نظراتك

وبكون غرقان
باتحدي الموت
محتاج لشطوطك تنجدني
وتجدد عمري بنظراتك
طب وحياتك
لتخلي الموج يهدا شوية
وتوصي سحابه معدية
ترسم تفاصيلك ع المية
وعنيكي تركز ف عنيا
هتقوي عزيمتي بنظراتك
والصعب يهون
وأصارع موج البحركما المجنون
وأقتل جوايا معاني الخوف
واتجنن واعمل دوامة
جواها أطوف
واستني عيونك من تاني
تلحقني بجرعة نظراتك
وترجع رشدي لوجداني
وتشارك قلبي الوحداني
وتكون لي منار
وتدفي الموجة الباردة بنظرات شاردة بتضرب نار
وتشعوز سحر يبدل ليل البحر الهايج يبقا نهار
وتشقشق شمسك تهديني
والموجه تشيلني وترميني
علي مرسا عيونك والقاني
بتأمل نفسي ف نظراتك

سلمت وسلم حرفك يا شاعر

همسات أنيقه

وأصارع موج البحركما المجنون
وأقتل جوايا معاني الخوف
واتجنن واعمل دوامة
جواها أطوف

سلمت ودام الحرف الرقيق

رسمت لوحة شعرية رائعة ومعبرة
زاهية بحروفها ـ أنيقة بمعانيها
بورك حرفك.