حلم تايه
حاسة اني وغصب عني
تايهة مني حاجات كتير
حاسة اني اتسرقت مني
حلمي أصبح أعمى وضرير
تعبت أسأل خوفي ليه
وليه تاه مني المسير
والخطوة ليه بتجري مني
والفرح ليه أصبح عسير
عمري أصبح كأنه حلم
وكأني عشت وهمي الكبير
واللي عايشاه النهار دا ليه
مهوش هين ولا يسير
هيا كدبة ولا إيه
ولا المطاف لحد فين
سؤال سألته وتاه الجواب
وكأنه عمري اللي بكيت عليه
بقلمي / وفاء محمود كحيل
الجمعة ٣ يناير ٢٠٢٠