وقف يازمن

بن حيدره قال دن الليـل دن = يالله بسرك وسر الوالدين
لو لي هنا الامر وقّف يازمن = باسمّع اهل المعارف كلمتين
صليت فرضي وصليت السنن = والحمد لله ذنبي الا دوين
عالم بسري وعالم بالعلن = عينه على الحال خير الشاهدين
وبعد ياذي ذلح جعده سين = مكحل اعيانه ومنقوش الجبين
فيه اللياقة والقيافة والفـــطن = اللهو لاهي .. وفيه الدين ديـن
شي علم والا خبر من ذي رطن = او فايدة بالرطانة والرطين
والا فدعني ولا انته مستهن = لبه مرادي ولو من طرف عين
وذاك ذي بعرفه لاقد رطن = مايرطن الا على الراي المكين
حنيت حنيت له والقلب حن = وانا حنيني مع قلبي حنين
حنيت ماحن فاطر موتمــن = حمل الامانة على جنبه رزيـن
وكّل بها الحادي وغروه الخون = وباعها بيع الدنية والهوين
هذه الحقيقة ولافيها شطن = من بعدما شاهدتهم عين اليقين
جوب عليا قال واداني لـــدن = من داخل الجوف بسمع له ونـين
قم سله القلب جنبي وافتهن = مادام وكلك رب العالمين
لن الامانه حمولة ذي ااتمن = يهون لاما وقع فيها امين
مايدري ان الحق سيفه عالمسن = لا قال بالله ون ما ابرى اليمين
ازكن على تاليتهم وين اتحن = هل باتجي ذي بيسره او باليمين
عجبي على حال اليمن كيف اعتجن = عجن بهم ذي عجن بقعا عجـين
واذكر نبيي محمد ما هتن = هاتن وسبح ذي في القبر الدفين
شكيت هم المواطن والوطن = والحمد لله رب العالمين