أحدث المشاركات
النتائج 1 إلى 7 من 7

الموضوع: جواب مع إيقاف التنفيذ

  1. #1
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي جواب مع إيقاف التنفيذ

    ( جواب مع إيقاف التنفيذ )

    يــــ ما نفسى ...
    أنام يا أمّه على حجرك
    وتحكيلى كتير حكايات
    كما كنتى بتحكيلى
    تصبّيلى
    كاسات من صوتك التحنان
    يغنّيلى
    تــ ــغــ ـنــّ ـيــ ـلــ ـى
    أغمّض عينى لما تقولى :
    " نام ننه "
    " وننه هووووه "
    ولمّا تحسّسى فى شعرى
    أغمض عينى بزيادة
    فـــ كالعادة ...
    تقولى :
    " بس
    راح ف النوم "
    وبالرّاحة ...
    يقوم قلبك يغطّينى
    فـــ اموت م الضحك يا غالية
    وأقولك :
    لسه ما نمتتش
    ضحكت عليكى يا أمّايا
    فـــ تبتسمى
    تقابلى المقلب المعتاد بضحكاية
    تنوّر عتمة الأوضة

    يـــ ما نفسى
    أقوم كما كنت فى الماضى
    يا حدوتة
    فـــ اشوفك صاحية م النجمة
    تصحّى المئذنة تدّن عشان الفجر
    أشوفك واقفة بتعدّى على إيدك تسابيحك
    ترااااااتيلك
    أشوف القمرة بتجيلك فتدعيلها فيصبح بدر
    أشوفك سطر فى المصحف
    { تَتَجَافَىٰ}
    { مِنَ اللَّيْلِ فَسَبِّحْهُ }
    أشوفك ألف ليلة قدر
    أشوف المية بتسلّم على كفوفك
    بتتوضَى
    أشوفك فاردة سجادتك
    وواقفة للصلاة صفًا
    وسجادتك ...
    بتتمنّى تنول منك شرف سجدة

    يــ ما نفسى
    أشوفك قاعدة كالعادة
    بتتحنّى بكم كبير من النسمات
    كما الوردة ...
    أشوفك رافعة كفينك إلى أعلى
    وبتملّّى السما الدعوات
    فتدّعيلى
    وتدّعيلى
    تقولى : يارب يا رحمن
    تخلّّيلى وليد ابنى
    وزٍنْهولى
    فــ احس بدعوتك يا أمّة بتحضنّى
    تطمّنى
    تنسّينى البكا والآه

    يـــ ما نفسى
    أشوفك فى المنام مرة
    فتحكيلى عن الجنة وعن (الله)
    وتحكيلى عن المعنى فى قول المصطفى يومًا
    " ما لا عينٌ
    ولا أذنٌ
    ولا خطرَ "
    فــ اقول : الله
    وتحكيلى عن المطرة
    وعن بيتها اللى بتفارقه
    وكِيف لمّا تعود تلقاه
    وتحكيلى ...
    عن القمرة
    وكِيف بتلف متدوخشى
    عن الشمس اللى شموسة
    وكِيف بتقضّى لياليها
    وكِيف نورها بيوهب من حياته حياة ؟!

    يـــ ما نفسى
    ويااااااااه يا أمايا لو تيجى تشوفى بنفسك المشهد
    هنا يا امّه حيطان البيت
    بتسأل كل يوم عنك
    لفين رحتى ؟!
    وليه طوّلتى ف الغيبة ؟!
    وكيف يا امّايا أحوالك ؟!
    هنا شالك صبح ميّت
    مهوش قادر على الفرقة
    هنا السجادة بتعيّط
    دموعها نازلة وبحرقة
    هنا الطرقة اللى بين اوضتى وبين اوضتك مبتنامشى
    بتتمنى تبوس رجلك فى نص الليل كما اعتادت
    هنا يا أمّة كتاف الفرن فــ بعادك مبتنوّرش
    هنا الصبح اللى كان يضحك وبيهزّر
    بقى مكشّر
    مبيهزّرش
    هنا الشمس اللى كت شابة
    و كانت كل يوم تصغر
    بقت شِيبة
    خلاص الشمس بتعجّز ومبتصغرش
    هنا طرْح الساعات دمعات
    ضلوع السلّمات بتئن
    هنا الدنيا بكل ما فيها مشتاقة
    جميع الكائنات يا امّه لنور نورك بقت بتحن
    على كلٍٍ
    سلام يا امّه
    ومش عايزك تشيلى منى أى غياب
    أنا ماشى
    ويوم الجمعة كالعادة جواب تانى
    11 شهر يا امّايا جواب ف جواب مبترديش
    يوكنشى البوسطجى يا امه مبيعديش على الجنة ؟!
    11 شهر بكتبلك وبستنى يجيينى الرد
    11 شهر بتمنّى نكون مع بعض
    11 شهر بكتبلك تردى سكوت
    أمانة توّصى يا أمّايا عليا الموت
    فى قربك بس يا غالية
    هكون مبـْسـوط
    وليد جودة
    أبو عدنان

  2. #2
    الصورة الرمزية محمد كمال الدين شاعر
    تاريخ التسجيل : Jun 2012
    الدولة : في ملكوت الله
    العمر : 33
    المشاركات : 1,494
    المواضيع : 85
    الردود : 1494
    المعدل اليومي : 0.56

    افتراضي

    رحم الله أمي وأمك وأمهات المسلمين

    هي الذكريات الباقية من أجمل سنين العمر

    دمت بخير

    لك تقديري والمودة
    حينما تهـوي ظنـوني ... في التفاصيلِ البعيدَةْ
    يا تـرى من يحتويـني ... غيرَ حُزْني والقصيدة؟!

  3. #3
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.32

    افتراضي

    رحمها الله وجميع اموات المسلمين
    شدو عذب صادق يداعب الوجدان
    تحيتى شاعرنا الراقى
    وبالتوفيق
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  4. #4
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة محمد كمال الدين مشاهدة المشاركة
    رحم الله أمي وأمك وأمهات المسلمين

    هي الذكريات الباقية من أجمل سنين العمر

    دمت بخير

    لك تقديري والمودة
    عزيز المبدع / محمد كمال الدين
    شكرا لمرورك العاطر الرقراق
    ورحم الله أمهات المسلمين ، ورزق أمى طول العمر وصالح العمل

  5. #5
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.04

    افتراضي

    اقتباس المشاركة الأصلية كتبت بواسطة محسن البدراوى مشاهدة المشاركة
    رحمها الله وجميع اموات المسلمين
    شدو عذب صادق يداعب الوجدان
    تحيتى شاعرنا الراقى
    وبالتوفيق
    عزيز المبدع / محسن البدراوى
    شكرا لمرورك العاطر الرقراق
    ورحم الله أمهات المسلمين ، ورزق أمى طول العمر وصالح العمل
    دمت رائعا

  6. #6
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,635
    المواضيع : 386
    الردود : 23635
    المعدل اليومي : 5.79

    افتراضي

    رحم الله والدتك ووالدي وأموات المسلمين
    نبض صادق وانهمار عذب شجي بحرف جميل فبوركت وطبت حرفا وشعرا
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية مازن لبابيدي شاعر
    هيئة تحرير المجلة

    تاريخ التسجيل : Mar 2008
    الدولة : أبو ظبي
    العمر : 59
    المشاركات : 8,539
    المواضيع : 134
    الردود : 8539
    المعدل اليومي : 2.03

    افتراضي

    الله الله ما أروعك أيها الشاعر المبدع وليد جودة

    سلبت الآه من صدري ومليت بالدمع عيني ، من رقة وعذوبة كلماتك ، وهي في أطيب وأحن الناس

    رحم الله والدتك وجعلها في الفردوس الأعلى .

    تحيتي ومحبتي لك .

المواضيع المتشابهه

  1. حب مع إيقاف التنفيذ.
    بواسطة زين عبدالله في المنتدى النَّثْرُ الأَدَبِيُّ
    مشاركات: 20
    آخر مشاركة: 27-12-2014, 04:46 AM
  2. حب مع وقف التنفيذ
    بواسطة يحيى البحاري في المنتدى القِصَّةُ وَالمَسْرَحِيَّةُ
    مشاركات: 28
    آخر مشاركة: 08-05-2014, 08:42 PM
  3. قصيدة " رسالة فى ليلة التنفيذ " / للشاعر هاشم الرفاعي ..
    بواسطة وفاء شوكت خضر في المنتدى الاسْترَاحَةُ
    مشاركات: 2
    آخر مشاركة: 01-03-2008, 10:37 PM
  4. حلم مع وقف التنفيذ
    بواسطة احسان مصطفى في المنتدى الشِّعْرُ الفَصِيحُ
    مشاركات: 16
    آخر مشاركة: 24-05-2006, 10:04 PM
  5. طبيب مع وقف التنفيذ - نزار ب. الزين
    بواسطة نزار ب. الزين في المنتدى القِصَّةُ وَالمَسْرَحِيَّةُ
    مشاركات: 16
    آخر مشاركة: 10-05-2006, 01:38 AM