أحدث المشاركات
النتائج 1 إلى 4 من 4

الموضوع: إنقلاب

  1. #1
    قلم منتسب
    تاريخ التسجيل : Dec 2013
    المشاركات : 23
    المواضيع : 15
    الردود : 23
    المعدل اليومي : 0.01

    افتراضي إنقلاب

    أنا مش صدى صوت
    ولا ردة فعل
    ولا صورة وبتكمل منظر

    أنا سهمى ان صــاب
    ممكن يقتل
    بس انا مبحبش أتمنظر
    إنما بالوقت بدأت أمل
    ماهو لعبك بيا مهوش منظر
    .
    فهعيش
    فهعيش أيامى وكالعاده
    راح اخيط جرحى بأشعارى
    أحزانى هترسملى سعاده
    والشعر كفيل إنه يدارى
    .
    همسح رسوماتى بأستيكة
    ومعدتش هتأمل فيها
    تمثالك هيكون أنتيكه
    محطوطه ف درج لوحديها
    .
    ونهاية قصة مجنونك
    هتكون إعصار
    هيدمر جوايا حصونك
    هيفجر نار
    بركان القهر اللى ف قلبي
    وبعادة النار ...... تكوى الشطار
    .
    والآهة ......
    الآهة تزلزل تكوينى وتهز الكون
    أصرخها وأضحك وأغنى .
    مانا حزنى جنون
    مش هرضى بقربك يجبرنى .
    ولا هستحمل بعدك عنى
    بس انا بحرى ان هاجت موجته
    باقلب فرعوووون
    .
    أنا مش قصه
    أنا مش قصه وبتسليكى
    ورواية بتشغل وقت فرأغ
    أنا دنيا
    أنا دنيا وكانت .... ف إديكى
    أنا روح إكتشفت .... معانيكى
    أنا قلب وعاشلك ....عميانى
    أنا حبر بيتفنن.... فيكى
    .
    وانا بردو الريح اللى بتقلع
    من قلب الأرض جذور النخل
    والكرم اللى زيادته تطمع
    وف جرحى نموذج . شح وبخل
    .
    أنا هسكت وامشي ومش راجع
    وانا وانتى نسجل خسارتنا
    ومسير الدنيا تنسينى
    وخلاص كدا خلصت قصتنا
    بنهاية سريعه كتبتيها
    وبإيدك قفلت ستارتنا
    كان نفسي العرض ميخلصشى
    ونكمل قصتنا ف بيتنا
    ونعيش القصه ورا القصه
    إنما لسه .
    القصه بترفض فرحتنا
    .....................
    ...............
    ملاحظه : مفتتح العمل مقتبس من أغنية
    . مش سايبة مكانى لحد ماموت. المطربة زهرة

  2. #2
    الصورة الرمزية مازن لبابيدي شاعر
    هيئة تحرير المجلة

    تاريخ التسجيل : Mar 2008
    الدولة : أبو ظبي
    العمر : 59
    المشاركات : 8,590
    المواضيع : 145
    الردود : 8590
    المعدل اليومي : 2.01

    افتراضي

    جميل جدا أخي أحمد
    وجدت صعوبة في قراءة بعض الكلمات ، لكني استمعت بها جدا

    أثبتها تقديرا
    يا شام إني والأقدار مبرمة /// ما لي سواك قبيل الموت منقلب

  3. #3
    الصورة الرمزية محمد عبد القادر شاعر عامية
    تاريخ التسجيل : Mar 2009
    الدولة : مصر - الأسكندرية
    المشاركات : 1,036
    المواضيع : 32
    الردود : 1036
    المعدل اليومي : 0.27

    افتراضي

    ممتعة جدا
    و جميل هذا الإنقلاب جدا جدا
    خيرها فـ غيرها :)
    كل التحية يا شاعر
    و
    إلى لقاء
    وَ مَا فِى الدَّهْرِ خَيْرٌ مِنْ حَيَاةٍ = يَكونُ قِوَامُهَا رَوْحَ الشَّبَابِ

  4. #4
    مشرفة عامة
    أديبة

    تاريخ التسجيل : Aug 2012
    المشاركات : 13,570
    المواضيع : 185
    الردود : 13570
    المعدل اليومي : 5.11

    افتراضي

    إنقلاب في المشاعر ـ ومعان من وراء عقل راجح
    وقدرة على التعبير، وجرس جميل
    وقمة في النسج والخيال والتصوير.
    بديع حرفك شاعرنا.
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي