قصيدة ( أنا الوطن)

قصيدة (أنا الوطن) نادى الوطن وقال يا ناس ارحموا بعض خلاص شربتونى الدم ميه وفجرتوا قلبى بالأذية وهدمتوا بالبطىء فيه زلزلتوا أرضى من الغضب أنا الوطن .....أنا الوطن لا كده كفاية اسكتوا لا كده كفاية ابعدوا لا كده كفاية علىّ لولا حماية ربى ليه لولا وجود اسمى مقدس فى البرية لولا دعاء من السماء يزلزل الأرض العفية لولا الحماية الألهية لكنت مت من زمن لكنت فجرت المدن لكنت هربت من الوهن ووقفت لكل اللى بتعملوه فيه وصرخت بأعلى الصوت أنا الوطن ... أنا الوطن أنا المقهور من سنين ومتحمل عذاباتى أنا المغدور بى فى شبابى وأولادى أنا المهدوم من ناس قريبة من فؤادى أنا المذلول أنا الساكت أنا الحزين أنا الباكى أنا الشاكى أنا الحيران أنا الوطن أنا الأب الحنون ليكم أنا الأخ القوى السند ،أنا الأم اللى عاشت تتكوى بحرقة قلب على كل اللى اتفقد شفت الوطن ... شفت الوطن أنا الوطن ........... أنا الوطن