أحدث المشاركات
النتائج 1 إلى 3 من 3

الموضوع: رسالة مواطن (( متصدقيش))

  1. #1
    الصورة الرمزية خالد الجريوي قلم فعال
    تاريخ التسجيل : Sep 2010
    المشاركات : 1,330
    المواضيع : 83
    الردود : 1330
    المعدل اليومي : 0.40

    افتراضي رسالة مواطن (( متصدقيش))

    ما تصدقيش
    شوفي الحقيقه ..
    جواكي انتي ومتهربيش
    ما تصدقيش
    مهما قالوا ..
    عني وعنك .. ما تصدقيش
    ما تصدقيش
    انتي جوه القلب ..
    وغيرك انتي أبدا مفيش
    ما تصدقيش
    من غيرك انتي .. مقدرش اعيش
    ما تصدقيش
    يا حلم عشته ..
    زمان قابلته .. مابينتهيش

    كل احلامي بدونك
    كانت سراب
    كل ايامي بدونك
    كانت خراب
    أيام رمتها .. لما قابلتني عينيكي
    عشت فيكي ساعتها
    أنا عشت ليكي
    في كل افراحي .. وفي المحن
    لما غنت روحي ليكي
    وفي الشجن
    يومها عرفتك
    عرفت ايه معنى الوطن

    ما تصدقيش
    حد شارب ميتك
    إنه يكره جنتك
    يبقى منك أو إليكي
    ما تصدقيش
    حد يفرق لمتك
    او يكفر ذمتك
    يبقى شاريكي
    دا ع الوطن مدسوس
    بايع عرضه بفلوس
    يبقى أمير
    يبقى جاسوس
    ما تصدقيش

    ما تصدقيش
    حد كفر يوم ولادك
    جاي يكسر يوم عنادك
    وانتي عصيه
    طاهره وبهيه
    متصدقيش
    حد جاي
    يعمل فيها مولانا الأمين
    يملا حواريكي الجميله
    غدر وأنين
    ما تصدقيش
    بعض اولاد الخيانه
    يكفروكي .. ويقتلوكي
    انت باقيه بأمر ربك
    انت للعالم كنانه
    انت طول عمرك ديانه
    اسألوا الصديق يوسف
    إسألوا موسى الكليم
    اسألوا العذراء مريم
    واسألوا عيسى الكريم
    قالوا عنها
    انها مصر الأمانه

    اسألوا الهادي البشير
    اللي قالها واضحة وجليه
    لما وصى بيكي خير
    ما تصدقيش
    انت طاهره طول حياتك
    انتي نور الدنيا كله
    انتي أزهر
    إنتي جيش
    انت جوه العين مكانك
    انتي ضحكة في كل عين
    انتي بسمة الشقيان في شغله
    انتي ضحكة العيل وأمله
    واي خاين
    مهما عاش فيكي سنين
    بكره يمشي
    زي غيره .. يبقى مفيش
    ما تصدقيش

  2. #2
    الصورة الرمزية عايد راشد احمد قلم فعال
    تاريخ التسجيل : Jul 2009
    الدولة : تائه في دنيا المعاني
    المشاركات : 1,866
    المواضيع : 49
    الردود : 1866
    المعدل اليومي : 0.49

    افتراضي

    السلام عليكم ورحمة الله

    شاعرنا واستاذنا الكريم

    هذه هي مصر عبر التاريخ كالبحر امواجها ترمي بكل القاذورات من باطنها

    حاول العملاء واذناب الغرب اي ان كانت توجهاتهم ان يهدموا هذه البلد الابية لكنها انتصرت عليهم

    مصر الاسلام ومصر الايمان لايمكن لتجار الدين ان يهزوها

    دام القلم وصاحبه في نصرة حق مصر

    تقبل مروري وتحيتي
    صاحب البسمة والنسمة
    تقيمك بمشاركة مطلوب كما انت تحتاج فلا تبخل

  3. #3
    مشرفة عامة
    أديبة

    تاريخ التسجيل : Aug 2012
    المشاركات : 13,568
    المواضيع : 185
    الردود : 13568
    المعدل اليومي : 5.11

    افتراضي

    جميلة ، صادقة، سلسة المفردة ـ يواكبها جرس جميل
    كلمات كالدرر تتلألأ بحب مصر يتغلغل بريقها ليصيب شغاف القلب
    دمت بخير ـ ودامت مصر بكل عز.
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. رسالة مواطن
    بواسطة سمر أحمد محمد في المنتدى أَدَبُ العَامِيَّة العَرَبِيَّةِ
    مشاركات: 5
    آخر مشاركة: 02-03-2015, 12:28 AM
  2. رسالة من مواطن
    بواسطة علاء عيسى في المنتدى أَدَبُ العَامِيَّة العَرَبِيَّةِ
    مشاركات: 22
    آخر مشاركة: 28-06-2008, 04:56 AM
  3. رسالة من مواطن عربي لعراب مؤتمر السلام..
    بواسطة د. محمد رائد الحمدو في المنتدى الشِّعْرُ الفَصِيحُ
    مشاركات: 5
    آخر مشاركة: 29-03-2008, 01:15 AM