنا كان سكة هلاك
    و الدم يرخص لاجل ما نرجع بها
    شريعتنا تقفل خرقها
    وسفينة الحق العفي
    تجري بنا
    و لو موج بحورنا كالجبال
    احنا معانا ربنا
    في صفنا
    واللي معاه ربه
    أبدا مبيهابشي المحال


    اخي القدير سامي عبدالعال المبدع
    شخصت الجرح و وصفت الدواء
    و القيت النصح
    اخي دمت مبدعا اصيلا
    رجاااااااااااااااء من اخواني المشرفين
    بتثبيت هذه البهية الرائعة

  4. #4
    الصورة الرمزية سامى عبدالعال شاعر عامية
    تاريخ التسجيل : Jun 2011
    المشاركات : 133
    المواضيع : 34
    الردود : 133
    المعدل اليومي : 0.04

    افتراضي

    الأديب القدير
    أحمد الأستاذ
    مشرف قسم العامية
    مروركم العطر أضاء متصفحي وأثرى قصيدتي
    تحياتي ومودتي

  5. #5
    الصورة الرمزية سامى عبدالعال شاعر عامية
    تاريخ التسجيل : Jun 2011
    المشاركات : 133
    المواضيع : 34
    الردود : 133
    المعدل اليومي : 0.04

    افتراضي

    أستاذي الشاعر
    الطنطاوي الحسيني
    حلمي وحلمك لوسهيت
    مني ومنك يتسرق
    والريح تغرق مركبك
    قصدي اللي هي مركبي
    ومصيرنا هايكون الغرق.



    و هوا دا بيت القصيد
    لا وربي اللي خلق
    عنه ما يوم ابدا نحيد
    احنا اتخلقنا نعزها
    لو حد خانها مننا
    مش مننا ومش ابنها
    ولا عمرو يرضع صدرها
    ..................................................
    مداخلة رائعة
    أشكر عليها قصيدتي المتواضعة
    والتي استفزت فيكم الشاعر الوطني ابن مصر التي تشرف بكم دائما
    فهنا أجدك قد سكبت المشاعر الفياضة بحب الوطن
    لك مني كل التحايا والود

  6. #6
    الصورة الرمزية إيمان نور قلم نشيط
    تاريخ التسجيل : Mar 2011
    المشاركات : 604
    المواضيع : 27
    الردود : 604
    المعدل اليومي : 0.18

    افتراضي

    السلام عليكم ورحمة الله وبركاته

    إبداع وارف شاعرنا الراقي

    وما زال الحلم قائم

    والامل في الله وحده

    والخلاص سيكون بعون الله وإخلاصنا

    دام بهاء حرفك استاذنا

    تحياتي وتقديري

  7. #7

المواضيع المتشابهه

  1. لوكل واحد في الميدان
    بواسطة سامى عبدالعال في المنتدى أَدَبُ العَامِيَّة العَرَبِيَّةِ
    مشاركات: 4
    آخر مشاركة: 13-12-2012, 08:30 PM
  2. نداء لكل واحد وضع قصة من قصص القرآن هنا....
    بواسطة ضحى بوترعة في المنتدى الحِوَارُ الإِسْلامِي
    مشاركات: 4
    آخر مشاركة: 10-01-2008, 01:37 PM
  3. واحد +واحد = كام
    بواسطة مصطفى عمار في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 01-08-2006, 05:07 PM
  4. 592 ضربة جهادية قاصمة للمحتل فى شهر واحد لفصيل واحد
    بواسطة محمد دغيدى في المنتدى الحِوَارُ الإِسْلامِي
    مشاركات: 3
    آخر مشاركة: 29-12-2005, 02:32 PM