أحدث المشاركات
النتائج 1 إلى 2 من 2

الموضوع: قصيدة : وجودك عيد بقلم د. هاني ابوالفتوح

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.08

    افتراضي قصيدة : وجودك عيد بقلم د. هاني ابوالفتوح

    وجودك عيد
    يا احلى ضحكة ف عمري كله
    وابتسامة
    يا روح بتسري جوة دمي
    وميت علامة
    يا غالية عندي الاسم أمي
    والحقيقة
    العمر كله شايلة همي
    ورافعة هامة
    كتبت كتير ف عيد الأم
    وكل يوم وجودك عيد
    يا حب بيسري جوة الدم
    ونبض يحسه كل وريد
    ومهما كان يزيد الهم
    دعاكي يزيح وخير بيزيد
    محتار والحيرة واخداني
    مش عارف اكتب ايه تاني
    ماهو انتي القلب والفرحة
    ومهما كان قلوب جارحة
    ومهما عشنا بنعاني
    دعاكي بيفتح الأبواب
    ورب يسبب الأسباب
    نلاقي الخير معاكي انساب
    وترجعي تدعي من تاني
    يا أم الخير وأم النور
    يا أجمل فرحة جمعتنا
    يا احلى سطور
    كتبها المولى في حياتنا
    كما البنور
    وجودك سر فرحتنا
    ودعوتنا يطول عمرك
    بحجم الأرض
    وحجم السما
    وحجم بحور
    بقلم د. هاني ابوالفتوح
    مارس ٢٠١٩

  2. #2
    مشرفة عامة
    أديبة

    تاريخ التسجيل : Aug 2012
    المشاركات : 14,025
    المواضيع : 190
    الردود : 14025
    المعدل اليومي : 5.11

    افتراضي

    يا أم الخير وأم النور
    يا أجمل فرحة جمعتنا
    يا احلى سطور
    كتبها المولى في حياتنا
    كما البنور
    وجودك سر فرحتنا
    ودعوتنا يطول عمرك
    بحجم الأرض
    وحجم السما
    وحجم بحور
    أحسنت نسجا زينه الإبداع بحس شفيف وبصدق المشاعر
    طابت نصا وجرسا، وأطربت لحنا ومعنى
    هدية قيمة لست الحبايب في عيدها.
    دمت مبدعا متألقا.
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي