أول مشاركاتى "نورك قطع"

ارجو من الجميع التقييم ,,
كقلم مبتدئ احتاج لكل نقطة حبر من اقلامكم الثمينة

نورك قطع
وصبحت الحرية شوية قطع
وعمال يتفرج ويضحك اللى يتقطع

حبة رمان مابتنبلع
وبذرة نورك مش راضية تنزرع
والشوكة في يدك ماراحش تتخلع
والضحكة فيكى بتتمنع

ما هو اللى يطبل يترفع :/
والفكرة تتقتل .. م العقل تتخلع

بس الفجر بيطلع كل صباح
والحرية مابتجيش بالنباح
يبقي هنبدأ نشرة الأصلاح
بالمدرس والفلاح

ونقول بقي حى على الفلاح
حى على النجاح
حى ع الحرية
وحى ع الثورجية

حى يا شهيد فى بلادى
وهحكى كل يوم لولادى

يحكى أن .. كان فى شهيد فى الجنة
وفوق دمه ... عملو ليلة الحنة
وصوت الدْف رن فى ودنى حتة رنة
كان عالى سنة .. او يمكن 23 مليون سنة

ارتاح يا مينا حنب محمد
أصل دمك خلاص اتجمد

وعشان امك يا ولدى
لازم اشتغل .. واعمر بلدى
لاجل دمك يا حبيبي .. لاجل م الاقى سندى

سامحنى يابنى ,, أنا يمكن نسيتك
بس صدقنى انا أيوة حبيتك
يمكن اضطريت وفى الشوارع أنا رميتك

ماتقوليش ياما تانى
متسالش فى يوم عن حنانى

اسال بس العجلة .. أمتى هاتدورى ؟؟
وانا علشان أعيش .. امتى يجى دورى ؟؟

بحبك يابنى يانور عنيا .. ويمكن جوزى الجديد يجيبلك هو الهدية
يمكن يا ضنايا تكون عيشتى معاه هنية

بس أوعدنى لو مرة أغتصب حريتى .. تقوله إن ورايا رجالة
تخليه يهتم .. بالنور والمياة والزبالة
خليه لخير امك يكون الحمالة

وكمان مرة تسامحنى ,, ومش هحط نقطة ..
يمكن كلامى ليه كماله

يحكى أن .. كان فى شهيد فى الجنة
وفوق دمه ... عملو ليلة الحنة
وصوت الدْف رن فى ودنى حتة رنة
كان عالى سنة .. او يمكن 23 مليون سنة


كلام جميل كلام معقول مقدرشي اقول حاجة عنه
المبدعة بشوي صابر
الحكمة تقول لان تاتي متاخرا خيرا من الا تاتي
قصيدتك رسم حالة قطاع من الشعب الاصيل الذي بدات الغشاوة تزاح من على عينيه بافعال الظالم التي ضد وعوده واقواله تماما بتمام
لن ادخل في فنيات القصيدة فطالما هناك شعور واحساس يعكس الحالة بصدق فسيستوي عود الشعر حتما
اهلا وسهلا بك في واحة المبدعين الكبار
ودمت مبدعة ابدا