من الشعر الشعبي اليافعي

البوش ياذه الرويعيه=بحد من جيش ترعيه
ماهي مشاعه المراعي = ري الحيد والقاع قاعي
قاله فذا القول ما ارجيه=وان شي معك ذي يزكيه
لو ما تشرف سياعي =بادعي عليك الدواعي
والحيد والقاع قاعي

بالحيد لي اسبال عرفيه=والطين باسجال شرعيه
ولاحدا لي مداعي=لمه قطعش اليراعي
قاله تراني موصيه=ان المراعي مشاعيه
بالفاس باحمي قطيعي = ماشي لذا القول داعي
والحيد والقاع قاعي

القلب ذي فيه يكفيه= واراعيه لا تلوميه
ويش اجلبش لاذراعي =اّاا قد عدمش المراعي
فانته تميل عن التهيه =والا تراني مداعيه
بايقبلوا عالسواعي = ذي يستجيبوا الدواعي
والحيد والقاع قاعي

وان شي لك اغراض ثانيه=اعرف طريقك وسانيه
وان المراد اليراعي = اسعه وحف المساعي
فقلت ذا الامر لُميه= حتى يجي ذي يصفيه
وتتم فيه المساعي = راعيه.. وانا المراعي
والحيد والقاع قاعي

قاله تراني ملبيه = ومن خلف وعدي اجيه
ذا الحيد لي به مراعي =باذكرك لاانت واعي
فقلت ظميه واقديه=للحر وعده ويوفيه
وابوش لو مايراعي =باجيه للحق داعي
والحيد والقاع قاعي