أحدث المشاركات
النتائج 1 إلى 4 من 4

الموضوع: البتاعة

  1. #1
    قلم منتسب
    تاريخ التسجيل : Dec 2013
    المشاركات : 23
    المواضيع : 15
    الردود : 23
    المعدل اليومي : 0.01

    افتراضي البتاعة

    ياللي زوقتوا البتاعه

    كل أفعالكم فشوش

    خلُّوا بالكم م المـجاعه

    كشكشوها متنفشوش

    حسُّـوا بالخلق الجواعه

    فرقوا بين الوشوش

    اللي بيطبل فِـ ساعه

    وبعد ساعه متلقهوش

    واللي بيبث الإذاعه

    و ١٠٠ إشاعه متكفيهوش

    يا جماعه مفيش جماعه

    شماعاتكو مينفعوش

    والغلا أكل القناعه

    والضمير بقا في الكروش

    سندريلا للبياعه

    سندبادنا ميلزموش

    والطابور ازداد بشاعه

    مين يصد ، ومين يحوش ؟

    فين بقينا من الصناعه ؟

    قُـوتنا ليه مبنزرعوش ؟

    غرقانين ليه في الوضاعه

    لو قدرنا منرحموش

    فن بيبث الخلاعه

    والثقافة بقت رتوش

    أسطورتنا في الصياعه

    عبده موته مننكروش

    والفساد واخد مناعه

    والحيا مش في الوشوش

    ياللي طالبين الشفاعه

    من اوباما وعم بوش

    ياللي بتخبوا البضاعه

    لاجل ما تلموا القروش

    ياللي زورتوا البتاعه

    صدقوني متنفعوش

  2. #2
    مشرفة عامة
    أديبة

    تاريخ التسجيل : Aug 2012
    المشاركات : 13,669
    المواضيع : 185
    الردود : 13669
    المعدل اليومي : 5.10

    افتراضي

    جميل ما نثرت هنا من در الحس وندى النفس
    الصدق في الكلمات والإحساس المنساب من الأعماق
    مطيعة هى لك المفردة لتشكل بها معانيك.
    أجدت وأحسنت. نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية سيد يوسف مرسي قلم مشارك
    تاريخ التسجيل : Oct 2016
    المشاركات : 108
    المواضيع : 37
    الردود : 108
    المعدل اليومي : 0.09

    افتراضي

    قصة الحال وما ينتاب الناس من هم وصعوبة العيش تحت مبررات خداعة
    تطل من نوافذها المسلطة علي الناس لاإسكاتهم وإملاء كثيرا من الأفكار وهما ً
    فجاءت حروفكم من فيض الكيل الذي طفح وخرج بعفوية ترتدي ثوب الحق الذي
    هي أهلاً له قصيدة رائعة وشجية دام قلمك وروعتك
    تقبل مروري وتحياتي

  4. #4
    الصورة الرمزية علي قنديل قلم منتسب
    تاريخ التسجيل : May 2016
    المشاركات : 74
    المواضيع : 16
    الردود : 74
    المعدل اليومي : 0.06

    افتراضي

    ماشاء الله
    و كأنك ترسم بيد الابداع لوحة واقعية
    تناولت فيها ما يشغل العقل فى بلدنا الحبيب
    راقت لى كلماتك الرائعة
    تحياتى لسموك المبدع