/
/
زمن النفاق
راكب ضهور الناس وشادد عزمته
عارف خلاص
إنِّ الغباء هوا بداية دولته
لكنه شاف
السكة ملغومة وبها احرار
ياسلام يا ناس
دا كتير قوي كان بس فاكرهم صغار
لكنه لما فوق طلع على سلمه
ودا صنّعه من كوم جماجم رصها
وابواق من الاعلان بتنصب للي يعترض مليون مشانق
شمِّت مناخيره البارود
شاطت من النار الخدود
أتاريه يا روح امه قعد
على كرسي جي من العظام
من تحته بركانه رعود
عاملِّنا قال قال بخيبة فسكته فرعون جديد
حاول يعود
لكنِّ دا أجله ما أمهله
لما انفجر من تحته بركان الحشود
ورحل وغير مأسوف عليه
ريحنا منه ربنا
ويزيح بقى زمن النفاق
لكن في بحر النار نهايته شدته
ريحنا من زمن العبيد
والفجر يطلع من
جديد