يومياتُ أسير.. صغير..!

	لا تعتبي يمّا عالمحرمة بكتبلك عيوني وببعت لك اياها مع العصفور ولو تعرفي قديش إحنا صحاب وكل ما بقرب صبحنا يطلع بييجي بقوللي هات مكتوبك إمك عباب الدار تستنا يا اللـه يا فارس بعلّق على الريشات محرمتك وبنضحّك.0 عم تسأليني ليش.؟ عُمرك سمعتي ناس بتهرّب حروف.؟ يمكن حروف رصاص مش عارف..؟ هيك البطل أسعد كان يقول لا تشغلي بالك وبتعرفيني بحب أحكي كتير هون يمّا كلنا جوا الأسر أخوات بناكل سوا بنحكي سوا وبنام عا بكير ما بنسهر وقبل الصبح بنفيق وبنفتش.. ونسأل مين من بيناتنا ناقص.؟ مرة بكون أحمد مرة بكون عيسى وما بنزعل بنعرف لوين أخدوه وبنعرف كمان ساعة بيرجع رح نشوفه بعيونا أكبر أسعد رجع يمّا غاب عنا كتير وكل يوم كنا ننطره ونقول ها يا ولاد بكرة رح يرجع بنكتب على الحيطة تحت كلمة قدسنا بترجع وأسعد رح يرجع وفـ يوم قبل غياب الشمس بشويه بتسأليني كيف عرفتها بتغيب.؟ شو نسيتِ مش قلت لك صاحبي بنام بالطاقة ومتلك.. بطير كل صبحية يهدّي على فراشي ويهزّني ويقول قوم طلع الضو وعند المسا بيرجع بسمع كمان من جناحاته متلك إنه الشمس غابت إيش كنا عم نحكي آه اليوم كان الغدا شوية رز وتفاحة شايفة هالعزّ؟ لا تسألي عني يمّا كتير ولا تخافي ولا تيجي تزوريني بعرفك رح تتركي وراك صغار إخواتي وبعرف كمان وين بيروحوا عالحاجز الغربي يلمّوا حجار بس لا تبكي وبعرف بإنه دموعك سخيّة بس مشتهي وحياة شيباتك وحياة ثوبك المليان تطريزات وجواه تلات ألوان ومرشوق بالنجمات مشتهي يمّا ريحة شجر زيتون ضيعتنا بتهفّ كل ما مسكت من إيدك لفلوفة الزعتر أسعد رجع جابوه مسوية وقالولنا هادا بطلكم..!؟ كان عم يضحك ومسبّل عيونه وعم يضحك.!0 وإيديه متل التلج قاللي:0 يمكن سمعته عم يقولي ولا يهمك شوف اللي جابوني قديش مقهورين وهيّاتني رجعت وعم بضحك ووصاني قاللي قاللي يا فارس قول لأمي شجرة لزرعناها أنا وهيّ عباب الدار ضلّك اسقيها ومن لحم صدري وحبة عيوني طعميها وقللها تزرع حواليها شوية حبأ كم يوم.. وبيكبر وعغصونها تربط الحبلة وتعملها مرجيحة لإخواتي إحنا مناح كتير لا تسألي عني ولا تقولي كيف عم بنعيش هون يمّا عنا مدرسة واقلام وشوية ورق لا تسالي من وين بنكتب قصايد وعم نغنيها أنا صحيح يمّا انحبست صغير لكن وحياتك كل يوم عم بكبر وبيكبر العصفور وتقوى جناحاته بتصدقي يمّا إحنا اللي محبوسين لا بد يوم بشي يوم مسوية لمن يجي العصفور بنقول هيّاته رجع وإحنا كمان متل أسعد في يوم رح نرجع

	لا تسألي عني يمّا كتير ولا تخافي ولا تيجي تزوريني بعرفك رح تتركي وراك صغار إخواتي وبعرف كمان وين بيروحوا عالحاجز الغربي يلمّوا حجار بس لا تبكي وبعرف بإنه دموعك سخيّة بس مشتهي وحياة شيباتك وحياة ثوبك المليان تطريزات وجواه تلات ألوان ومرشوق بالنجمات مشتهي يمّا ريحة شجر زيتون ضيعتنا بتهفّ كل ما مسكت من إيدك لفلوفة الزعتر أسعد رجع جابوه مسوية وقالولنا هادا بطلكم..!؟ كان عم يضحك ومسبّل عيونه وعم يضحك.!0 وإيديه متل التلج قاللي:0 يمكن سمعته عم يقولي ولا يهمك شوف اللي جابوني قديش مقهورين وهيّاتني رجعت وعم بضحك ووصاني قاللي قاللي يا فارس قول لأمي شجرة لزرعناها أنا وهيّ عباب الدار ضلّك اسقيها ومن لحم صدري وحبة عيوني طعميها وقللها تزرع حواليها شوية حبأ كم يوم.. وبيكبر وعغصونها تربط الحبلة وتعملها مرجيحة لإخواتي إحنا مناح كتير لا تسألي عني ولا تقولي كيف عم بنعيش هون يمّا عنا مدرسة واقلام وشوية ورق لا تسالي من وين بنكتب قصايد وعم نغنيها أنا صحيح يمّا انحبست صغير لكن وحياتك كل يوم عم بكبر وبيكبر العصفور وتقوى جناحاته بتصدقي يمّا إحنا اللي محبوسين لا بد يوم بشي يوم مسوية لمن يجي العصفور بنقول هيّاته رجع وإحنا كمان متل أسعد في يوم رح نرجع

ياه..
لكم أشجاني هذا الجرح النازف بين سطور الشوق
والأنفة
وحنين الحبق والزعتر
ووصايا أسعد
قصيدة رائعة أيها الشاعر الكبير
صادقة حد الألم ..
اسمح لي أن أضمها إلى مجموعتي المفضلة.
تحياتي وإضمامة حنّون

أجل عزيزتي مريم قصيدة مبكية
ولكنها عزيزة الحرف
مرفوعة الرأس
جميل هذا التحدي رغم البلاء
سيظل السجانون صغارًا وهم أحرار
وسيظل هوكبيرًا رغم سجنة
ولكن لابد من يومٍ يأتي يحمل معه
له الحرية إما شهادة أوإطلاق سراح
بكرامة الشجعان
بوركت أخي الكريم
شاعرنا الكبير عدنان كنفاني
أختك
بنت البحر

يوميات تحمل عبق البطولة ونبض الاحرار
مودتى وحبى وتقديرى للعمل ولمن ابدع