/\
/\
/\
/\
/\
متستغربش أنا هوَّا*** وأبيض قلبِ من جوَّة
لا عمري فيوم نسيت دربي *** ولا ف قلبي تعيش قسوة
بادِئْها ايمان معَ دعوة*** وهاختم شرع وِ مْرِوَّة
*
*
*
تقول إرهابي خليك قول *** وبينكم عشت أيامي
احطحط فيكو بالمعقول ***بطبق فيكو أسلامي
وجار وصديق زميل ورفيق***وباوصل بيكو أرحامي
*
*
*
مِنِ الأعوام فوق التمانين *** شِرِبْتِ المرِّ بكيعاني
أوقَّف للِّي يظلمكم *** و بافضح فيهم الجاني
سجون سجنوني و رموني *** شهيدي بيلحق التاني
*
*
*
نسيت في ثواني تضحيتي *** و غدرك شل أُضْحِيَتي
و جرِّيت الدما أنهار *** برابعة ونهضة محرَقَتِي
مابينا يحكم العادل *** بربِّي أَشكيك بأدعيتي
*
*
*
هيحشر جمعكم ويَّاه *** مع هامان وفرعون آه
تحبّثه خش في جهنم*** قتلتو الشهدا ،يالله معاه
ومين يرضى ومين هلِّل *** فتوبوا قبل وعد الله
*
*
*
تقول دا سياسة مالو الدين *** وهل في الدين خيانتكم
تعالى في ميزان دينا *** وسيب موازين سياسيتكم
دي مالت عوجت الموازين *** فين العهد اللي جه منكم
*
*
*
وإعلامكم سعار و نباح *** و تلفيق ويَّا كدب مباح
وشوهتم أصول دينكم *** و مؤمنكم بقى السفَّاح
تخافو يبدل الملة *** بقول فرعون دا غار أهو راح
*
*
*
أنا عمري ما هاتبدّل *** هاشيل الشيلة ما اتحوّل
إيماني للإله أثبت *** ومهما الصبر هيطوِّل
راح اصبر فرجه باستنى *** دا وعده قريتو في الأول
*
*
*
و لما السنحة تتغير*** بتزعل ليه وتتأثَّر
مش انته عطيتهم التفويض*** شِمِت بدمِّي والمنظر
متزعلش ابتسامتي خلاص*** بقت لله هو الأغفر
*
*
*
لكن قلبي بقى بنصين *** بنص بحب و بَوَالي
ونص اعادي للخاين *** و مين للخونة بيوالي
ويوم متعود شريعتنا *** طريق الدعوة يهنالي
*
*
*
متستغربش أنا هوّا *** نشأت بديني زي ملاك
وإسلامي دا دين قوة *** راح اثبته ليه ولو في هلاك
وبكرة ربنا يحكم *** يبان صادق من الأفَّاك
*
*
*
متستغربش أنا هوَّا*** وأبيض قلبِ من جوَّة
لا عمري فيوم نسيت دربي *** ولا ف قلبي تعيش قسوة
بادِئْها دعوة في َ تقوى*** وهاختم شرع وِ مْرِوَّة
/\
/\
/\
/\
/\
دمتم مبدعين على الخير متعاونين