الحال

ينشد عن الحال!!! من يجهل الحال الحال حال الحول وحالي محله شاوي غزوه القوم يركض بدون عيال لامن نجا بالضان ولا السيف سله القسط من ذا الجال والبيت من ذا الجال يا الله يا حلال ذا الحال حله الطيب مايخطيه نشمي عقيد رجال لكن بدون المال ذا العصر خلّه لاجالهم رجال لكن بدون اموال حتى بنات المال تقدر تذله ولاعاد به حياك ولا عاد به فنجال منظر على الدوار تمثال دله يعني على ماقيل مبطي وينقال ذيبٍ وخاواله مع الدرب عله فارس ولد ملحان وابيات موال جا بالقوافي يشتكي الف علة وانا مع الموال سيل الشعر سال ان جيت في الطاروق وان جيت شلة

ياصاحبي تنشد عن الحال والحال من الزمان الشين فيه ألف عله أحيان أجر من الهواجيس موال وأحيان أقول الهم خله لَـعله دنيا تعز رجال وتنزل رجال ما كل رجل تنزله في مَـحله هذا العصر تقدير الأشخاص بالمال المال يَـفرق بين كثره وقـله أحدن بماله صار مضرب للأمثال لو كان بالتاريخ فارغ سجلـه حطو مكانه فوق عالية الأطلال وأصبح فخامة شيخ في كل حـله والأصل ماله مع هل الطيب مِدخال ماله صَـنع له سـيرتن مـستقلـه واحدن فقير وخلد أفعال وأفعال لكن زمانه ضـيع الـفعل كِـله يالعنبوه الـفقر صاطي وقتال نزل مقامات الـرِجال الـمَطلـة

الشاعر/ فارس بن ملحان العنزي والقصيدة أعلاه ردي عليها

أنت مبدع في العامي والفصيح


وقصيدتك يا شاهر الشعر رائعة جدا



مبدع ما في كلام

قصيدة الشاعر/ فارس بن ملحان قصيدة جميلة وبليغة
وردك عليها تحفة فنية شعرية رائعة بمعناها ، كبيرة بلغتها وبلاغتها
دمت ودام إبداعك في العامي والفصيح.