بحبك و مدمن...

بحبك و مدمن محبة و صبابة
و بعشق ترابك و صوت الربابة
و بعشق نخيلك
و شجرك و نيلك
و بعشق سمار الوشوش الغلابة
..
و مهما بحس
بظلمك و جورك
و مهما تقابلي
غرامي بغرورك
بحبك برغم الأسي و الكآبة
..
بحب الصحاري
و احب الرمال
و بعشق صخورك
و لون الجبال
و ابص ف عنيكي أحس بمهابة
..
بحبك و خيرك
مليش حظ فيه
و جوعي و فقري
في وشي تشوفيه
و مهما اناديكي مفيش استجابة
..
بتأسي عليا
و اقول برضه امي
اقدم حياتي
و بتمصي دمي
و تملي بحقي كروش الديابة
..
و احبك و اكحل
بحبك عيوني
و اجاهر بحبك
و لو يعدموني
و افني في حبك حروف الكتابة

تدفقت مشاعرك قوية فحركت مشاعرنا بحبها
ما هذه الروعة، وعمق المضمون والمعنى
وصبغة الصدق التي لونت كل حرف.

ذكرتني برباعيات صلاح جاهين:
“على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب”

بوركت مشاعرك وبورك القلم وصاحبه.

―

تدفقت مشاعرك قوية فحركت مشاعرنا بحبها
ما هذه الروعة، وعمق المضمون والمعنى
وصبغة الصدق التي لونت كل حرف.

ذكرتني برباعيات صلاح جاهين:
“على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب”

بوركت مشاعرك وبورك القلم وصاحبه.

―

ما أسعدنى بهذا الرد الممتع
و ما أروع إنتقاءك لكلمات المبدع صلاح جاهين
هكذا فلتكن الردود
تحياتى لسموك المحترم