أحدث المشاركات
النتائج 1 إلى 5 من 5

الموضوع: اعذريني يا حبيتي...

  1. #1
    الصورة الرمزية علي قنديل قلم منتسب
    تاريخ التسجيل : May 2016
    المشاركات : 74
    المواضيع : 16
    الردود : 74
    المعدل اليومي : 0.06

    افتراضي اعذريني يا حبيتي...

    ياللي بتقولي حتحلا
    و تبقي عال
    ادي المرتب
    و ادي مصاريف العيال
    ..
    الديك بيدن
    و الادان له صوت كئيب
    بيقولي اصحي
    ابتدا اليوم العصيب
    نفس اسطوانة كل يوم
    ح نفطر ايه ؟
    نفس الاجابة كل يوم
    انه الفول العجيب
    ابني الصُغير العنيد
    يصرخ ف امه
    ليه يا ماما ؟
    مفيش جديد؟
    نفس المرارة ف وشها
    مع ابتسامة مشوهه
    تقوله نفسك تفطر ايه؟
    يسرح خياله للبعيد
    و هي بكل عزمها
    بتهرس الفول المجيد
    ..
    بعد الفطار اللي اتمسح
    ابدا ف توزيع المنح
    يا بابا عايزة مذكرة
    و انا عايزلي مسطرة
    ح نعمل ايه علي الغدا
    و ابني الصغير ع السرير
    بيقولي بالله يا بابا
    نفسي ف بيانو م الكبير
    و انا كل كلامي حاااااااااضر
    لما ارجع
    كل شئ حيبقي حاضر
    و البيانو؟
    حيجي ف العيد الكبير
    ..
    ابغض انواع المرار
    لما تشوف الحاجة ف عيون الصغار
    لما بتبص ف عنيهم
    تلتقيهم محرومين
    لما بيشوفوا صحابهم مبسوطين
    لما ابنك الصغير
    يبقي نفسه ف جزمة فوتبول
    ولاّ علبة جل يفرد شعره بيه
    و كل يوم تكذب عليه
    بكرة تبقي الجزمة عندك
    بكرة تبقي الكورة عندك
    بكرة يبقي الجل عندك
    و انت عارف ان بكره زي بعده
    و ان ابوه مش حيوفي يوم بوعده
    و ان اهم حاجة عنده
    هما اخواتو الكبار
    لما ابص ف عين صغيري
    ببقي مخنوق بالمرار
    بس هو ازاي حيفهم
    ان جوايا انفجار
    بكره يعرف الحقيقة
    بكره يرسي
    ع اللي صار

    ..
    هي ليه الدنيا عتمة
    و كل حاجة مش تمام
    كل لحظة ف عيني حلوة
    تختفي و تروح اوام
    حتي انت يا حبيبتي
    يا اللي كنتِ كل متعب
    تدفعيني للامام
    لما بقعد جنب منك
    ينخرس بينا الكلام
    اعذريني العيشة صعبة
    و المشاعر
    سلعة بايرة ف الزحام
    ..
    المرتب...
    حاجة تحسر
    و الضغوط فوق الخيال
    الاجابة طين و حنضل
    بس ايه كان السؤال


  2. #2
    الصورة الرمزية سمر أحمد محمد أديبة
    تاريخ التسجيل : Feb 2013
    المشاركات : 1,031
    المواضيع : 89
    الردود : 1031
    المعدل اليومي : 0.42

    افتراضي

    بس ايه كان السؤال

    السؤال ليه العدل مش موجود

    الازمات ليه مفتعلة للشعوب

    ليه حفنة من البشر بيتحكموا في باقي البني الادمين

    الله يعين

    سلمت يمنيك ودمت بخير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية عبير محمد احمد قلم مشارك
    تاريخ التسجيل : Sep 2016
    المشاركات : 161
    المواضيع : 1
    الردود : 161
    المعدل اليومي : 0.14

    افتراضي

    نقلت صورة من الواقع
    باحساس مثقل بالمرارة والألم
    الله المستعان
    تقديري لقلمك شاعرنا الوارف
    وكل عام وانت بخير
    كل الود
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    مشرفة عامة
    أديبة

    تاريخ التسجيل : Aug 2012
    المشاركات : 13,653
    المواضيع : 185
    الردود : 13653
    المعدل اليومي : 5.11

    افتراضي

    حتي انت يا حبيبتي
    يا اللي كنتِ كل متعب
    تدفعيني للامام
    لما بقعد جنب منك
    ينخرس بينا الكلام
    اعذريني العيشة صعبة
    و المشاعر
    سلعة بايرة ف الزحام

    كلمات رقيقة ومؤلمة ـ عندما يصبح العجز هو المسيطر
    نتيجة للصعوبات التي فرضتها علينا الحياة
    لوحة رسمتها ريشة المشاعر وعفوية اللغة
    دام نبض حرفك. نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية علي قنديل قلم منتسب
    تاريخ التسجيل : May 2016
    المشاركات : 74
    المواضيع : 16
    الردود : 74
    المعدل اليومي : 0.06

    افتراضي

    اقتباس المشاركة الأصلية كتبت بواسطة سمر أحمد محمد مشاهدة المشاركة
    بس ايه كان السؤال

    السؤال ليه العدل مش موجود

    الازمات ليه مفتعلة للشعوب

    ليه حفنة من البشر بيتحكموا في باقي البني الادمين

    الله يعين

    سلمت يمنيك ودمت بخير
    اسعدنى كثيرا تفاعلك
    تحياتى لسموك

المواضيع المتشابهه

  1. ياَ فَتَاةْ العِشقِْ .. ياَ مَلِيـِحْةْ . .
    بواسطة ياسر مصطفي في المنتدى الشِّعْرُ الفَصِيحُ
    مشاركات: 4
    آخر مشاركة: 22-10-2014, 03:35 PM
  2. يَا غَزَّةُ يَا غَضَبَ اللَّهِ هُبِّي هُبِّي
    بواسطة سالم العلوي في المنتدى الشِّعْرُ الفَصِيحُ
    مشاركات: 20
    آخر مشاركة: 04-08-2014, 02:20 AM
  3. يَا مِصْرُ يَا فَخْرَ العَرَبْ ( بمناسبة فوز مصر بكأس إفريقيا )
    بواسطة محمد سمير السحار في المنتدى الشِّعْرُ الفَصِيحُ
    مشاركات: 12
    آخر مشاركة: 28-06-2008, 03:50 PM
  4. عيدٌ سعيدٌ حبيتي
    بواسطة أحمد عبدالرحمن الحكيم في المنتدى النَّثْرُ الأَدَبِيُّ
    مشاركات: 15
    آخر مشاركة: 28-12-2007, 01:39 PM
  5. اعذريني
    بواسطة د.جمال مرسي في المنتدى الشِّعْرُ الفَصِيحُ
    مشاركات: 16
    آخر مشاركة: 09-01-2005, 07:02 AM