ق.ك.ج
مليون حكاية
تحكي عن قلبي العليل
قلب تاه من سكته
سارح في عتمة ليل
أدور في عين الكون
ما أشوفك
أبكي وانادي يا ليل
حنّي بدمعتي كفوفك
أغزل من حروفك أمل
وأكتب قصيده شوق للغالي
... أول حروفها نار
وآخرها قلبي مات قتيل
قصة غريبة يا اخوانا
قصة زمانا البديع
وحظائر الخرفان
قصة عجيبة
في حواري العمي والطرشان
حقيقه توجع
ما فيهاش فصال
قصة غرام الديب والحملان
لما يتوه الحق
في دروبه
لما يضيع الأمن
والإيمان
ابتدى وقتها بكلمة بحبك
هلل معاها القلب والميزان
ضحكته
عليت وقالت
الإيد في الأيد نعليها
مرّة الحياه ..
يالا يا ديب
بادينا نحليها
اشطب الماضي
من دواوينه
نخليها
جنتنا احنا
وانهض يا ديب
وقول للزمان ..
غور يا زمان
الديب بيضحك
وسنته طلت
سبل عيونو
وضحكته هلت
وراح مغني لها
وطبطب بإيده ..
حنت له وحن لها
انت شريكة حياتي
أولها وآخرها
والنعجه نعجه ..
أول ما بص لها
اول ما حن لها
غابت عن الدنيا
تعبت ونامت
نامت وفاكره
إنها بأمان
لو تغمض عنيها
يجي لها بكل حنان
لكنه ندل
حازم وعريان
اكمنه بلطجي وجعان
اكمنه ندل
والنداله ف دمه مليانه
قرصها قرصة موت
وسابها عريانه
طلع المنصه وقال يا ويلي
ماتت حبيبتي
ودموعي ف مناديلي
ماتت حبيبتي
م الدنيا زعلانه
وانا زعلان
راح ديب
ووراه كمان ديب
ولساكي يا مصر بتغني
الله اكبر لا حسد
اؤمري يا مصر .. وإتمنى
شبابك سيف على كل ديب ..
سرق ولا فسد
في ثواني بيترصد
بايدين شبابك
رجع الحق لأصحابه
حبسوا الديب
وهيجيبوا مكانوا أسد
#تحيا_مصر
رد مع اقتباس
