مين قال لك اني قادر اعيش ----
دي الدنيا نازلة فيا تلطيش .......
كل يوم ناخد وش ورنيش....
الشرطة ملبسانة طرابيش ......
كل يوم لجنة ونقف تفتيش ......
دا انا عايش فيها تهويش .....
اقف يوميا عشان رغيف عيش.....
فكرت اهاجر على بنجلاديش......
يوم مانقب ننزل على مافيش....
وكل متعب اطلع على ابو الريش ....
امتى يلعب الزهر واطلع في الافيش ......
امثل دور حلو في فلم الحرافيش......
تلعب بقى البلية واشتغل شاويش ......
اول تعين ليا يكون في العريش ......
يتوزع عليا ارض من بتوع الجيش ....
الم كم قرش وازرعها حشيش.......
يكون ليا مكتب واقف وراء الشيش .....
ابنى لي فيلا على الكورنيش......
امشي فارد صدري ومايهمنيش.......
لكن الحظ لف وبقيت شيش بيش .....
والسيسي معرضها وما بيستحيش.....
مصدر الطرشه وكله تطنيش.....
ظهرت التسريبات انه بياخد بقشيش ......
مستخبي وفاكر فوق راسه ريش......
شوف القذافي اتمرمط ولبسوه الكلابيش .....
وهو مش عارف ان ربك مابيخليش.....
وحنقف نتحاسب في يوم مايتنسيش .....