أحدث المشاركات
النتائج 1 إلى 6 من 6

الموضوع: نوِيت أكتب

  1. #1
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.31

    افتراضي نوِيت أكتب

    نويت أكتب ومش راجع
    ومهما قلتى بزايدة كلام جارح
    منيش ساجد
    ومش ناسى كلامك ليَّا ف الفجرية
    ولا هرجع اكون عابد
    ولا ف قصرك هكون خادم
    ولا ف قفصك هكون عصفور بتتسلى العيون بيا
    منيش راجع لبنِّية
    ولا هرجع لخد الشمس يتحامى ويشوط فيا
    ولا هكشف جلود الصبر لسياطك
    ولا عْضامى على بابك
    بقت م الدوْرَّة محْنيَّة
    ولا هرجع اقول التوبة بالنيَّة
    خلاص مات الكلام فيكي
    ومش ناوى اغطيكي
    بنن العين كما السنتين
    ولا ايديكي تعود تشبك على ايديا
    خلاص طار الحمام يابا
    وهجر. والغيَّة منسية
    منيش راجع
    ولا واجع ف قلبى غير
    سهر بالليل
    وحلم جميل
    ضفرتهُ فوق دفاتر نيل
    بعتولك مع النجمة وقلبى كان ضحية لغير
    خلاص همى طفح م الكيل
    وقلت البعد عنك خير
    وحبك كان مجرد ذنب وطِّيتلُه وشئ فاجع
    ..........
    نويت أكتب ومش ليكي
    نويت اجمع لياليكي
    واكفنها بدفاتر ويل
    تكونلى دليل على ضعفى
    فيوم ما حاولت افديكى
    خلاص كل الكلام مبقاش
    ينور ع السطور ليكي
    ولا حبر الوريد عادلك
    ولا نبضه بيحيى شئ بيتنفس لخطاويكى
    ولا حروفى بقت تتحمل الدَّقّة
    ولا التوهة وتقول لأَّ
    ولو كان الكلام ليكى ازقُّه ع السطور زقَّة
    فيتلون ببلاويكي
    منيش كاتب كلام ليكي
    ولا شعورى يعود ليكي
    وانا م الوحده بتعلم
    ولا قلمى على سطورك يقف سارح ولا مبلم
    ولا جارح ولا مضلم
    خلاص تانى مش اتْكلم
    ولا هكتب ولا اتظلم
    عشان ما تجينى فرحانه
    تقولى شعرى تلاكيكي
    منيش كاتب خلاص فيكى
    لا هتلكك واصحِّيكي
    خلاص شعرى نسَاكِّي زمان
    ولا بحوره هتحْيكي
    ........
    نويت أكتب ومش عاجز عن التلحين
    ولا سطورى بقت شايخة
    ولا حرفى يئن حنين
    ولا الكلمة عادة محشورة م الدوخة
    ولا الحوجة لشعر حزين
    خلاص صدرى نسى همومه
    وعاد يطرح بياض لونه
    ولا كونه بقا يسيعه ولا يبيعه لناس خاينين
    نويت أكتب لناس تانين
    لناس عايشة على التقوى
    وناس شايفة الحياه أحلى بدون تلوين
    نويت اكتب وأزيد ف الحب
    وأقول يا ليل وأقول يا صبح
    ومهما بعدت الخطوة
    اكيد كسبان
    مادام الخطوة تبعدنى عن النيران
    اكيد كسبان
    مادمتى انتي هناك وحدك
    وانا وسط الحياه فارد دراعى وعايش النسيان
    اكيد كسبان مدام الخلق حواليا تحسسنى
    بانى رجعت من تانى اعيش انسان
    واشوف الفرحة فعيونهم
    بتحضنى فاحضنهم
    يقولوا الله على شعورى
    اقول "حمداً" على النسيان


    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  2. #2
    قلم منتسب
    تاريخ التسجيل : Jan 2013
    المشاركات : 15
    المواضيع : 2
    الردود : 15
    المعدل اليومي : 0.01

    افتراضي

    اسجل اعجابى وتقديرى

    لقصيدة تخرج من احساس شاعر

    صادق الكلمة

  3. #3
    الصورة الرمزية محمد كمال الدين شاعر
    تاريخ التسجيل : Jun 2012
    الدولة : في ملكوت الله
    العمر : 33
    المشاركات : 1,494
    المواضيع : 85
    الردود : 1494
    المعدل اليومي : 0.54

    افتراضي

    قصيدة جميلة
    فكأنها ثورة على الذكريات
    تمنياتي لك بالتوفيق في تلك القرارات

    خالص تقديري والتحايا
    حينما تهـوي ظنـوني ... في التفاصيلِ البعيدَةْ
    يا تـرى من يحتويـني ... غيرَ حُزْني والقصيدة؟!

  4. #4
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.31

    افتراضي

    اقتباس المشاركة الأصلية كتبت بواسطة طاهر طاهر مشاهدة المشاركة
    اسجل اعجابى وتقديرى

    لقصيدة تخرج من احساس شاعر

    صادق الكلمة

    اشكر لك طيب مرورك وجمال تعبيرك
    اهلا بك دائما صديقى الغالى بمتصفحى المتواضع
    تحيتى
    وبالتوفيق

  5. #5
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.31

    افتراضي

    اقتباس المشاركة الأصلية كتبت بواسطة محمد كمال الدين مشاهدة المشاركة
    قصيدة جميلة
    فكأنها ثورة على الذكريات
    تمنياتي لك بالتوفيق في تلك القرارات

    خالص تقديري والتحايا

    كل الشكر لمرورك ورقيق حضورك صديقى الغالى
    انتظرك دائما وبديع كلماتك
    تحيتى
    وبالتوفيق

  6. #6
    مشرفة عامة
    أديبة

    تاريخ التسجيل : Aug 2012
    المشاركات : 13,679
    المواضيع : 186
    الردود : 13679
    المعدل اليومي : 5.10

    افتراضي

    شعر مترع بالمشاعر المتزاحمة يعلن التمرد والثورة على من كان حبيب
    الصور موفقة والجرس جميل والكلمات معبرة
    بوح وجداني شاعري جميل ـ وحرف مميز قادر على التعبير
    تحياتي وودي.
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. نويت أحبك !!
    بواسطة سليمان أحمد عبد العال في المنتدى أَدَبُ العَامِيَّة العَرَبِيَّةِ
    مشاركات: 16
    آخر مشاركة: 05-04-2013, 07:55 PM
  2. نويت التزهزه - أقصوصة نزار ب. الزين
    بواسطة نزار ب. الزين في المنتدى القِصَّةُ وَالمَسْرَحِيَّةُ
    مشاركات: 21
    آخر مشاركة: 04-04-2013, 07:07 PM
  3. نويت الرحيل
    بواسطة قلب الشمس ام حبيبة في المنتدى الشِّعْرُ الفَصِيحُ
    مشاركات: 10
    آخر مشاركة: 18-08-2007, 10:42 AM
  4. لن أكتب إلا لها
    بواسطة محمد حيدر في المنتدى الشِّعْرُ الفَصِيحُ
    مشاركات: 9
    آخر مشاركة: 02-01-2007, 07:48 PM
  5. أكتب يا يوسف ..أكتب عن أي شيء !
    بواسطة يوسف الحربي في المنتدى النَّثْرُ الأَدَبِيُّ
    مشاركات: 10
    آخر مشاركة: 02-01-2007, 10:22 AM